ນາຍົກລັດຖະມົນຕີ ເຂົ້າຮ່ວມລາຍການ “ໂກນດ໊າວ - ບົດເພງແຫ່ງເຈດຈໍານົງຫວຽດນາມ”

ທ່ານ ຟ້າມມິງຈິ໊ງ ຢືນຢັນວ່າ ບົດບາດ, ຄວາມສາມາດບົ່ມຊ້ອນແຫ່ງການພັດທະນາຂອງໂກນດ໊າວ ແມ່ນໃຫຍ່ຫຼວງ, ໄດ້ກຳນົດຢ່າງຈະແຈ້ງໃນທິດທາງ ແລະຍຸດທະສາດພັດທະນາຂອງປະເທດ ແລະແຂວງບ່າເຣ້ຍ - ຫວຸງເຕົ່າ, ໝັ້ນໝາຍຈະປະກອບສ່ວນຫຼາຍກວ່າອີກເຂົ້າໃນການພັດທະນາຂອງແຂວງບ່າເຣ້ຍ - ຫວຸງເຕົ່າ, ທິດຕາເວັນອອກພາກໃຕ້, ກໍຄືຂະແໜງການ, ຂົງເຂດສໍາຄັນຂອງທົ່ວປະເທດ, ພິເສດແມ່ນດ້ານເສດຖະກິດທະເລ, ໂລຈິດສະຕິກ, ການທ່ອງທ່ຽວ, ວັດທະນະທໍາ, ປະຫວັດສາດ, ຈິດວິນຍານ, ນິເວດທະເລ, ເກາະລະດັບພາກພື້ນ ແລະ ສາກົນ. ໃນລາຍການ, ທ່ານ ຟ້າມມິງຈິ໊ງ ນາຍົກລັດຖະມົນຕີ ພ້ອມດ້ວຍບັນດາຜູ້ແທນໄດ້ຈູດໃຕ້ທຽນ, ທູບທຽນບູຊາຢູ່ຂຸມຝັງສົບຂອງອະດີດເລຂາທິການໃຫຍ່ ເລຮົ່ງຟອງ, ນັກປະຕິວັດ ຫງວຽນອານນິງ, ບັນດານັກວິລະຊົນກໍາລັງປະກອບອາວຸດປະຊາຊົນ ຫວໍທິເຊົ໊າ, ເຈິ່ນວັນເທີ່ຍ ແລະ ບັນດານັກຮົບວິລະຊົນທີ່ໄດ້ເສຍສະຫຼະຊີວິດຢ່າງພິລະອາດຫານ ເພື່ອພາລະກິດປົດປ່ອຍຊາດ.