ທ່ານນາງເລຂາຄະນະພັກແຂວງຕວຽນກວາງ ຮ່າທິງາ ໄດ້ຮັບການເຄື່ອນໄຫວເຂົ້າຮ່ວມຄະນະພັກແນວໂຮມປະເທດຊາດຫວຽດນາມ, ບັນດາອົງຄະນະສູນກາງ.
ທີ່ກອງປະຊຸມ, ທ່ານ ໂດ້ຈ້ອງຮື່ງ, ຮອງຫົວໜ້າຄະນະຈັດຕັ້ງສູນກາງ ໄດ້ປະກາດບົດສະຫຼຸບກອງປະຊຸມກົມການເມືອງໃນວັນທີ 6 ມິຖຸນາ 2025 ກ່ຽວກັບການປຸກລະດົມ, ມອບໝາຍ, ແນະນຳ, ເລືອກຕັ້ງຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ອາຍຸການ 2024-2029. ຕາມນັ້ນແລ້ວ, ທ່ານນາງ ຮ່າທິງາ,ກໍາມະການສູນກາງພັກ, ເລຂາຄະນະພັກແຂວງ, ຫົວໜ້າຄະນະຜູ້ແທນສະພາແຫ່ງຊາດແຂວງ ຕວຽນກວາງ ຊຸດທີ່ 15 ໄດ້ຢຸດຕິການເຂົ້າຮ່ວມຄະນະບໍລິຫານງານ, ຄະນະປະຈໍາພັກແຂວງ ແລະ ຢຸດຕິການດຳລົງຕໍາແໜ່ງເລຂາຄະນະພັກແຂວງ ຕວຽນກວາງ ອາຍຸການ 2020-2025, ຫົວໜ້າຄະນະຜູ້ແທນສະພາແຫ່ງຊາດແຂວງ ຕວຽນກວາງ ຊຸດທີ່ 15. ທ່ານນາງ ຮ່າທິງາ ໄດ້ຮັບການປຸກລະດົມ, ມອບໝາຍ, ແນະນຳໃຫ້ຮັບເລືອກຕັ້ງດຳລົງຕຳແໜ່ງເປັນຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ອາຍຸການ 2024-2029.
ທ່ານ ໂດ້ຈ້ອງຮື່ງ ກໍ່ໄດ້ປະກາດຂໍ້ຕົກລົງເລກທີ 2142-QDNS/TW ຂອງກົມການເມືອງກ່ຽວກັບວຽກງານພະນັກງານ. ຕາມນັ້ນແລ້ວ, ກົມການເມືອງໄດ້ຕັດສິນໃຈໃຫ້ທ່ານນາງ ຮ່າທິງາ ຢຸດການເຂົ້າຮ່ວມຄະນະບໍລິຫານງານ, ຄະນະປະຈຳພັກແຂວງ ແລະ ຢຸດດຳລົງຕຳແໜ່ງເລຂາຄະນະພັກແຂວງ ຕວຽນກວາງ ອາຍຸການ 2020-2025; ໄດ້ແຕ່ງຕັ້ງທ່ານນາງເຂົ້າຮ່ວມຄະນະບໍລິຫານງານ, ຄະນະປະຈຳຄະນະພັກແນວໂຮມປະເທດຊາດ, ບັນດາອົງຄະນະສູນກາງອາຍຸການ 2020-2025. ຂໍ້ຕົກລົງນີ້ ມີຜົນບັງຄັບໃຊ້ຕັ້ງແຕ່ວັນທີ 1 ກໍລະກົດ 2025.
 |
| ທ່ານ ໂດ້ວັນຈ໋ຽນ, ກຳມະການກົມການເມືອງ, ເລຂາທິການສູນກາງພັກ, ເລຂາທິການຄະນະພັກແນວໂຮມປະເທດຊາດ, ບັນດາອົງຄະນະສູນກາງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ມອບຂໍ້ຕົກລົງ ແລະ ຊົມເຊີຍທ່ານນາງ ຮ່າທິງາ ໃນການຮັບເອົາໜ້າທີ່ໃໝ່. (ພາບ: Dinh Hoa) |
ກ່າວຄຳປາໄສທີ່ກອງປະຊຸມ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໂດ້ວັນຈ໋ຽນ ໄດ້ຊົມເຊີຍທ່ານນາງ ຮ່າທິງາ ທີ່ໄດ້ຮັບການມອບໝາຍພາລະສຳຄັນໃໝ່ໂດຍກົມການເມືອງ. ທ່ານຕີລາຄາວ່າ ທ່ານນາງ ຮ່າທິງາ ແມ່ນພະນັກງານທີ່ໄດ້ເຕີບໂຕຂຶ້ນຈາກຮາກຖານ, ໄດ້ດຳລົງຕຳແໜ່ງການນຳຫຼາຍຢ່າງຄື: ປະທານສະຫະພັນແມ່ຍິງ ຫວຽດນາມ, ເລຂາຄະນະພັກແຂວງ ຕວຽນກວາງ. ທ່ານໄດ້ສະແດງຄວາມເຊື່ອໝັ້ນວ່າ ໃນຕຳແໜ່ງໃໝ່, ທ່ານນາງ ຮ່າທິງາ ພ້ອມດ້ວຍລວມໝູ່ການນຳຂອງຄະນະກຳມະການສູນກາງແນວໂຮມປະເທດຊາດ ຫວຽດນາມ ຈະເສີມຂະຫຍາຍຈິດໃຈສາມັກຄີ, ປະສົບຜົນສຳເລັດໜ້າທີ່ຂອງພັກ, ລັດ ແລະ ປະຊາຊົນທີ່ໝອບໃຫ້.
ກ່າວຄຳປາໄສທີ່ຮັບໜ້າທີ່, ທ່ານນາງ ຮ່າທິງາ ຢືນຢັນຄວາມຮັບຮູ້ຢ່າງເລິກເຊິ່ງກ່ຽວກັບກຽດສັກສີ ແລະ ຄວາມຮັບຜິດຊອບເມື່ອໄດ້ຮັບການມອບໝາຍໜ້າທີ່ໃໝ່ຈາກກົມການເມືອງ. ໃນຖານະທີ່ປະຕິບັດງານຢູ່ຄະນະພັກແນວໂຮມປະເທດຊາດ, ບັນດາອົງຄະນະສູນກາງ, ທ່ານນາງກໍໃຫ້ຄຳໝັ້ນສັນຍາວ່າ ຈະສືບຕໍ່ຮັບເອົາຄຳສັ່ງຢ່າງເຂັ້ມງວດ, ຫັນໜ້າທີ່ໆໄດ້ໝອບໝາຍເປັນລະອຽດ, ສືບຕໍ່ຝຶກຝົນຫຼໍ່ຫຼອມຄຸນນະພາບການເມືອງ, ຍົກສູງຄວາມສາມາດໃນວຽກງານ, ສືບທອດຮີດຄອງປະເພນີ ແລະ ປະສົບການຂອງຄົນລຸ້ນກ່ອນ ເພື່ອສຳເລັດໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ.
 | ທ່ານເລຂາທິການໃຫຍ່ ໂຕເລິມ: ບົດບາດຂອງແຂວງ ອານຢາງໃໝ່ ໃນໂຄງປະກອບເສດຖະກິດແຫ່ງຊາດ ຍສໝ - ພາຍຫຼັງໂຮມ 2 ແຂວງ ເຂົ້າກັນ, ໜ້າທີ່ສຳຄັນແຖວໜ້າແມ່ນ ປັບປຸງຄວາມເປັນເອກະພາບດ້ານແນວຄິດ, ສ້າງຄວາມເຫັນດີເຫັນພ້ອມ, ເສີມຂະຫຍາຍມູນເຊື້ອປະຕິວັດ ແລະ ຄວາມຄາດຫວັງບືນຕົວຂຶ້ນຂອງທັງສອງແຂວງ. |
 | ການຢ້ຽມຢາມລັດເຊຍຂອງທ່ານເລຂາທິການໃຫຍ່ໄດ້ຢືນຢັນການສືບທອດປະຫວັດສາດ, ສະພາບການພົວພັນໃນປະຈຸບັນ ແລະກ້າວໄປສູ່ອະນາຄົດໃໝ່ ຍສໝ - ໂດຍຕອບສະໜອງຕາມຄຳເຊີນຂອງທ່ານປະທານາທິບໍດີລັດເຊຍ Vladimir Putin, ແຕ່ວັນທີ 8 – 11 ພຶດສະພາ, ທ່ານເລຂາທິການໃຫຍ່ ໂຕເລີມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງຫວຽດນາມ ຈະມາຢ້ຽມຢາມສະຫະພັນລັດເຊຍ ຢ່າງເປັນທາງການ ແລະ ເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນໄຊຊະນະໃນສົງຄາມປົກປັກຮັກສາປະເທດຊາດອັນຍິ່ງໃຫຍ່. |
ມີງດຶກ