ຫວຽດ​ນາມ ຢັ້ງ​ຢືນ​ເອົາ​ໃຈ​ໃສ່​ເຖິງ​ການ​ພັດ​ທະ​ນາ​ການ​ຮ່ວມ​ມື​ໃນ​ການ​ໝູນ​ໃຊ້ AI

ກອງປະຊຸມສຸດຍອດການກະທໍາກ່ຽວກັບ AI ທີ່ ປາຣີ, ໂດຍທ່ານ Emmanuel Macron ປະທານາທິບໍດີຝຣັ່ງ ແລະທ່ານ Narendra Modi ນາຍົກລັດຖະມົນຕີອິນເດຍ ເປັນປະທານຮ່ວມໄດ້ດຳເນີນໄປແຕ່ວັນທີ 10-11 ກຸມພາ. ທີ່ກອງປະຊຸມ, 60 ປະເທດໄດ້ລົງນາມໃນຖະແຫຼງການຮ່ວມ AI Paris, ຮຽກຮ້ອງຊຸກຍູ້ການຄຸ້ມຄອງ AI ໃນຂອບເຂດທົ່ວໂລກ, ຮັບປະກັນໃຫ້ເຕັກໂນໂລຊີນີ້ພັດທະນາຢ່າງໂປ່ງໃສ, ຍຸຕິທຳ ແລະຍືນຍົງ. ເລື່ອງທ່ານຮອງລັດຖະມົນຕີກະຊວງຖະແຫຼງຂ່າວ ແລະສື່ສານຫວຽດນາມ ບຸ່ຍຮວ່າງເຟືອງ ຕາງໜ້າໃຫ້ຫວຽດນາມ ເຂົ້າຮ່ວມກອງປະຊຸມ, ໄດ້ສະແດງໃຫ້ເຫັນຄໍາໝັ້ນສັນຍາຂອງຫວຽດນາມ ໃນການນຳໃຊ້ AI ເຂົ້າໃນການພັດທະນາເສດຖະກິດ-ສັງຄົມ, ພ້ອມທັງເປີດກ້ວາງກາລະໂອກາດຮ່ວມມືກັບບັນດາຄູ່ຮ່ວມມືສາກົນ.