ລັດຖະບານລາວ “ເປີດໄຟຂຽວ” ໃຫ້ແກ່ໂຄງການພະລັງງານລົມ 1,200 ເມກາວັດ
| ລັດຖະບານລາວ ຍາມໃດກໍໃຫ້ບັນດານະໂຍບາຍພິເສດ ໃຫ້ວິສາຫະກິດຫວຽດນາມ | |
| ຫວຽດນາມ ເຂົ້າຮ່ວມການຕິດຕາມກວດກາ, ອະນຸລັກຮັກສາ ແລະ ເສີມຂະຫຍາຍຄຸນຄ່າຂອງເກືອບ 1.200 ມໍລະດົກໂລກ. |
ສື່ມວນຊົນ ລາວ ລາຍງານວ່າ ໃນຄວາມພະຍາຍາມເພື່ອຊຸກຍູ້ພະລັງງານທົດແທນໃນພາກພື້ນອາຊີຕາເວັນອອກສຽງໃຕ້, ລັດຖະບານລາວໄດ້ລົງນາມໃນຂໍ້ຕົກລົງການພັດທະນາໂຄງການ (PDA) ໄຟຟ້າແຮງລົມທີ່ມີສະມັດຕະພາບສູງເຖິງ 1.200 ເມກາວັດ ຢູ່ເມືອງ ເຊໂປນ ແຂວງ ສະວັນນະເຂດ ທາງພາກກາງຂອງ ລາວ ທີ່ຕິດກັບ ຫວຽດນາມ.
ຕາມສື່ມວນຊົນ ລາວ ແລ້ວ, ນີ້ບໍ່ພຽງແຕ່ແມ່ນໂຄງການໄຟຟ້າແຮງລົມທີ່ໃຫຍ່ທີ່ສຸດຢູ່ ລາວ ໄລ່ມາຮອດປະຈຸບັນເທົ່ານັ້ນ, ຫາກຍັງເປັນຂີດໝາຍສຳຄັນໃນວິວັດການມຸ່ງໄປເຖິງພະລັງງານສະອາດ ແລະ ການພັດທະນາແບບຍືນຍົງຂອງລາວ.
ໂຄງການດັ່ງກ່າວມີຍອດມູນຄ່າການລົງທຶນປະມານ 2 ຕື້ USD ໄດ້ລົງນາມລະຫວ່າງລັດຖະບານລາວ ແລະ ບໍລິສັດພະລັງງານທົດແທນ Savan Vayu ຈຳກັດ (SVARE), ຜະລິດໄຟຟ້າບໍ່ພຽງແຕ່ຮັບໃຊ້ທ້ອງຕະຫຼາດພາຍໃນປະເທດເທົ່ານັ້ນ ຫາກຍັງມຸ່ງໄປເຖິງຈຸດໝາຍສົ່ງອອກ, ປະກອບສ່ວນຮັບປະກັນຄວາມໝັ້ນຄົງດ້ານພະລັງງານຂອງພາກພື້ນ.
 |
|
|
ຄາດວ່າ, ເມື່ອເລີ່ມນຳເຂົ້າເຄື່ອນໄຫວໃນຕົ້ນປີ 2026, ໂຄງການດັ່ງກ່າວບໍ່ພຽງແຕ່ຈະສ້າງພະລັງງານສະອາດ ແລະ ປະກອບສ່ວນພັດທະນາເສດຖະກິດ - ສັງຄົມຢູ່ທ້ອງຖິ່ນ, ສ້າງໂອກາດວຽກເຮັດງານທຳຢ່າງຫຼວງຫຼາຍໃນຂະບວນການກໍ່ສ້າງ ແລະ ດຳເນີນງານເທົ່ານັ້ນ, ຫາກຍັງໄດ້ຍົກສູງຄວາມສາມາດດ້ານພະລັງງານທົດແທນຂອງ ລາວ ແລະ ປະກອບສ່ວນເຂົ້າໃນການຫັນການປະຕິບັດເປົ້າໝາຍພະລັງງານທົດແທນຂອງປະເທດນີ້ໃນປີ 2030 ໃຫ້ປະກົດຜົນເປັນຈິງ.
ໂຄງການຂ້າງເທິງນີ້ເປັນພຽງແຕ່ໜຶ່ງໃນຫຼາຍໂຄງການພະລັງງານທົດແທນທີ່ໄດ້ລົງນາມໂດຍລັດຖະບານ ລາວ ກັບຄູ່ຮ່ວມພັດທະນາໃນຊຸມປີມໍ່ໆມານີ້ ເພື່ອພັດທະນາພະລັງງານສະອາດ, ຮັບໃຊ້ເປົ້າໝາຍຊຸກຍຸ້ການພັດທະນາເສດຖະກິດແບບຍືນຍົງ ແລະ ບັນລຸເປົ້າໝາຍເພື່ອຫຼຸດຜ່ອນການປ່ອຍອາຍພິດເຮືອນແກ້ວໃຫ້ລົງເປັນ 0 ໃນປີ 2050.
ລາວ ມີນະໂຍບາຍພະລັງງານກຳນົດທິດການສົ່ງອອກ ແລະ ຄາດວ່າຈະກາຍເປັນ “ໝໍ້ໄຟ”ຂອງ ອາຊີຕາເວັນອອກສ່ຽງໃຕ້ ໃນອະນາຄົດ ໂດຍຜ່ານການເພີ່ມທະວີການສົ່ງອອກໄຟຟ້າໄປປະເທດເພື່ອນບ້ານ ແລະ ເພີ່ມທະວີການພັດທະນາແຫຼ່ງພະລັງງານສະອາດ.
ເພື່ອບັນລຸໄດ້ເປົ້າໝາຍດັ່ງກ່າວ, ໃນຫຼາຍປີທີ່ຜ່ານມາ, ລັດຖະບານ ລາວ ໄດ້ສຸມໃສ່ການພັດທະນາແຫຼ່ງພະລັງງານ, ພື້ນຖານໂຄງລ່າງທີ່ກ່ຽວຂ້ອງຢ່າງຕັ້ງໜ້າ... ຂໍ້ມູນຂອງກະຊວງພະລັງງານ ແລະ ບໍ່ແຮ່ຂອງ ລາວ ທີ່ປະກາດໃນທ້າຍປີ 2023 ໄດ້ສະແດງໃຫ້ເຫັນວ່າ ປະເທດນີ້ໃນປະຈຸບັນມີ ໂຮງງານໄຟຟ້າ 94 ແຫ່ງ, ດ້ວຍສະມັດຕະພາບຕິດຕັ້ງທັງໝັດກ່ວາ 11.600 ເມກາວັດ, ໃນນັ້ນມີໂຮງງານໄຟຟ້ານ້ຳຕົກ 81 ແຫ່ງ, ສ່ວນທີ່ເຫຼືອແມ່ນບັນດາໂຮງງານໄຟຟ້າຄວາມຮ້ອນ, ພະລັງງານແສງຕາເວັນ, ຊີວະມວນ...
ປະຈຸບັນ, ພະລັງງານໄຟຟ້າປະມານ 80% ທີ່ຜະລິດຢູ່ ລາວ ໄດ້ຂາຍໃຫ້ປະເທດບ້ານໃກ້ເຮືອນຄຽງລວມມີ: ໄທ, ຈີນ, ມຽນມາ, ຫວຽດນາມ, ກຳປູເຈຍ ແລະ ສິງກະໂປ, ໃນນັ້ນ ໄທ ແລະ ຫວຽດນາມ ແມ່ນສອງທ້ອງຕະຫຼາດນຳເຂົ້າໄຟຟ້າໃຫຍ່ທີ່ສຸດຂອງລາວ.
ມິງດຶກ