ທະຫານເຂດ 4 ຢ້ຽມຢາມ ແລະ ມອບຂອງຂວັນໃຫ້ປະຊາຊົນເຂດປະສົບໄພນໍ້າຖ້ວມ ເທື່ອທຽນເຫ້ວ

		ຮັດ​ແໜ້ນ​, ປັບ​ປຸງສາຍ​ພົວ​ພັນ​ມິດ​ຕະ​ພາບ, ​ຄວາມ​ສາ​ມັກ​ຄີ​ລະ​ຫວ່າງ​ສອງ​ແຂວງ​ອັດ​ຕະ​ປື (ລາວ) ແລະ ແຂວງ ເທື່ອທຽນເຫ້ວ (ຫວຽດນາມ).
		ນໍາສາຍພົວພັນມິດຕະພາບ, ການຮ່ວມມືລະຫວ່າງ ສອງແຂວງ ເທື່ອທຽນເຫ້ວ (ຫວຽດນາມ) ແລະ ສາລະວັນ (ລາວ) ຂຶ້ນສູ່ລະດັບສູງໃໝ່.

ເພື່ອໜູນຊ່ວຍ ແລະລະດົມກໍາລັງໃຈປະຊາຊົນພາຍຫຼັງໄພນ້ຳຖ້ວມຫຼຸດຫຼົງຢ່າງທັນການ, ຫວ່າງແລ້ວນີ້, ຄະນະຜູ້ແທນທະຫານເຂດ 4 ນຳໜ້າໂດຍທ່ານພົນຈັດຕະວາ ຫງວຽນງອກຮ່າ, ຮອງຜູ້ບັນຊາການທະຫານເຂດ 4 ໄດ້ລົງຢ້ຽມຢາມ ແລະລະດົມກຳລັງໃຈ ແລະ ມອບຂອງຂວັນໜູນຊ່ວຍບັນດາ ຄອບຄົວທີ່ໄດ້ຮັບຜົນກະທົບຢ່າງໜັກໜ່ວງຈາກໄພນໍ້າຖ້ວມຢູ່ນະຄອນເຫ້ວ (ແຂວງເທື່ອທຽນເຫ້ວ).

ທ່ານຮອງຜູ້ບັນຊາການທະຫານເຂດ 4 ໄດ້ລົງຢ້ຽມຢາມ, ລະດົມກຳລັງໃຈ ແລະ ສວະແດງຄວາມເສົ້າສະຫຼົດໃຈກັບຄອບຄົວຂອງທ່ານ ຫງວຽນດິ່ງດຶກ. ພາບ: nhandan.vn

ມາຢ້ຽມຢາມຄອບຄົວຂອງທ່ານ ຫງວຽນດິ່ງດຶກ (ອາໄສຢູ່ກຸ່ມຊຸມຊົນ 12, ຕາແສງ ເຮືອງເຊີ, ນະຄອນ ເຫ້ວ) ທີ່ເມຍ ແລະ ລູກສາວຈົມນ້ຳເສຍຊີວິດຢູ່ກຸ່ມຊຸມຊົນ ເທ໊ລ້າຍເທື້ອງ, ຕາແສງ ເຮືອງວິ້ງ, ທ່ານພົນຈັດຕະວາ ຫງວຽນງອກຮ່າ ໄດ້ຢ້ຽມຢາມ, ລະດົມກໍາລັງໃຈ , ສະແດງຄວາມເສົ້າສະຫຼົດໃຈ ແລະ ມອບເງິນໜູນຊ່ວຍ ໃຫ້ ຄອບຄົວ 10 ລ້ານດົ່ງ. ນອກນີ້, ກອງບັນຊາການທະຫານແຂວງກໍ່ໄດ້ມອບເງິນບໍລິຈາກຈຳນວນ 2 ລ້ານດົ່ງໃຫ້ຄອບຄົວຂອງທ່ານ ດຶກ.

ຢ້ຽມຢາມບັນດາຄອບຄົວນະໂຍບາຍ, ຄອບຄົວທີ່ປະສົບກັບຄວາມຫຍຸ້ງຍາກ ແລະໂດດດ່ຽວ, ທ່ານຮອງຜູ້ບັນຊາການທະຫານເຂດ 4 ພ້ອມດ້ວຍຄະນະ ປະຕິບັດງານທະຫານເຂດ, ການນໍາກອງບັນຊາການທະຫານແຂວງ ແລະ ການນໍາທ້ອງຖິ່ນໄດ້ລົງຢ້ຽມຢາມ ແລະລະດົມກໍາລັງໃຈ ແລະ ມອບຂອງຂັວນ ລວມມີ: ເຂົ້າສານ, ໝີ່ໄວໆ, ສິ່ງຂອງຈໍາເປັນ ... ໃຫ້ບັນດາຄອບຄົວ.

ຄະນະປະຕິບັດງານ ລົງຢ້ຽມຢາມ, ມອບຂອງຂວັນ, ລະດົມກໍາລັງໃຈພໍ່ແມ່ ປະຊາຊົນຜ່ານຜ່າຄວາມຫຍຸ້ງຍາກ, ລໍາບາກຈາກໄພນໍ້າຖ້ວມກໍ່ຂຶ້ນ. ພາບ: nhandan.vn

ຕໍ່ໜ້າກັບການຜັນແປຢ່າງສັບສົນຂອງດິນຟ້າອາກາດ, ທ່ານພົນຈັດຕະວາ ຫງວຽນງອກຮ່າ ໃສ່ໃຈວ່າ: ອໍານາດການປົກຄອງ ແລະປະຊາຊົນບໍ່ພາວະວິໄສ ແລະ ຕ້ອງສືບຕໍ່ຕິດຕາມ ແລະກໍາແໜ້ນສະພາບດິນຟ້າອາກາດ ເພື່ອເປັນເຈົ້າການຜັນຂະຫຍາຍບັນດາມາດຕະການຮັບມືຢ່າງທັນການ ບົນຈິດໃຈ “ 4 ຢູ່ກັບທີ່”, ຮັບປະກັນຄວາມປອດໄພຂອງປະຊາຊົນ ແລະຊັບສິນຂອງປະຊາຊົນຢ່າງສຸດຂີດ.

ການນຳທະຫານເຂດ 4 ມອບຂອງຂວັນໃຫ້ບັນດາຄອບຄົວນະໂຍບາຍ ແລະ ຄອບຄົວປະສົບກັບຄວາມຫຍຸ້ງຍາກ. ພາບ: nhandan.vn

ທ່ານພົນຈັດຕະວາ ຫງວຽນງອກຮ່າ ຕີລາຄາສູງຄວາມມານະພະຍາຍາມຂອງ ອຳນາດການປົກຄອງທ້ອງຖິ່ນໃນການປ້ອງກັນ ແລະຕ້ານໄພນໍ້າຖ້ວມ.

ຕອນບ່າຍວັນດຽວກັນ, ຄະນະປະຕິບັດກອງບັນຊາການທະຫານແຂວງ ເທື່ອທຽນເຫ້ວ ນຳໜ້າໂດຍທ່ານພັນເອກພິເສດ ຫງວຽນດິງຄວາ, ຮອງຜູ້ບັນຊາການໄດ້ລົງຢ້ຽມຢາມ ແລະມອບຂອງຂວັນໃຫ້ບັນດາຄອບຄົວປະສົບໄພນ້ຳຖ້ວມຢູ່ຕາແສງ ເຮືອງຖຸຍ.

ບູນມີ