ງານບຸນຄຣິດສະມາດຢູ່ຫວຽດນາມ ໄດ້ດຶງດູດນັກທ່ອງທ່ຽວ ຝະລັ່ງ
| ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ຝລັ່ງ ດຳເນີນຢູ່ ຮ່າໂນ້ຍ | |
| ຄວາມປະທັບໃຈຂອງຫວຽດນາມ ທີ່ງານບຸນໜັງສືພິມມະນຸດສະທໍາ ຝລັ່ງ ປີ 2023 |
ນັກທ່ອງທ່ຽວຈາກ ຝະລັ່ງ ມາຫວຽດນາມ ເວົ້າລວມ ແລະ ຮ່າໂນ້ຍ ເວົ້າສະເພາະ ແມ່ນກຳລັງກາຍເປັນທ່າອ່ຽງທີ່ໄດ້ຮັບຄວາມນິຍົມຊົມຊອບ, ຈາກນັ້ນ ນັກທ່ອງທ່ຽວ ແລະ ປະເທດ ຝລັ່ງ ໄດ້ຮັບຖືວ່າ ແມ່ນທ້ອງຕະຫຼາດສຳຄັນຂອງການທ່ອງທ່ຽວ ຫວຽດນາມ.
ຕາມທ່ານປະທານສະມາຄົມບັນດາບໍລິສັດທ່ອງທ່ຽວ Valérie Boned ໃຫ້ຮູ້ວ່າ: “ຍ້ອນຈຳນວນລູກຄ້າເພີ່ມຂຶ້ນເມື່ອທຽບໃສ່ປີກາຍ, ພວກເຮົາໄດ້ກັບຄືນສູ່ລະດັບເລີ່ມຕົ້ນກ່ອນການລະບາດຂອງ COVID-19. ເຖິງວ່າລາຄາຈະເພີ່ມຂຶ້ນສູງ, ແຕ່ຄົນຝະລັ່ງຍັງຢາກຊອກຫາບ່ອນອື່ນເພື່ອປ່ຽນບັນຍາກາດ”. ອີງຕາມຜົນຂອງການສໍາຫຼວດຄວາມຄິດເຫັນຂອງປະຊາຊົນທີ່ດໍາເນີນໂດຍໂປຼແກຼມເຕັກໂນໂລຢີ Orchestra, ດັດຊະນີທຸລະກິດຂອງບໍລິສັດການທ່ອງທ່ຽວແມ່ນເພີ່ມຂຶ້ນສອງຕົວເລກຍ້ອນການເພີ່ມຂຶ້ນຂອງລາຄາ: ເພີ່ມຂຶ້ນ 13% ສໍາລັບຈຸດຫມາຍປາຍທາງທີ່ມີເສັ້ນທາງບິນໄລຍະກາງ, ແລະ ເພີ່ມຂຶ້ນ 35% ສໍາລັບຈຸດຫມາຍປາຍທາງທີ່ມີເສັ້ນທາງບິນໄລຍະຍາວ. ການເພີ່ມຂຶ້ນຂອງຄວາມຕ້ອງການໄດ້ເຮັດໃຫ້ຜູ້ຊ່ຽວຊານບາງຄົນປະຫລາດໃຈ. ຈຸດຫມາຍປາຍທາງຫ່າງໄກ - ລາຄາແພງທີ່ສຸດ - ແມ່ນມີການຊອກຫາຫຼາຍທີ່ສຸດ, ມີຈໍານວນນັກທ່ອງທ່ຽວທາງໄກເພີ່ມຂຶ້ນ 33%). ຢູ່ບັນດາເສັ້ນທາງໄລຍະກາງ, ຜົນໄດ້ຮັບບໍ່ໄດ້ຕາມທີ່ຄາດໄວ້ (ຫຼຸດລົງ 5%). ຍ້ອນການຟື້ນຕົວຢ່າງແຮງຂອງການທ່ອງທ່ຽວອາຊີ, ຖ້ຽວບິນໄດ້ກັບຄືນສູ່ຂະບວນການປົກກະຕິຄືກ່ອນການລະບາດຂອງພະຍາດໂຄວິດ-19.
ປີນີ້, ບັນດາຂະແໜງການທ່ອງທ່ຽວຂອງຍີ່ປຸ່ນ, ໄທ ແລະ ຫວຽດນາມ ໄດ້ຟື້ນຟູຄືນມາ ດ້ວຍວົງເງິນສູງກວ່າປີ 2019. “ໃນເວລາທີ່ຕາເວັນອອກກາງ ພວມປະສົບກັບຄວາມເຄັ່ງຕຶງດ້ານພູມສາດການເມືອງ, ອາຊີ ໄດ້ກາຍເປັນຈຸດໝາຍເພື່ອຄວາມປອດໄພ”, ທ່ານ Guillaume Linton ກ່າວຄວາມເຫັນ.
 |
ນັກທ່ອງທ່ຽວຝະລັ່ງໄປຢ້ຽມຢາມຄຸກ ຮວາລໍ |
ດັ່ງນັ້ນ, ເຖິງແມ່ນວ່າລາຄາໄດ້ເພີ່ມຂຶ້ນແຕ່ 25% ຫາ 30%, ຂຶ້ນກັບຈຸດຫມາຍປາຍທາງ, ແຕ່ການລົງທະບຽນຍັງສູງ. ຕົວຢ່າງເຊັ່ນ: ການທ່ອງທ່ຽວປະເທດໄທ 10 ມື້, 7 ຄືນຈາກບໍລິສັດເອເຊຍມີລາຄາ 2,100 ເອີໂຣ (2,318 ໂດລາ) ຕໍ່ຄົນ, ແພັກເກັດດັ່ງກ່າວປະກອບມີພຽງແຕ່ປີ້ຍົນ, ທີ່ພັກ ແລະ ການຮັບສົ່ງຢູ່ສະຫນາມບິນ. ລະດັບນີ້ຈະຫຼຸດລົງ 30% ນັບແຕ່ວັນທີ 15 ມັງກອນ, ແຕ່ໃນເວລານັ້ນເດັກນ້ອຍຈະບໍ່ມີວັນພັກອີກ, ດັ່ງນັ້ນຈຳນວນຜູ້ໂດຍສານກໍຈະຫຼຸດລົງ...ປະຈຸບັນ, ລາຄາປີ້ຍົນຍັງສູງຢູ່ ຍ້ອນສາຍການບິນຍັງລໍຖ້າລູກຄ້າຈີນກັບຄືນ, ເພື່ອຟື້ນຟູກັບສູ່ສະພາບການກ່ອນການແຜ່ລະບາດຂອງພະຍາດ.
ທ່ານ Didier Arino ຜູ້ອຳນວຍການຫ້ອງການຊ່ຽວຊານດ້ານການທ່ອງທ່ຽວກ່າວວ່າ "ລູກຄ້າທີ່ໄປພັກຜ່ອນໃນລະດູໜາວ ໃນເຂດຫ່າງໄກ ແລະ ບ່ອນມີແດດ ມັກຈະເປັນຄົນຊົນຊັ້ນກາງໃນປະເທດຝະລັ່ງ, ຜູ້ທີ່ມີກຳລັງຊື້ສູງທີ່ສຸດເພາະວ່າພວກເຂົາໄດ້ຮັບຜົນກະທົບໜ້ອຍທີ່ສຸດຈາກອັດຕາເງິນເຟີ້".
ລູກຄ້າເຫຼົ່ານີ້ສາມາດຊື້ປີ້ສາຍການບິນໄດ້ໃນລາຄາກວ່າ 1,000 ເອີໂຣ/ຄົນ. ແລະພ້ອມກັນນັ້ນ ກໍ່ແມ່ນການແກ່ຍາວມື້ພັກເຊົາເພື່ອໃຫ້ຄຸ້ມກັບຄ່າເງິນທີ່ຈ່າຍ. ດັ່ງນັ້ນ, ບັນດາ tour ອາຊີແມ່ນຂາຍດີໃນລະດູຫນາວນີ້, ມັກຈະມີເວລາພັກໂດຍສະເລ່ຍ 12 ຄືນ, ເມື່ອທຽບໃສ່ກັບ 9 ຄືນກ່ອນ COVID-19.
ໜັງສືພິມລາຍວັນ Le Figaro ໃຫ້ຮູ້ວ່າ ເຖິງແມ່ນວ່າເສດຖະກິດທີ່ຫຍຸ້ງຍາກເຮັດໃຫ້ທຸກຄົນຕ້ອງ "ຮັດສາຍແອວ" ແລະ ໃຊ້ເວລາຫນ້ອຍ, ແຕ່ຊາວຝະລັ່ງ ບໍ່ຢາກປະຄວາມມັກໃນການເດີນທາງ. ຍີ່ປຸ່ນ, ໄທ ແລະ ຫວຽດນາມ ແມ່ນ 3 ປະເທດທີ່ດຶງດູດນັກທ່ອງທ່ຽວຝະລັ່ງ ໃນໄລຍະບຸນຄຼິດສມາດ 2023.
ຕົວຈິງສະແດງໃຫ້ເຫັນວ່າ ເຖິງວ່າຈຳນວນນັກທ່ອງທ່ຽວຝະລັ່ງ ທີ່ເລືອກເອົາຫວຽດນາມ ເປັນຈຸດໝາຍໄດ້ເພີ່ມຂຶ້ນກໍ່ຕາມ, ແຕ່ຍັງບໍ່ທັນສົມກັບຄວາມສາມາດບົ່ມຊ້ອນ ແລະ ທ່າໄດ້ປຽບທີ່ມີຢູ່. ເພື່ອແນໃສ່ຊຸກຍູ້ການດຶງດູດນັກທ່ອງທ່ຽວຂອງ ຫວຽດນາມ ແລະ ຮ່າໂນ້ຍ ສຳລັບແຂກນັກທ່ອງທ່ຽວ ຝະລັ່ງ ນັ້ນ, ຕ້ອງມີບັນດາມາດຕະການແກ້ໄຂການໂຄສະນາ ແລະ ສົ່ງເສີມໃຫ້ມີປະສິດທິຜົນກວ່າ.
ເພື່ອຜັນຂະຫຍາຍການລົງທຶນພັດທະນາການທ່ອງທ່ຽວ, ບັນດາວິສາຫະກິດຄວນສະເໜີເຖິງອົງການທີ່ມີໜ້າທີ່ ກ່ຽວກັບບັນດານະໂຍບາຍອເພື່ອຊຸກຍູ້ການແລກປ່ຽນ ແລະ ສົ່ງເສີມການທ່ອງທ່ຽວ, ປະກອບສ່ວນສ້າງບາດກ້າວບຸກທະລຸໃນການພົວພັນດ້ານເສດຖະກິດລະຫວ່າງ 2 ປະເທດ. ພ້ອມທັງຊຸກຍູ້, ໂຄສະນາ ແລະ ໂຄສະນາພາບພົດຂອງຫວຽດນາມ ແລະ ຮ່າໂນ້ຍ ກໍ່ຄືຝະລັ່ງ ແລະ ປາຣີ ໄປເຖິງບັນດາວິສາຫະກິດໃນບັນດາການເຄື່ອນໄຫວໂຄສະນາຂອງ 2 ປະເທດ ເພື່ອຊອກຫາມາດຕະການແກ້ໄຂໃໝ່ໃຫ້ແກ່ການທ່ອງທ່ຽວລະຫວ່າງ 2 ປະເທດ.
ມິງດຶກ