ທ່ານນາງ ປອ. ຈາມີ - ປະທານສະມາຄົມວິສາຫະກິດຫວຽດນາມ ປະຈຳຈີນ: ການແລກປ່ຽນປະຊາຊົນແມ່ນພື້ນຖານທີ່ຍືນຍົງທີ່ສຸດເພື່ອເພີ່ມພູນຄູນສ້າງນ້ຳໃຈມິດຕະພາບ
 | ສະມາຄົມມິດຕະພາບຫວຽດນາມ - ກູບາ ໃນການເດີນທາງອັນສະຫງ່າລາສີ ຄົບຮອບ 75 ປີຂອງສະຫະພັນບັນດາອົງການມິດຕະພາບຫວຽດນາມ |
| ປະຫວັດແຫ່ງການສ້າງຕັ້ງ ແລະ ພັດທະນາສະຫະພັນບັນດາອົງການມິດຕະພາບ ຫວຽດນາມ |
- ຂໍຮຽນທ່ານນາງ, ທ່ານນາງໃຫ້ຮູ້ວ່າ ບັນດາໝາກຜົນອັນພົ້ນເດັ່ນໃນຂະບວນການຮ່ວມມືລະຫວ່າງສະມາຄົມວິສາຫະກິດຫວຽດນາມ ປະຈຳຈີນ ແລະ ສະຫະພັນບັນດາອົງການມິດຕະພາບຫວຽດນາມ ໃນໄລຍະມໍ່ໆມານີ້ ແມ່ນຫຍັງ?
ທ່ານນາງ ປອ. ຈາມີ: ຫວ່າງມໍ່ໆມານີ້, ພາຍໃຕ້ການໜູນຊ່ວຍຢ່າງຕັ້ງໜ້າຂອງສະຫະພັນບັນດາອົງການມິດຕະພາບຫວຽດນາມ (VUFO), ສະມາຄົມວິສາຫະກິດ ຫວຽດນາມ ປະຈຳ ຈີນ ຂອງພວກຂ້າພະເຈົ້າໄດ້ເຊື່ອມຕໍ່ຢ່າງມີຜົນສຳເລັດບັນດາຕົວແບບແຮກສ່ຽວມິດຕະພາບທີ່ເປັນມູນເຊື້ອຄື: ນະຄອນ ດົ່ງຊວາຍ (ບິ່ງເຟືອກ, ຫວຽດນາມ) ແຮກສ່ຽວມິດຕະພາບກັບນະຄອນ Dezhou (Shandong, ຈີນ) ໃນເດືອນພຶດສະພາ 2025; ທ່າເຮືອ Saigon (ຫວຽດນາມ) ແຮກສ່ຽວມິດຕະພາບກັບທ່າເຮືອ Qingdao (ຈີນ), ເດືອນມີນາ 2024; ມະຫາວິທະຍາໄລສ້າງຄູເຕັກນິກນະຄອນໂຮ່ຈິມິນ ແຮກສ່ຽວມິດຕະພາບກັບມະຫາວິທະຍາໄລ Shandong ໃນເດືອນຕຸລາ 2024...
ບັນດາຕົວແບບເເຮກສ່ຽວນີ້ ບໍ່ພຽງແຕ່ມີຄວາມໝາຍທາງສັນຍາລັກຂອງມິດຕະພາບເທົ່ານັ້ນ, ຫາກຍັງເປີດກາລະໂອກາດຮ່ວມມືຕົວຈິງໃນຫຼາຍຂົງເຂດເຊັ່ນ: ການແລກປ່ຽນດ້ານເສດຖະກິດ, ການຄ້າ, ການບໍລິການ logistics ແລະ ການຮ່ວມມືດ້ານການສຶກສາສາກົນ.
ນອກຈາກນັ້ນ, VUFO ຍັງມີບົດບາດເປັນຂົວຕໍ່ທີ່ໜ້າເຊື່ອຖື, ສ້າງເງື່ອນໄຂໃຫ້ສະມາຄົມວິສາຫະກິດຫວຽດນາມ ຢູ່ ຈີນ ເຊື່ອມຕໍ່ກັບບັນດາວິສາຫະກິດ, ອົງການຈັດຕັ້ງທີ່ມີຊື່ສຽງຂອງຈີນ, ຊ່ວຍໃຫ້ເຂົາເຈົ້າມີໂອກາດຕິດຕໍ່ພົວພັນ, ແລກປ່ຽນ, ເຮັດວຽກໂດຍກົງກັບບັນດາຄູ່ຮ່ວມມືຍຸດທະສາດຢູ່ຫວຽດນາມ. ບັນດາການເຄື່ອນໄຫວດັ່ງກ່າວໄດ້ປະກອບສ່ວນຊຸກຍູ້ການເຄື່ອນໄຫວຮ່ວມມືດ້ານເສດຖະກິດຂອງສອງປະເທດ, ເພີ່ມທະວີຄວາມເຂົ້າໃຈ, ຄວາມໄວ້ເນື້ອເຊື່ອໃຈ ແລະ ການເຊື່ອມຕໍ່ລະຫວ່າງວິສາຫະກິດຂອງສອງປະເທດ.
ພວກຂາ້ພະເຈົ້າຄາດວ່າໃນໄລຍະຈະມາເຖິງ, VUFO ຈະສືບຕໍ່ສົມທົບກັນຢ່າງແໜ້ນແຟ້ນກວ່າອີກ, ໜູນຊ່ວຍສະມາຄົມດຶງດູດບັນດາວິສາຫະກິດໃຫຍ່ຂອງຈີນມາລົງທຶນຢູ່ ຫວຽດນາມ ຢ່າງມີປະສິດທິຜົນ ແລະ ຍືນຍົງ, ພິເສດແມ່ນໃນຂົງເຂດລົງທຶນ, ການຄ້າ, ການບໍລິການ ແລະ Logistics ສີຂຽວ.
ຂ້າພະເຈົ້າເຊື່ອໝັ້ນວ່າ ນີ້ບໍ່ພຽງແຕ່ແມ່ນສັນຍາລັກອັນສົດໃສຂອງການແລກປ່ຽນປະຊາຊົນເທົ່ານັ້ນ, ຫາກຍັງສະແດງໃຫ້ເຫັນຢ່າງຈະແຈ້ງກ່ຽວກັບຜົນປະໂຫຍດຕົວຈິງ ແລະ ການເຊື່ອມໂຍງເຂົ້າກັນຢ່າງກົມກຽວກັນລະຫວ່າງ 2 ປະເທດເສດຖະກິດ - ສ້າງຂະບວນການຮ່ວມມືພັດທະນາຮອບດ້ານລະຫວ່າງຫວຽດນາມ - ຈີນ ໃນໄລຍະໃໝ່.
 |
| ທ່ານນາງ ປອ. ຈາມີ - ປະທານສະມາຄົມວິສາຫະກິດຫວຽດນາມ ປະຈຳຈີນ. (Ảnh: NVCC). |
- ຂໍຮຽນທ່ານນາງ, ທ່ານນາງມີຄວາມປາດຖະໜາ ຫຼື ຂໍ້ລິເລີ່ມອັນໃດທີ່ຈະສົ່ງເຖິງ VUFO ເພື່ອສະໜັບສະໜູນການເຄື່ອນໄຫວຂອງສະມາຄົມກໍ່ຄືວິສາຫະກິດຂອງສອງປະເທດໃຫ້ດີຂຶ້ນບໍ?
ທ່ານນາງ ປອ. ຈາມີ: ໃນສະພາບການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ ນັບມື້ນັບພັດທະນາຢ່າງແທດຈິງ, ການແລກປ່ຽນປະຊາຊົນ ໄດ້ຮັບຖືວ່າແມ່ນພື້ນຖານທີ່ຍືນຍົງທີ່ສຸດເພື່ອເພີມພູນຄູນສ້າງນ້ຳໃຈມິດຕະພາບລະຫວ່າງສອງປະເທດ. ໃນຖານະທີ່ເປັນຊາວຫວຽດນາມ ອາໄສຢູ່ຕ່າງປະເທດ ຮັບຜິດຊອບສະມາຄົມວິສາຫະກິດຫວຽດນາມ ຢູ່ຈີນ, ຂ້າພະເຈົ້າເຊື່ອໝັ້ນວ່າ ນີ້ແມ່ນຈຸດເວລາທອງເພື່ອຍູ້ແຮງການຮ່ວມມືດ້ານເສດຖະກິດເພື່ອເຊື່ອມຕໍ່ປະຊາຊົນສອງປະເທດ, ພິເສດແມ່ນການແລກປ່ຽນໃນຂົງເຂດວິທະຍາສາດເຕັກໂນໂລຢີ, ນະວັດຕະກຳ, ການທ່ອງທ່ຽວ ແລະ ການບໍລິການ, ການຮ່ວມມືດ້ານການສຶກສາ.
ກ່ຽວກັບດ້ານການຄ້າ, ຈີນ ຍາມໃດກໍ່ແມ່ນຄູ່ຮ່ວມມືການຄ້າໃຫຍ່ທີ່ສຸດຂອງຫວຽດນາມ ໃນທົ່ວໂລກ, ດ້ວຍວົງເງິນການຄ້າສອງຝ່າຍໃນປີ 2024 ບັນລຸໄດ້ລື່ນກາຍ 206 ຕື້ USD (ຕາມສະຖິຕິຂອງຫວຽດນາມ) ແລະ ກວ່າ 260 ຕື້ USD (ຕາມສະຖິຕິຂອງຈີນ).
ໃນດ້ານການລົງທຶນ, ຈີນ ໄດ້ກາຍເປັນນັກລົງທຶນຕ່າງປະເທດໃຫຍ່ອັນດັບ 3 ຢູ່ຫວຽດນາມ ດ້ວຍຍອດຈຳນວນເງິນລົງທຶນບັນລຸ 4,7 ຕື້ USD ໃນປີ 2024 ແລະ 3,13 ຕື້ USD ໃນ 8 ເດືອນຕົ້ນປີ 2025.
ນຂົງເຂດວິທະຍາສາດເຕັກໂນໂລຢີ, ສອງປະເທດຖືການປະດິດສ້າງເປັນກຳລັງຊຸກຍູ້ການພັດທະນາເສດຖະກິດຂອງຊາດ. ສະນັ້ນ, ຂ້າພະເຈົ້າສະເໜີວິທີແກ້ໄຂການຮ່ວມມືດ້ານເສດຖະກິດໄປຄຽງຄູ່ກັບການເພີ່ມທະວີການພົວພັນມິດຕະພາບທີ່ເປັນມູນເຊື້ອ ແລະ ໝັ້ນຄົງຕະຫຼອດໄປ. ຕ້ອງເຊື່ອມຕໍ່ວິສາຫະກິດຂອງທັງສອງປະເທດເຂົ້າຮ່ວມຢ່າງເລິກເຊິ່ງກວ່າໃນຕ່ອງໂສ້ການສະໜອງຂອງໂລກ. ເລືອກເອົາບາງທ້ອງຖິ່ນ (ພາຍຫຼັງການລວມຕົວ) ຂອງບັນດາແຂວງ, ນະຄອນ, ຕາແສງຂອງ 2 ປະເທດ, ທົດລອງຄູ່ແຝດມິດຕະພາບ, ຊຸກຍູ້ການຮ່ວມມືຮອບດ້ານລະຫວ່າງບັນດາວິສາຫະກິດ, ວິສາຫະກິດ, ອົງການຈັດຕັ້ງ; ສ້າງກົນໄກສະເພາະເພື່ອໃຫ້ສອງຝ່າຍມີກາລະໂອກາດຢ້ຽມຢາມ ແລະ ພົວພັນຮ່ວມມືຢ່າງແໜ້ນແຟ້ນກວ່າອີກ, ເຮັດໃຫ້ລະບຽບການບໍລິຫານງ່າຍຂຶ້ນ, ໜູນຊ່ວຍເຊິ່ງກັນ ແລະ ກັນໃນດ້ານການຄ້າ - ການລົງທຶນ - ການສຶກສາ... ເປັນລະບົບຕ່ອງໂສ້ມູນຄ່າລວມ, ແລະ ຊ່ວຍເຫຼືອເຊິ່ງກັນ ແລະ ກັນເຂົ້າສູ່ຕະຫຼາດເສດຖະກິດໂລກ.
 |
| ສະມາຄົມວິສາຫະກິດຫວຽດນາມເຂົ້າຮ່ວມກອງປະຊຸມໃຫຍ່ອຸດສາຫະກໍາເອເລັກໂຕຼນິກຢູ່ນະຄອນ Shenzhen (ຈີນ) ໃນເດືອນພະຈິກ 2025. (ພາບ: ບຸລຸດສະໜອງ). |
ກ່ຽວກັບດ້ານການສຶກສາ, ຂ້າພະເຈົ້າຄິດວ່າ ຕ້ອງຊຸກຍູ້ບັນດາມະຫາວິທະຍາໄລ, ໂຮງຮຽນອາຊີວະສຶກສາ, ບັນດາສະຖາບັນຄົ້ນຄວ້າຂອງສອງປະເທດລົງນາມໃນສັນຍາຮ່ວມມືມິດຕະພາບ, ແລກປ່ຽນນັກສຶກສາ ແລະ ອາຈານ, ຈັດຕັ້ງກອງປະຊຸມສຳມະນາສາກົນ, ດຳເນີນການພົບປະແລກປ່ຽນວິຊາການ. 2 ຝ່າຍຄວນຕັ້ງໜ້າກໍ່ສ້າງບັນດາໂຄງການຕັ້ງຄ້າຍພັກລະດູຮ້ອນ, ໂຄງການຕັ້ງຄ້າຍລະດູໜາວ, ສະໂມສອນນັກສຶກສາ, ເພື່ອແລກປ່ຽນ “ເສັ້ນທາງແດງເພື່ອຄົ້ນຄວ້າ ແລະ ສຶກສາ” ເພື່ອໃຫ້ຊາວໜຸ່ມຫວຽດນາມ ແລະ ຈີນ ໄດ້ຮ່ຳຮຽນກ່ຽວກັບປະຫວັດສາດ ແລະ ປະສົບກັບວັດທະນະທຳທີ່ແຕກຕ່າງກັນ, ຊ່ວຍໃຫ້ຊາວໜຸ່ມສອງປະເທດເຂົ້າໃຈ ແລະ ໃກ້ຊິດສະໜິດສະໜົມ.
ຂ້າພະເຈົ້າເຊື່ອວ່າ ຖ້າການທູດທາງການເມືອງແມ່ນ “ທາງລົດໄຟ”, ການທູດປະຊາຊົນ ແລະ ການທູດດ້ານເສດຖະກິດແມ່ນ “ທາງລົດໄຟ” ທີ່ມີຄວາມໄວ້ເນື້ອເຊື່ອໃຈ, ຄວາມເຂົ້າໃຈ ແລະ ຜົນປະໂຫຍດລວມເພື່ອໄປເຖິງຈຸດໝາຍ “ສະຖານີ” ແຫ່ງໄຊຊະນະ. ຂ້າພະເຈົ້າເຊື່ອໝັ້ນວ່າ ດ້ວຍຄວາມມານະພະຍາຍາມຮ່ວມຂອງຊາວຫວຽດນາມ ອາໄສຢູ່ຕ່າງປະເທດນັບລ້ານຄົນ, ຄວາມມານະພະຍາຍາມຂອງປະຊາຄົມວິສາຫະກິດ, ລຸ້ນໜຸ່ມ, ປັນຍາຊົນຂອງສອງປະເທດ, ຂົວມິດຕະພາບຫວຽດນາມ - ຈີນ ຈະຄົງຕົວຕະຫຼອດໄປ, ນຳມາເຊິ່ງຜົນປະໂຫຍດທີ່ແທດຈິງ ແລະ ຄວາມສາມັກຄີຂອງປະຊາຊົນສອງປະເທດ.
- ຂໍຂອບໃຈທ່ານນາງ!
 | ດານັງ ແລະ "ສູດ" 3 ບາດກ້າວໃຫ້ແກ່ການທູດປະຊາຊົນແບບຍືນຍົງ ຍສໝ - ພາຍຫຼັງເກືອບ 3 ທົດສະວັດແຫ່ງການສ້າງຕັ້ງ ແລະ ພັດທະນາ, ສະຫະພັນບັນດາອົງການຈັດຕັ້ງມິດຕະພາບນະຄອນ ດານັງ (ສະຫະພັນ ດານັງ) ໄດ້ຢັ້ງຢືນທີ່ຕັ້ງຂອງຕົນເປັນຈຸດທີ່ສົດໃສໃນວຽກງານການຕ່າງປະເທດຂອງປະຊາຊົນ - ຮູບແບບການດຳເນີນງານຢ່າງມີປະສິດທິຜົນ, ມີຫົວຄິດປະດິດສ້າງ, ຍືນຍົງ, ເຊື່ອມໂຍງຢ່າງເລິກເຊິ່ງກ້ວາງຂວາງກັບເພື່ອນມິດສາກົນ ແລະ ປະກອບສ່ວນຢ່າງຕັ້ງໜ້າເຂົ້າໃນຂະບວນການເຊື່ອມໂຍງນະຄອນບົນແມ່ນ້ຳຮ່ານ. |
 | ສະຫະພັນບັນດາອົງການມິດຕະພາບຫວຽດນາມ ໄດ້ເຂົ້າຮ່ວມ ແລະ ຈັດຕັ້ງຢ່າງຕັ້ງໜ້າການເຄື່ອນໄຫວວຽກງານການຕ່າງປະເທດຂັ້ນສູງຢູ່ຕ່າງປະເທດ. ຍສໝ - ໃນໄລຍະ 2 ປີ 2024-2025, ສະຫະພັນບັນດາອົງການມິດຕະພາບ ຫວຽດນາມ ໄດ້ເປັນປະທານ ແລະ ສົມທົບກັນຈັດຕັ້ງບັນດາການເຄື່ອນໄຫວພົບປະແລກປ່ຽນມິດຕະພາບລະຫວ່າງບັນດາການຢ້ຽມຢາມ ແລະເຮັດວຽກຂອງບັນດາການນຳພັກ, ລັດຢູ່ຫຼາຍປະເທດ, ປະກອບສ່ວນຊຸກຍູ້ການພົວພັນຮ່ວມມື, ມິດຕະພາບລະຫວ່າງປະຊາຊົນຫວຽດນາມ ແລະ ເພື່ອນມິດສາກົນ. |
ມີງດຶກ