APEC 2025: ຢືນຢັນຮູບພາບແຫ່ງຄວາມໝັ້ນໃຈ, ເປັນເຈົ້າຕົນເອງ ແລະ ຢືດໝັ້ນຄົງຕົວຂອງຫວຽດນາມ ເຂົ້າສູ່ຍຸກໃໝ່ແຫ່ງການພັດທະນາ

	ຊຸກຍູ້ຄວາມເຂົ້າໃຈ ແລະ ການຮ່ວມມືດ້ານການສຶກສາລະຫວ່າງ ຫວຽດນາມ ແລະ ໄທ
	ການຫັນເປັນດິຈິຕອນຂອງຫວຽດນາມເຂົ້າສູ່ໄລຍະເລັ່ງລັດ, ປະສິດທິຜົນ ແລະ ໃກ້ຊິດກັບປະຊາຊົນ

ທ່ານນາງຮອງລັດຖະມົນຕີການຕ່າງປະເທດ ຫງວຽນມິງຮັ່ງ ໃຫ້ສຳພາດຕໍ່ນັກຂ່າວ

ໂດຍໄດ້ຮັບຄຳເຊີນຂອງທ່ານປະທານາທິບໍດີ ສ.ເກົາຫຼີ Lee Jae-myung, ທ່ານປະທານປະເທດ ເລືອງເກື່ອງ ຈະນຳໜ້າຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມສຸດຍອດ APEC ຄັ້ງທີ 32 ແລະ ດຳເນີນບັນດາການພົບປະສອງຝ່າຍຢູ່ ສ. ເກົາຫຼີ ແຕ່ວັນທີ 29 ຕຸລາ – 1 ພະຈິກ 2025.

ທ່ານນາງຮອງລັດຖະມົນຕີການຕ່າງປະເທດ ຫງວຽນມິງຮັ່ງ ໃຫ້ສຳພາດຕໍ່ນັກຂ່າວຫວຽດນາມ ກ່ອນການຢ້ຽມຢາມຂອງທ່ານປະທານປະເທດ ເລືອງເກື່ອງ.

ຂໍຮຽນທ່ານນາງຮອງລັດຖະມົນຕີການຕ່າງປະເທດ, ຂໍທ່ານນາງໃຫ້ຮູ່ກ່ຽວກັບຄວາມໝາຍຂອງປີ APEC 2025 ແລະ ຄວາມຄາດໝາຍຂອງຫວຽດນາມ ໃນສັບປະດາຂັ້ນສູງປີນີ້ໄດ້ບໍ?

ທ່ານນາງຮອງລັດຖະມົນຕີການຕ່າງປະເທດ ຫງວຽນມິງຮັ່ງ: ໃນໄລຍະ 3 ທົດສະວັດແຫ່ງການສ້າງຕັ້ງ ແລະ ພັດທະນາ, ເວທີປາໄສຮ່ວມມືເສດຖະກິດອາຊີ - ປາຊີຟິກ (APEC) ໄດ້ກາຍເປັນກົນໄກຮ່ວມມືດ້ານເສດຖະກິດແຖວໜ້າໃນພາກພື້ນ, ດ້ວຍ 21 ພື້ນຖານເສດຖະກິດສະມາຊິກ, 3 ໃນ 5 ເສດຖະກິດອັນດັບຕົ້ນຂອງໂລກ, ກວມເອົາ 46% ຍອດວົງເງິນການຄ້າທົ່ວໂລກ ແລະ 61% GDP ທົ່ວໂລກ. ອາທິດທີ່ກອງປະຊຸມສຸດຍອດ APEC 2025 ດຳເນີນໄປໃນສະພາບການຜັນແປທາງດ້ານການເມືອງ ແລະ ພື້ນຖານເສດຖະກິດຢ່າງວ່ອງໄວ ແລະ ສັບສົນ, ການຄ້າທົ່ວໂລກປະສົບກັບການທ້າທາຍຫຼາຍຢ່າງ, ໂລກພວມຢູ່ໃນໄລຍະແຫ່ງການຫັນປ່ຽນຢ່າງເລິກເຊິ່ງ. ໃນນັ້ນ, ສັບປະດາຂັ້ນສູງ APEC 2025 ແມ່ນມີຄວາມສຳຄັນເປັນພິເສດເພື່ອຮັກສາ ແລະ ເພີ່ມທະວີຈິດໃຈການເຈລະຈາ ແລະ ການຮ່ວມມື, ຊຸກຍູ້ການຄ້າ, ການລົງທຶນ, ການເຊື່ອມໂຍງເສດຖະກິດ, ຮັກສາທ່າເຕີບໂຕຟື້ນຟູ, ຕອບສະໜອງບັນດາສິ່ງທ້າທາຍທົ່ວໂລກ ແລະ ຜັນຂະຫຍາຍການພັດທະນາຂອງພາກພື້ນໃນອະນາຄົດບົນພື້ນຖານວິທະຍາສາດ, ເຕັກໂນໂລຢີ, ນະວັດຕະກຳ ແລະ ການຫັນເປັນດີຈີຕອນ.

ດ້ວຍຫົວຂໍ້ “ສ້າງອະນາຄົດແບບຍືນຍົງ” ແລະ 3 ບຸລິມະສິດ “ການເຊື່ອມຈອດ”, “ນະວັດຕະກຳ” ແລະ “ຄວາມຈະເລີນຮຸ່ງເຮືອງ”, ກອງປະຊຸມສຸດຍອດ APEC ຄັ້ງທີ 32 ໄດ້ຮັບຄວາມເອົາໃຈໃສ່ ແລະ ຄາດໝາຍຈາກບັນດາສະມາຊິກ APEC ແລະ ປະຊາຄົມໂລກ.

ກ່ອນອື່ນໝົດ, ດ້ວຍການເຂົ້າຮ່ວມຂອງການນຳຂັ້ນສູງຂອງ 21 ປະເທດສະມາຊິກ APEC, ກອງປະຊຸມມີຄວາມໝາຍສຳຄັນທີ່ສຸດໃນການຊຸກຍູ້ການເຈລະຈາຂັ້ນສູງກ່ຽວກັບບັນດາບັນຫາຕົ້ນຕໍທີ່ເສດຖະກິດ, ການຄ້າ ແລະ ການພັດທະນາຂອງໂລກພວມປະເຊີນໜ້າ. ການຊຸກຍູ້ການເຈລະຈາ, ການຮ່ວມມື ແລະ ຮ່ວມກັນແກ້ໄຂບັນດາສິ່ງທ້າທາຍຮ່ວມແມ່ນຈຳເປັນທີ່ສຸດເພື່ອສັນຕິພາບ, ສະຖຽນລະພາບ ແລະ ການພັດທະນາຂອງພາກພື້ນ ແລະ ໃນໂລກໃນໄລຍະປະຈຸບັນ. ການພົວພັນລະຫວ່າງບັນດາການນຳ APEC ໃນໂອກາດນີ້ ຍັງຈະສ້າງຄວາມຄືບໜ້າໃນການແກ້ໄຂບັນດາບັນຫາເສດຖະກິດ - ການຄ້າ, ຜ່ານນັ້ນສ້າງສະພາບແວດລ້ອມສາກົນທີ່ສະດວກ ເພື່ອຊຸກຍູ້ຂະບວນການຄ້າ ແລະ ການລົງທຶນທີ່ໝັ້ນຄົງ, ເຕີບໂຕແບບຍືນຍົງ, ເປັນເຈົ້າຕົນເອງ ແລະ ເປັນເອກະພາບໃນພາກພື້ນ ແລະ ໃນໂລກ.

ທີ່ສອງ, ປະຊາຄົມໂລກຄາດວ່າກອງປະຊຸມສຸດຍອດປີນີ້ຈະສ້າງຂອບເຂດການຮ່ວມມືຢ່າງກວ້າງຂວາງຢູ່ APEC ໃນຂົງເຂດຫັນເປັນດີຈີຕອນ ແລະ ປັນຍາປະດິດ (AI). ນີ້ແມ່ນບູລິມະສິດສູງສໍາລັບສະມາຊິກໃນປະຈຸບັນເພື່ອເພີ່ມໂອກາດແລະຫຼຸດຜ່ອນຄວາມສ່ຽງຈາກການພັດທະນາຂອງ AI. ກອງປະຊຸມຍັງແມ່ນໂອກາດເພື່ອໃຫ້ບັນດາສະມາຊິກຊຸກຍູ້ການຮ່ວມມື, ແກ້ໄຂບັນຫາຕ່າງໆເຊັ່ນ: ການເຕີບໂຕຂອງປະຊາກອນ, ຊຸກຍູ້ການເຕີບໂຕໃໝ່, ພັດທະນາວິທະຍາສາດເຕັກໂນໂລຢີ, ເສດຖະກິດສ້າງສັນ, ອຸດສາຫະກຳວັດທະນະທຳ ແລະ ອື່ນໆ.

ທີສາມ, ຊຸກຍູ້ກຳລັງແຮງຂອງ APEC ໃນການເຊື່ອມຕໍ່ລັດຖະບານກັບບັນດາວິສາຫະກິດ, ດ້ວຍການເຂົ້າຮ່ວມຂອງບັນດາວິສາຫະກິດນຳໜ້າໃນພາກພື້ນ, ໃນອາທິດນີ້ APEC ຄາດວ່າຈະສ້າງກຳລັງແຮງຊຸກຍູ້ການຮ່ວມມືພາກລັດ - ເອກະຊົນ ເພື່ອຍູ້ແຮງການລະດົມແຫຼ່ງຊັບພະຍາກອນເພື່ອຮັບໃຊ້ການຫັນເປັນດິຈິຕອລ, ການຫັນເປັນສີຂຽວ, ການຫັນເປັນພະລັງງານ, ການພັດທະນາພື້ນຖານໂຄງລ່າງຍຸດທະສາດ, ການເຊື່ອມຈອດເສດຖະກິດ, ຜ່ານນັ້ນປະກອບສ່ວນຊຸກຍູ້ການຫັນປ່ຽນຮູບແບບການເຕີບໂຕຂອງເສດຖະກິດສະມາຊິກ.

ຫວຽດນາມ ປາດຖະໜາ ແລະ ເຊື່ອໝັ້ນວ່າ ພາຍໃຕ້ການເປັນປະທານຂອງ ສ.ເກົາຫຼີ, ບັນດາໝາກຜົນອັນດີງາມຂອງ APEC 2025 ຈະປະກອບສ່ວນສືບຕໍ່ຮັກສາບົດບາດເປັນກຳລັງໜູນຊຸກຍູ້ການເຕີບໂຕເສດຖະກິດ ແລະ ເຊື່ອມຕໍ່ເຊິ່ງເວທີປາໄສ APEC ໄດ້ຢັ້ງຢືນໃນຫຼາຍທົດສະວັດຜ່ານມາ, ພ້ອມທັງຊຸກຍູ້ບົດບາດບຸກເບີກຂອງ APEC ໃນຍຸກເຕັກໂນໂລຢີ ແລະ ນະວັດຕະກຳປະຈຸບັນ.

ຂໍຮຽນທ່ານນາງຮອງລັດຖະມົນຕີການຕ່າງປະເທດ, ຂໍທ່ານນາງໃຫ້ຮູ່ຄວາມໝາຍ, ເປົ້າໝາຍຂອງປະຕິບັດງານຂອງທ່ານປະທານປະເທດ ເລືອງເກື່ອງ ເພື່ອເຂົ້າຮ່ວມສັບປະດາຂັ້ນສູງ APEC 2025 ແລະ ເຮັດວຽກສອງຝ່າຍຢູ່ ສ.ເກົາຫຼີ ໄດ້ບໍ?

ທ່ານນາງຮອງລັດຖະມົນຕີການຕ່າງປະເທດ ຫງວຽນມິງຮັ່ງ: ໂດຍໄດ້ຮັບຄຳເຊີນຂອງທ່ານປະທານາທິບໍດີ ສ.ເກົາຫຼີ Lee Jae-myung, ທ່ານປະທານປະເທດ ເລືອງເກື່ອງ ຈະນຳໜ້າຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມສຸດຍອດ APEC ຄັ້ງທີ 32 ແລະ ດຳເນີນບັນດາການພົບປະສອງຝ່າຍຢູ່ ສປປ ເກົາຫຼີ ແຕ່ວັນທີ 29 ຕຸລາ – 1 ພະຈິກ 2025.

ທີ່ກອງປະຊຸມສຸດຍອດ APEC ປີນີ້, ດ້ວຍຖານະແມ່ນໜຶ່ງໃນບັນດາພື້ນຖານເສດຖະກິດທີ່ມີລະດັບເຕີບໂຕສູງສຸດໃນພາກພື້ນ,ດ້ວຍບົດບາດ ແລະ ຖານະສາກົນທີ່ນັບມື້ນັບເພີ່ມຂຶ້ນ, ຫວຽດນາມ ພວມກ້າວເຂົ້າສູ່ໄລຍະພັດທະນາໃໝ່, ໂດຍສະເພາະແມ່ນປະເທດທີ່ໄດ້ຮັບກຽດເປັນເຈົ້າພາບຈັດຕັ້ງ APEC ເປັນຄັ້ງທີ 3 ໃນປີ 2027, ຫວຽດນາມ ຈະສືບຕໍ່ປະກອບສ່ວນຢ່າງຕັ້ງໜ້າເພື່ອແນໃສ່ຊຸກຍູ້ການຮ່ວມມື APEC, ຊຸກຍູ້ລັດທິຫຼາຍຝ່າຍ, ສົມທົບກັນເພື່ອສັນຕິພາບ, ສະຖຽນລະພາບ, ພັດທະນາແບບຍືນຍົງ ແລະ ວັດທະນາຖາວອນຂອງພາກພື້ນ ແລະ ໃນໂລກ. ດ້ວຍຈິດໃຈນັ້ນ, ການໄປເຮັດວຽກຂອງທ່ານປະທານປະເທດ ເລືອງເກື່ອງ ແມ່ນສຳຄັນທີ່ສຸດໃນຫຼາຍດ້ານ.

ກ່ອນອື່ນໝົດ, ການເຂົ້າຮ່ວມສັບປະດາຂັ້ນສູງຂອງທ່ານປະທານປະເທດ APEC ແມ່ນບາດກ້າວສຳຄັນໃນການປະຕິບັດນະໂຍບາຍການຕ່າງປະເທດ, ນະໂຍບາຍ, ຄວາມຕັດສິນໃຈໃຫຍ່ຂອງພັກ ແລະ ລັດ, ພິເສດແມ່ນມະຕິເລກທີ 59-NQ/TW ຂອງກົມການເມືອງກ່ຽວກັບການເຊື່ອມໂຍງເຂົ້າກັບສາກົນໃນສະພາບການໃໝ່, ສືບຕໍ່ຫັນແນວຄິດ ແລະ ທິດທາງໃໝ່ເຂົ້າສູ່ການເຊື່ອມໂຍງເຂົ້າກັບສາກົນ, ຈາກແນວຄິດຮັບຮອງເອົາ” ໄປແນວຄວາມຄິດຂອງ “ການປະກອບສ່ວນ”, ຈາກການເຊື່ອມໂຍງໄປສູ່ການເຊື່ອມໂຍງຢ່າງເລິກເຊິ່ງ, ກວ້າງຂວາງ, ຈາກຖານະຂອງພື້ນຖານເສດຖະກິດທີ່ຊັກຊ້າລົງໄປສູ່ເສດຖະກິດທີ່ພົ້ນເດັ່ນ, ເປັນບຸກເບີກໃນຫຼາຍຂົງເຂດໃໝ່. ທ່ານປະທານປະເທດຈະປຶກສາຫາລືກັບບັນດາການນຳ APEC ບັນດາບັນຫາສຳຄັນກ່ຽວກັບການຮ່ວມມື ແລະ ພັດທະນາ, ເຫັນດີກ່ຽວກັບບັນດາທິດທາງຊຸກຍູ້ການຄ້າ, ການລົງທຶນ, ການເຊື່ອມຕໍ່, ວິທະຍາສາດເຕັກໂນໂລຢີ, ການຫັນປ່ຽນສີຂຽວ, ການຫັນເປັນດີຈີຕອນ ແລະ ຫຼາຍຂົງເຂດສຳຄັນອື່ນໆ.

ທີ່ສອງ, ທ່ານປະທານປະເທດ ເລືອງເກື່ອງ ຈະມີການເຄື່ອນໄຫວພົວພັນກັບການນຳຫຼາຍປະເທດຂອງພື້ນຖານເສດຖະກິດ APEC, ພົບປະກັບບັນດາການນຳບັນດາວິສາຫະກິດ, ວິສາຫະກິດແຖວໜ້າຂອງໂລກ, ປະກອບສ່ວນເຮັດໃຫ້ການພົວພັນສອງຝ່າຍກັບບັນດາຄູ່ຮ່ວມມືເຂົ້າສູ່ລວງເລິກ, ລະດົມແຫຼ່ງກຳລັງເພື່ອຮັບໃຊ້ເປົ້າໝາຍພັດທະນາເສດຖະກິດ - ສັງຄົມຂອງປະເທດ.

ພິເສດ, ທ່ານປະທານປະເທດ ຈະເຂົ້າຮ່ວມ, ໂອ້ລົມສົນທະນາ ແລະ ກ່າວຄຳປາໄສທີ່ສຳຄັນທີ່ກອງປະຊຸມສຸດຍອດCEO APEC 2025 ໂດຍມີການເຂົ້າຮ່ວມຂອງການນຳເກືອບ 2.000 ຄົນຂອງບັນດາວິສາຫະກິດນຳໜ້າໃນພາກພື້ນ ເພື່ອແນໃສ່ສົ່ງເສີມຄວາມສາມາດບົ່ມຊ້ອນ, ຄວາມໄດ້ປຽບ, ຄວາມຕັດສິນໃຈ ແລະ ບັນດາບາດກ້າວບຸກທະລຸຍຸດທະສາດ. ສິ່ງດັ່ງກ່າວຈະຊ່ວຍໃຫ້ເພື່ອນມິດສາກົນສືບຕໍ່ໄປພ້ອມໆກັນ, ສະໜັບສະໜູນ ແລະ ຢືນຄຽງຂ້າງພວກເຮົາໃນບາດກ້າວພັດທະນາໃໝ່, ໂດຍສະເພາະແມ່ນການລະດົມແຫຼ່ງທຶນ ແລະ ເຕັກໂນໂລຢີ… ເພື່ອຮັບໃຊ້ເປົ້າໝາຍຫັນປ່ຽນຮູບແບບການເຕີບໂຕ, ຊຸກຍູ້ນະວັດຕະກຳ, ການຫັນເປັນສີຂຽວ ແລະ ຫັນເປັນດີຈີຕອນ.

ທີສາມ, ບົນພື້ນຖານການຮ່ວມມືລະຫວ່າງສອງປະເທດ, ສ.ເກົາຫຼີ ແມ່ນຄູ່ຮ່ວມມືເສດຖະກິດແຖວໜ້າຂອງຫວຽດນາມ ແລະ ໃນສະພາບການການພົວພັນຫວຽດນາມ - ສ.ເກົາຫຼີ ພວມພັດທະນາຢ່າງດີງາມ, ການຢ້ຽມຢາມຂອງທ່ານປະທານປະເທດ ເລືອງເກື່ອງ ແມ່ນໂອກາດເພື່ອໃຫ້ສອງປະເທດສືບຕໍ່ຮັດແໜ້ນ ແລະ ຮັດແໜ້ນພື້ນຖານການພົວພັນທາງການເມືອງອັນດີງາມ, ຊຸກຍູ້ການປະຕິບັດບັນດາຄຳໝັ້ນສັນຍາ ແລະ ຂໍ້ຕົກລົງຂັ້ນສູງທີ່ບັນລຸໄດ້ໃນໄລຍະມໍ່ໆມານີ້.

ຂ້າພະເຈົ້າເຊື່ອໝັ້ນວ່າ ການຢ້ຽມຢາມຂອງທ່ານປະທານປະເທດ ເລືອງເກື່ອງ ເຂົ້າຮ່ວມກອງປະຊຸມສຸດຍອດ APEC 2025 ແລະ ບັນດາການພົບປະສອງຝ່າຍຢູ່ ສ.ເກົາຫຼີ ຈະປະສົບຜົນສຳເລັດຢ່າງຈົບງາມ, ປະກອບສ່ວນສືບຕໍ່ຢັ້ງຢືນຮູບພາບຄວາມເຊື່ອໝັ້ນ, ເປັນເຈົ້າຕົນເອງ ແລະ ຢືດໝັ້ນຂອງຫວຽດນາມ ເຂົ້າສູ່ຍຸກໃໝ່ແຫ່ງການພັດທະນາ, ປະກອບສ່ວນຢ່າງມີຄວາມຮັບຜິດຊອບ ແລະ ມີປະສິດທິຜົນກວ່າອີກໃຫ້ແກ່ບັນດາບັນຫາຮ່ວມມືຂອງມວນມະນຸດ, ເພື່ອສັນຕິພາບ, ສະຖຽນລະພາບຂອງໂລກ.

ປະເທດ ແລະ ອົງການຈັດຕັ້ງສາກົນ 48 ແຫ່ງ ຈະເຂົ້າຮ່ວມງານບຸນວັດທະນະທຳໂລກຢູ່ຮ່າໂນ້ຍ.

ຍສໝ - ແຕ່ວັນທີ 3-5 ຕຸລານີ້, ຢູ່ເຂດຮ່ອງຮອຍສູນກາງກຳແພງພະລາຊະວັງທັງລອງ (ຮ່າຸໂນ້ຍ), ງານບຸນວັດທະນະທຳໂລກຄັ້ງທຳອິດຈະດຳເນີນໄປດ້ວຍການເຂົ້າຮ່ວມຂອງ 48 ສະຖານທູດ, ອົງການຈັດຕັ້ງສາກົນ ແລະ ສູນວັດທະນະທຳຕ່າງປະເທດປະຈຳຫວຽດນາມ. ນີ້ແມ່ນຂໍ້ລິເລີ່ມໃໝ່ເພື່ອຢັ້ງຢືນບົດບາດຂອງວັດທະນະທຳໃນການເຊື່ອມຕໍ່ມະນຸດ, ຊຸກຍູ້ສັນຕິພາບ ແລະ ການພັດທະນາແບບຍືນຍົງ.

ບາດກ້າວຍຸດທະສາດກ່ຽວກັບຄວາມໝັ້ນຄົງດ້ານພະລັງງານຂອງ ຫວຽດນາມ

ຍສໝ - ໂດຍກຳນົດພະລັງງານແມ່ນເສັ້ນເລືອດຂອງພື້ນຖານເສດຖະກິດ, ແມ່ນເສົາຄ້ຳຮັບປະກັນການປ້ອງກັນຊາດ - ປ້ອງກັນຄວາມສະຫງົບ, ຫວ່າງມໍ່ໆມານີ້ ຫວຽດນາມ ໄດ້ປະກາດໃຊ້ມະຕິສະບັບເລກທີ 70 – NQ/TW ຂອງສູນກາງ ວ່າດ້ວຍການຮັບປະກັນຄວາມໝັ້ນຄົງດ້ານພະລັງງານແຫ່ງຊາດ ຮອດປີ 2030, ວິໄສທັດຮອດປີ 2045. ນີ້ແມ່ນບາດກ້າວຍຸດທະສາດ, ຕອບສະໜອງການຮັບປະກັນຄວາມໝັ້ນຄົງແບບໃໝ່ຂອງຍຸກສະໄໝຍູ້ແຮງການຫັນປະເທດຊາດເປັນອຸດສາຫະກຳ, ທັນສະໄໝ.

ມີງດຶກ