ດົ່ງທາບເຂັ້ມງວດການຄຸ້ມຄອງເຮືອຫາປາ, ສະກັດກັ້ນການລະເມີດກົດໝາຍວ່າດ້ວຍການຫາປາ IUU ຢ່າງຕັ້ງໜ້າ

	ຮັດແໜ້ນການຄຸ້ມຄອງເຮືອຫາປາ, ແຂວງດົ່ງທັບ ສະກັດກັ້ນການລະເມີດ IUU ຈາກຕົ້ນເຫດ
	ເລັ່ງລັດການແກ້ໄຂ "ບັດເຫຼືອງ" IUU ໃຫ້ໄດ້ໂດຍໄວພາຍໃນປີ 2026

ທະຫານຊາຍແດນແຂວງ ດົ່ງທັບ ມອບຂອງຂວັນ ແລະ ໂຄສະນາເຜີຍແຜ່ກ່ຽວກັບການປ້ອງກັນ ແລະ ຕ້ານການຫາປາແບບ IUU ໃຫ້ແກ່ຊາວປະມົງຢູ່ທ່າເຮືອຫາປາ ວາມລ້າງ (Vàm Láng), ຕາແສງ ຢາທ້ວນ (Gia Thuận), ແຂວງ ດົ່ງທັບ. (ພາບ: TTXVN)

ປະຕິບັດບັນດາມາດຕະການຕ້ານການເຮັດການປະມົງແບບຜິດກົດໝາຍ, ຂາດການລາຍງານ ແລະ ບໍ່ມີລະບຽບການ (IUU), ແຂວງ ດົ່ງທາບ ພວມຮຽກຮ້ອງໃຫ້ບັນດາກົມກອງທີ່ມີສິດອຳນາດ ແລະ ທ້ອງຖິ່ນ ເພີ່ມທະວີການຄຸ້ມຄອງກອງກຳປັ່ນຫາປາ, ເປັນເຈົ້າການໃນການກວດພົບ ແລະ ສະກັດກັ້ນຄວາມສ່ຽງຂອງການລະເມີດຕັ້ງແຕ່ຫົວທີ.

ຕາມນັ້ນແລ້ວ, ວຽກງານການກວດກາຄືນ, ອັບເດດຂໍ້ມູນກຳປັ່ນຫາປາ ແມ່ນຍັງຄົງໄດ້ຮັບການຜັນຂະຫຍາຍຢ່າງເປັນລະບົບ ເພື່ອຄຸ້ມຄອງຈຳນວນພາຫະນະທີ່ຍັງເຄື່ອນໄຫວຢູ່ຢ່າງຮັດກຸມ, ລວມທັງກຳປັ່ນທີ່ໝົດກຳນົດການກວດກາເຕັກນິກ, ໝົດອາຍຸໃບອະນຸຍາດຂຸດຄົ້ນ ຫຼື ຍັງບໍ່ທັນໄດ້ສຳເລັດເອກະສານຕາມລະບຽບການ. ບັນດາກໍລະນີກຳປັ່ນຫາປາທີ່ຕົກຢູ່ໃນສະພາບ “3 ບໍ່” (ບໍ່ມີທະບຽນ, ບໍ່ມີໃບອະນຸຍາດ, ບໍ່ມີການກວດກາເຕັກນິກ) ກໍໄດ້ຖືກຈັດເຂົ້າໃນບັນຊີການຕິດຕາມ ແລະ ແກ້ໄຂ.

ໄປຄວບຄູ່ກັບການຄຸ້ມຄອງເອກະສານພາຫະນະ, ກຳລັງທີ່ມີສິດອຳນາດໄດ້ສຸມໃສ່ການກວດກາການເຄື່ອນໄຫວຂອງອຸປະກອນຕິດຕາມການເດີນເຮືອ (VMS), ໂດຍສະເພາະແມ່ນຕໍ່ກັບບັນດາກຳປັ່ນທີ່ຂາດການເຊື່ອມຕໍ່ເປັນເວລາດົນ ຫຼື ມີສັນຍານວ່າຈະລ່ວງລ້ຳເຂດແດນທີ່ໄດ້ຮັບອະນຸຍາດໃນຂະນະທີ່ຂຸດຄົ້ນຢູ່ທະເລ. ບັນດາກໍລະນີທີ່ເຈດຕະນາຕັດການເຊື່ອມຕໍ່ອຸປະກອນ ຫຼື ບໍ່ຮັກສາສັນຍານຕາມລະບຽບການ ຈະຖືກດຳເນີນຄະດີຢ່າງເຂັ້ມງວດ.

ບັນດາກຳລັງທະຫານຊາຍແດນ, ຂະແໜງການສັດນ້ຳ ແລະ ອຳນາດການປົກຄອງຮາກຖານ ໄດ້ຮັບການຮຽກຮ້ອງໃຫ້ປະສານງານກັນຢ່າງແໜ້ນແຟ້ນໃນວຽກງານກວດກາກຳປັ່ນເຂົ້າ-ອອກທ່າ; ຕິດຕາມປະລິມານການຂຸດຄົ້ນ; ກວດກາເອກະສານ, ປຶ້ມບັນທຶກການຂຸດຄົ້ນ ກໍຄືເງື່ອນໄຂການເຄື່ອນໄຫວຂອງພາຫະນະກ່ອນທີ່ຈະອອກສູ່ທະເລ.

ຄຽງຄູ່ກັນນັ້ນ, ທ້ອງຖິ່ນຍັງໄດ້ເພີ່ມທະວີການເປີດເຜີຍລາຍຊື່ກຳປັ່ນຫາປາທີ່ລະເມີດ ຫຼື ບໍ່ມີເງື່ອນໄຂພຽງພໍໃນການເຄື່ອນໄຫວ ເພື່ອຍົກສູງຄວາມຮັບຜິດຊອບຂອງເຈົ້າຂອງກຳປັ່ນ ແລະ ຊາວປະມົງ ໃນການປະຕິບັດຕາມລະບຽບການຕ້ານການຂຸດຄົ້ນ IUU.

ຫວຽດນາມ ສະເໜີບັນດາບຸລິມະສິດໃນການຮັບມືກັບວິກິດການ ຢູ່ກອງປະຊຸມສຸດຍອດອາຊຽນ ຄັ້ງທີ 48 ຍສໝ - ບັນດາຂໍ້ສະເໜີຂອງ ຫວຽດນາມ ກ່ຽວກັບການເພີ່ມທະວີຄວາມສາມາດໃນການເພິ່ງຕົນເອງ, ຄວາມໝັ້ນຄົງດ້ານພະລັງງານ ແລະ ການຍົກສູງຂີດຄວາມສາມາດໃນການປັບຕົວຂອງພາກພື້ນ ໄດ້ຮັບການຕ້ອນຮັບ ແລະ ຕີລາຄາສູງຈາກບັນດາຜູ້ນຳອາຊຽນ (ASEAN) ທັງທາງດ້ານເນື້ອໃນ ແລະ ຄວາມເໝາະສົມກັບສະພາບການ.

ຂໍ້ມູນກ່ຽວກັບໝາກຜົນຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ແລະ ການເລືອກຕັ້ງສະພາແຫ່ງຊາດ ຊຸດທີ XVI ຢູ່ ລາວ ຍສໝ - ວັນທີ 8 ພຶດສະພາ 2026, ສະຖານທູດ ຫວຽດນາມ ປະຈຳ ລາວ ໄດ້ຈັດກອງປະຊຸມເຜີຍແຜ່ຂໍ້ມູນກ່ຽວກັບໝາກຜົນຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກ; ໝາກຜົນຂອງການເລືອກຕັ້ງສະພາແຫ່ງຊາດ ຊຸດທີ XVI ແລະ ສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈີມິນ ຄົບຮອບ 136 ປີ (19/5/1890 ...