| ທ່ານພົນເອກ ຫງວຽນເຕິນເກືອງ ເນັ້ນໜັກວ່າ: ເນື້ອໃນປຶກສາຫາລືທີ່ກອງປະຊຸມ AMICLC-1 ໄດ້ສະແດງໃຫ້ເຫັນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ, ສະເໜີບັນດາທິດທາງ ກໍຄືຮູບການຮ່ວມມື, ແບ່ງປັນຂໍ້ມູນຂ່າວສານ ເພື່ອແນໃສ່ຮັບປະກັນບົດບາດໃຈກາງຂອງອາຊຽນ ໃນສະພາບການປະຈຸບັນ. ກອງປະຊຸມຍັງເປັນຂີດໝາຍການເຄື່ອນໄຫວທາງການຂອງປະຊາຄົມສືບຂ່າວການທະຫານ/ການປ້ອງກັນຊາດອາຊຽນ (AMIC) ເພື່ອແນໃສ່ເພີ່ມທະວີຄວາມສາມັກຄີ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ແລະຄວາມເຫັນດີເຫັນພ້ອມລະຫວ່າງ ກຳລັງທະຫານຂອງບັນດາປະເທດສະມາຊິກອາຊຽນ. ກອງປະຊຸມເປັນການຢັ້ງຢືນຄຳໝັ້ນສັນຍາຢ່າງແຂງແຮງຂອງບັນດາປະເທດສະມາຊິກອາຊຽນ ໃນການຫັນເປົ້າໝາຍ “ອາຊຽນ: ວິໄສທັດດຽວ, ສີສັນດຽວ, ປະຊາຄົມດຽວ” ໃຫ້ປະກົດຜົນເປັນຈິງ. ນີ້ກໍແມ່ນເປົ້າໝາຍທີ່ກະຊວງປ້ອງກັນປະເທດຫວຽດນາມ ແລະກອງທັບປະຊາຊົນຫວຽດນາມ ຍາມໃດກໍ່ສະໜັບສະໜູນ ແລະ ມຸ່ງໄປເຖິງ, ເພື່ອສັນຕິພາບ, ສະຖຽນລະພາບ ແລະຄວາມວັດທະນາຖາວອນຢູ່ພາກພື້ນ. |
