ເພີ່ມທະວີການຮ່ວມມືກໍ່ສ້າງພັກລະຫວ່າງ ຫວຽດນາມ - ລາວ
 | ເພີ່ມທະວີການຮ່ວມມືຫວຽດນາມ - ລາວ ໃນການປະຕິຮູບວິສາຫະກິດແຫ່ງລັດ |
| ເພີ່ມທະວີການຮ່ວມມືປົກປັກຮັກສາຊາຍແດນ, ເພີ່ມທະວີການພົວພັນມິດຕະພາບຫວຽດນາມ - ລາວ |
 |
| ທັດສະນະຂອງກອງປະຊຸມຊົນພົບປະ. (ພາບ: Xuan Tu/ນັກຂ່າວສຳນັກຂ່າວສານຫວຽກນາມ ປະຈຳລາວ) |
ທີ່ການພົບປະ, 2 ຝ່າຍໄດ້ແຈ້ງໃຫ້ກັນຊາບບັນດາໝາກຜົນພົ້ນເດັ່ນໃນວຽກງານກໍ່ສ້າງພັກ ແລະ ສະພາບການພັດທະນາເສດຖະກິດ - ສັງຄົມຂອງແຕ່ລະປະເທດໃນໄລຍະມໍ່ໆມານີ້. ໃນສະພາບການທີ່ສອງຝ່າຍກະກຽມຢ່າງຕັ້ງໜ້າ ໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດຂອງພັກ, ສອງຝ່າຍເຫັນດີວ່າ ການສູນກາງພັກກອມມູນິດຫວຽດນາມ ແບ່ງງານຄະນະຈັດຕັ້ງສູນກາງເປັນປະທານຄະນະຜູ້ແທນໄປແລກປ່ຽນ ແລະ ເຮັດວຽກກັບຄະນະຈັດຕັ້ງສູນກາງພັກປະຊາຊົນປະຕິວັດລາວ ແມ່ນການເຄື່ອນໄຫວທີ່ມີຄວາມໝາຍອັນໃຫຍ່ຫຼວງ, ປະກອບສ່ວນປັບປຸງການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດເວົ້າລວມ ແລະ ລະຫວ່າງ 2 ຄະນະເວົ້າສະເພາະ.
ກ່າວຄຳປາໄສທີ່ການພົບປະ, ສະຫາຍ ຫງວຽນແທ່ງເຕີມ ໄດ້ສົ່ງຄຳຢື້ຢາມຖາມຂ່າວ ແລະ ຄວາມອວຍພອນອັນດີງາມຂອງສະຫາຍ ເລມິງຮືງ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກກອມມູນິດຫວຽດນາມ ເຖິງບັນດາການນຳ, ພະນັກງານ, ສະມາຊິກພັກທຸກຂັ້ນຂອງຄະນະບໍລິຫານງານສູນກາງພັກປະຊາຊົນປະຕິວັດລາວ.
 |
| ທ່ານຮອງຫົວໜ້າຄະນະຈັດຕັ້ງສູນກາງຫວຽດນາມ ຫງວຽນແທ່ງເຕີມ ກ່າວຄຳປາໄສທີ່ກອງປະຊຸມພົບປະ. (ພາບ: Xuan Tu/ນັກຂ່າວສຳນັກຂ່າວສານຫວຽກນາມ ປະຈຳລາວ) |
ທ່ານ ຫງວຽນແທ່ງເຕີມ ຢືນຢັນວ່າ ການປະຕິບັດງານແມ່ນໂອກາດເພື່ອໃຫ້ສອງຝ່າຍປຶກສາຫາລືຢ່າງເລິກເຊິ່ງກ່ຽວກັບວຽກງານການຈັດຕັ້ງ ແລະ ກໍ່ສ້າງພັກ, ພິເສດແມ່ນການຈັດກົງຈັກ, ກະກຽມໃຫ້ກອງປະຊຸມໃຫຍ່ຂອງພັກທຸກຂັ້ນ ມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 14 ຂອງພັກກອມມູນິດຫວຽດນາມ. 2 ຝ່າຍຍັງໄດ້ແລກປ່ຽນບົດຮຽນໃນການຄຸ້ມຄອງ, ພັດທະນາສະມາຊິກພັກ ແລະ ບັນດາອົງການຈັດຕັ້ງພັກຮາກຖານໃຫ້ສົມບູນແບບ, ສອດຄ່ອງກັບຄວາມຮຽກຮ້ອງຕ້ອງການໃໝ່.
ຝ່າຍລາວ, ສະຫາຍ ບຸນສະດີ ທະນາມມວງ ໄດ້ຕີລາຄາສູງການສົມທົບກັນຢ່າງມີປະສິດທິຜົນລະຫວ່າງສອງຄະນະຈັດຕັ້ງສູນກາງພັກໃນໄລຍະມໍ່ໆມານີ້, ພ້ອມທັງແຈ້ງໃຫ້ຊາບກ່ຽວກັບໝາກຜົນພົ້ນເດັ່ນໃນວຽກງານກໍ່ສ້າງພັກຂອງພັກປະຊາຊົນ ປະຕິວັດລາວ, ໃນນັ້ນມີການກະກຽມກອງປະຊຸມໃຫຍ່ຂອງພັກທຸກຂັ້ນ, ປັບປຸງກົງຈັກການຈັດຕັ້ງ ແລະ ຍົກສູງຄຸນນະພາບຂອງຖັນແຖວພະນັກງານ, ສະມາຊິກພັກ.
 |
| ສະຫາຍ ບຸນສະດີ ທະນາມມວງ, ຄະນະກຳມະການສູນກາງພັກ ກ່າວຄຳປາໄສທີ່ກອງປະຊຸມພົບປະ. (ພາບ: Xuan Tu/ນັກຂ່າວສຳນັກຂ່າວສານຫວຽກນາມ ປະຈຳລາວ) |
ກອງປະຊຸມພົບປະໄດ້ດຳເນີນໄປດ້ວຍບັນຍາກາດທີ່ຈິງໃຈ, ສະໜິດສະໜົມ ແລະ ເປັນອ້າຍນ້ອງ, ໄດ້ສະແດງໃຫ້ເຫັນຄວາມຕັດສິນໃຈຂອງສອງຄະນະກຳມະການສືບຕໍ່ເພີ່ມທະວີການຮ່ວມມື ແລະ ແລກປ່ຽນບົດຮຽນ, ປະກອບສ່ວນແທດຈິງເຂົ້າໃນການເພີ່ມທະວີການພົວພັນແບບພິເສດຫວຽດນາມ - ລາວ.
 | ເພີ່ມທະວີການເຜີຍແຜ່ຮູບພາບຂອງຫວຽດນາມ ອອກສູ່ໂລກ ຍສໝ - ວັນທີ 31 ກໍລະກົດ, ຄະນະຊີ້ນຳວຽກງານຂໍ້ມູນຕ່າງປະເທດໄດ້ຈັດຕັ້ງກອງປະຊຸມກວດກາຄືນ 6 ເດືອນຕົ້ນປີ, ຜັນຂະຫຍາຍໜາ້ທີ່ 6 ເດືອນທ້າຍປີ 2025. |
 | ການຮ່ວມມືດ້ານຄວາມປອດໄພສືບຕໍ່ແມ່ນເສົາຄ້ຳໃນການພົວພັນຫວຽດນາມ - ລາວ ຍສໝ - ຕາມນັກຂ່າວສຳນັກຂ່າວສານຫວຽດນາມ ປະຈຳລາວ ແລ້ວ, ໃນການໄປປະຕິບັດງານຂອງຄະນະຜູ້ແທນກະຊວງຕຳຫຼວດຫວຽດນາມ ໂດຍທ່ານພົນເອກ ເລືອງຕ່າມກວາງ, ກຳມະການກົມການເມືອງ, ລັດຖະມົນຕີກະຊວງຕຳຫຼວດຫວຽດນາມ ເປັນນຳໜ້າ, ຕອນບ່າຍວັນທີ 30 ກໍລະກົດ, ທ່ານພົນເອກ ເລືອງຕ່າມກວາງ ໄດ້ຢ້ຽມຂ່ຳນັບທ່ານ ບຸນທອງ ຈິດມະນີ, ກຳມະການກົມການເມືອງ, ຜູ້ປະຈຳຄະນະເລຂາ, ຮອງປະທານ ສປປ ລາວ. ໂດຍເຂົ້າຮ່ວມມີທ່ານກຳມະການກົມການເມືອງ, ... |
ມີງດຶກ