[ຮູບພາບ] ທ່ານປະທານສະພາຕ່ຳ ມາເລເຊຍ ແລະພັນລະຍາໄດ້ໄປຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ

ວັນທີ 23 ຕຸລາ, ໃນການເດີນທາງຢ້ຽມຢາມຫວຽດນາມ ຢ່າງເປັນທາງການ, ທ່ານປະທານສະພາຕ່ຳ ມາເລເຊຍ Tan Sri Dato' Johari Bin Abdul ແລະ ພັນລະຍາ ທ່ານນາງ Puan Sri Datin Noraini Binti Mohd ໄດ້ໄປຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ ຢູ່ ຮ່າໂນ້ຍ

ທີ່ການຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ, ທ່ານປະທານສະພາຕ່ຳ ມາເລເຊຍ Tan Sri Dato' Johari Bin Abdul ແລະ ທ່ານນາງ Puan Sri Datin Noraini Binti Mohd ໄດ້ຮັບຟັງການແນະນໍາກ່ຽວກັບປະຫວັດສາດການສ້າງຕັ້ງ ແລະ ການພັດທະນາຂອງມະຫາວິທະຍາໄລແຫ່ງທຳອິດຂອງຫວຽດນາມ, ແມ່ນສະຖານທີ່ຕິດພັນກັບບັນດາການຮ່ຳຮຽນທີ່ເປັນມູນເຊື້ອຂອງປະເທດຊາດ, ເຕົ້າໂຮມສິ່ງຍອດຢ້ຽມດິນແດນແຫ່ງການສຶກສາຂອງດ້າຍຫວຽດ ເມື່ອກ່ອນ ແລະ ຫວຽດນາມ ປັດຈຸບັນ.

ວັນໝຽວ - ກວກຕຶ້ຢ໋າມ ໄດ້ຮັບການສ້າງຕັ້ງແຕ່ປີ 1070 (ຄືປີ ເທີນຫວູ້ ທີ 2 ສະໄໝຂອງ ຫຼີແທ໋ງຕົ່ງ); ຖືວ່າເປັນສັນຍາລັກແຫ່ງຄວາມຮູ້ພູມປັນຍາ ແລະ ພື້ນຖານການສຶກສາຂອງ ຫວຽດນາມ. ດ້ວຍສະຖາປັດຕະຍະກຳທີ່ເກົ່າແກ່ ແລະ ບັນດາຄຸນຄ່າມະນຸດສະທຳທີ່ເປັນເອກະລັກສະເພາະ, ວັນໝຽວ - ກວກຕຶ້ຢ໋າມ ແມ່ນຂີດໝາຍຕໍ່ປະຫວັດສາດຂອງຮ່າໂນ້ຍ ໃນອະດີດ ແລະ ປັດຈຸບັນ, ປະກອບສ່ວນເສີມຂະຫຍາຍຄັງສາງດ້ານວັດທະນະທຳຂອງຊາດໃຫ້ອຸດົມສົມບູນຂຶ້ນຕື່ມ.

ນີ້ແມ່ນຫນຶ່ງໃນບັນດາສັນຍາລັກທີ່ມີຊື່ສຽງທີ່ສຸດ ເມື່ອເວົ້າເຖິງນະຄອນຫຼວງ ຮ່າໂນ້ຍ ອາລະຍະທຳພັນປີ. ບໍ່ພຽງແຕ່ແມ່ນສະຖານທີ່ທ່ອງທ່ຽວທີ່ດຶງດູດໃຈ ແລະ ເປັນຮ່ອງຮອຍປະຫວັດສາດແຖວໜ້າເທົ່ານັ້ນ, ວັນໝຽວ ຫາກຍັງເປັນຕາງໜ້າໃຫ້ພື້ນຖານການສຶກສາຂອງ ຫວຽດນາມ.

ໃນປີ 2012, ວັນໝຽວ - ກວກຕຶ້ຢ໋າມ ໄດ້ກາຍເປັນຮ່ອງຮອຍປະຫວັດສາດແຫ່ງຊາດພິເສດຢ່າງເປັນທາງການ. ທຸກໆປີ, ນັກຮຽນ, ນັກສຶກສາໃນທົ່ວປະເທດມາທີ່ນີ້ ເພື່ອຈັດພິທີຖະຫວາຍທູບທຽນ - ສົ່ງເສີມການຮຽນຮູ້ ແລະ ເຊີດຊູມູນເຊື້ອຂອງບັນພະບຸລຸດ. ຮ່ອງຮອຍ, ມໍລະດົກສາລະຄະດີໂລກຂອງ 82 ສິລາລຶກປະລິນຍາເອກ, ຈະເປັນບ່ອນອະນຸລັກຮັກສາ ແລະ ເຜີຍແຜ່ການຮ່ຳຮຽນທີ່ເປັນມູນເຊື້ອ, ເຄົາລົບຄູອາຈານ ແລະ ເຄົາລົບຜູ້ເກັ່ງກ້າຂອງປະເທດຊາດຕະຫຼອດໄປ.

ທ່ານປະທານສະພາຕ່ຳ ມາເລເຊຍ Tan Sri Dato' Johari Bin Abdul ແລະ ພັນລະຍາໄດ້ໄປທັດສະນະບັນດາສະຖາປັດຕະຍະກຳບູຮານເຊັ່ນ ປະຕູ ດ້າຍຈຸ່ງ, ເຄວວັນກ໋າກ, ຫໍວັງ ດ້າຍແທ່ງ, ສວນສິລາລຶກປະລິນຍາເອກ ແລະ ຈຸ່ວັນອານ; ຊອກຮູ້ກ່ຽວກັບສະຖານທີ່ປົກປັກຮັກສາ, ເຊີດຊູຄຸນທຳຮຽນຮູ້, ເກັບຮັກສາ ແລະ ສະແດງໃຫ້ເຫັນບັນດາຄຸນຄ່າທີ່ພົ້ນເດັ່ນຂອງອາລະຍະທຳ ຫວຽດນາມ.

ທ່ານປະທານສະພາຕ່ຳ ມາເລເຊຍ Tan Sri Dato' Johari Bin Abdul ພ້ອມພັນລະຍາ ໄດ້ໄປທັດສະນະ ແລະ ຮັບຟັງການແນະນຳກ່ຽວກັບມໍລະດົກສາລະຄະດີໂລກ 82 ສິລາລຶກປະລິນຍາເອກຢູ່ເຂດຮ່ອງຮອຍ.

ທ່ານປະທານສະພາຕ່ຳ ມາເລເຊຍ Tan Sri Dato' Johari Bin Abdul ແລະ ພັນລະຍາ ພ້ອມຄະນະໄດ້ຊົມບັນດາວັດຖຸບູຮານທີ່ວາງສະແດງຢູ່ວັນໝຽວ - ກວກຕຶ້ຢ໋າມ.

ການນຳສູນການເຄື່ອນໄຫວວັດທະນະທຳ ແລະ ວິທະຍາສາດ ວັນໝຽວ - ກວກຕຶ້ຢ໋າມ ໄດ້ມອບປື້ມ “ວັນໝຽວ - ກວກຕຶ້ຢ໋າມ ທັງລອງ” ໃຫ້ທ່ານປະທານສະພາແຫ່ງຊາດ ແຟງລັງ ແລະ ຄະນະ. (ຮູບພາບ: ໜັງສືພິມ ປະຊາຊົນ)

ງານລາຕີພົບປະແລກປ່ຽນວັດທະນະທຳເອກະລັກພິເສດເຊື່ອມຕໍ່ນ້ຳໃຈມິດຕະພາບ ຫວຽດນາມ - ມາເລເຊຍ

ຍສໝ - ຕອນຄ່ຳວັນທີ 23 ສິງຫາ, ສະມາຄົມມິດຕະພາບ ມາເລເຊຍ - ຫວຽດນາມ (MVFA) ແລະ ມະຫາວິທະຍາໄລ Malaya ໄດ້ຈັດຕັ້ງງານລາຕີພົບປະແລກປ່ຽນວັດທະນະທຳເພື່ອເຊື່ອມຕໍ່ນ້ຳໃຈມິດຕະພາບ. ເຫດການດັ່ງກ່າວ ໄດ້ດຶງດູດ ຊາວຫວຽດນາມ ຢູ່ມາເລເຊຍ, ຄູອາຈານ ແລະ ນັກສຶກສາຂອງໂຮງຮຽນເຂົ້າຮ່ວມນັບຮ້ອຍຄົນ.

ສະພາແຫ່ງຊາດ ຫວຽດນາມ ແລະລັດຖະສະພາ ມາເລເຊຍ ພ້ອມແລ້ວທີ່ຈະລົງນາມໃນສັນຍາຮ່ວມມື

ຍສໝ - ວັນທີ 9 ສິງຫາ, ໃນຂອບເຂດການຢ້ຽມຢາມ ແລະ ເຮັດວຽກຢູ່ ມາເລເຊຍ, ທ່ານ ຫງວຽນຄັກດິ້ງ ກໍາມະການສູນກາງພັກ, ຮອງປະທານສະພາແຫ່ງຊາດ ຫວຽດນາມ ໄດ້ພົບປະກັບ ທ່ານປະທານສະພາຕ່ຳ ມາເລເຊຍ Tan Sri Dato' Johari Bin Abdul ແລະ ໂອ້ລົມເຈລະຈາກັບ ...

ແທັງຮັ່ງ