ແນະນຳເລື່ອງພາບ Ehon ສອງພາສາຫວຽດນາມ - ຍີ່ປຸ່ນ ຈຳນວນ 100 ຫົວ ໃຫ້ແກ່ເດັກນ້ອຍຫວຽດນາມ
ທີ່ການປະຊຸມຂ່າວໃນວັນທີ 14 ຕຸລາ, ທ່ານນາງ Kamitani Naoko, ເລຂາທິໜື່ງ, ຫົວໜ້າກົມຖະແຫຼງຂ່າວ ແລະ ວັດທະນະທຳ, ສະຖານທູດຍີ່ປຸ່ນ ປະຈຳ ຫວຽດນາມ ໃຫ້ຮູ້ວ່າ: ສັບປະດາປຶ້ມ Ehon Week ຈະດຳເນີນແຕ່ວັນທີ 14 – 22 ຕຸລາ ຢູ່ ຮ່າໂນ້ຍ ລວມມີບັນດາລາຍການ ແລະ ກິດຈະກຳແນະນຳປຶ້ມ ແລະ ການອ່ານສຳລັບເດັກນ້ອຍ ແລະ ພໍ່ແມ່.
ນີ້ແມ່ນເຫດການໃນຂອບເຂດບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ (21/9/1973 – 21/9/2023) ດຳເນີນໂດຍການໜູນຊ່ວຍຂອງໂດຍສະຖານທູດຍີ່ປຸ່ນ ແລະ ສະມາຄົມວິສາຫະກິດຍີ່ປຸ່ນ ປະຈຳ ຫວຽດນາມ.
 |
ນາງ Kamitani Naoko ກ່າວວ່າ "Ehon" ໃນພາສາຍີ່ປຸ່ນແມ່ນຄໍານາມສໍາລັບເລື່ອງສັ້ນທີ່ມີຮູບແຕ້ມສໍາລັບເດັກນ້ອຍອາຍຸອະນຸບານ ຫຼື ອາຍຸຕ່ໍາກວ່າ 10 ປີ, ເຊິ່ງເອີ້ນວ່າ "ອາຫານທີ່ບໍາລຸງລ້ຽງຈິດວິນຍານຂອງເດັກນ້ອຍ."
“Ehon ມີຄວາມໃກ້ຊິດກັບເດັກນ້ອຍຍີ່ປຸ່ນ. ຂະບວນການສົນທະນາລະຫວ່າງພໍ່ແມ່ ແລະ ເດັກນ້ອຍໃນຂະນະທີ່ອ່ານ Ehon ຮ່ວມກັນກະຕຸ້ນໃຫ້ມີຄວາມຄິດສ້າງສັນ, ການເຊື່ອມຕໍ່ທາງດ້ານອາລົມ ແລະ ສ້າງອາລົມທີ່ສຸດຍອດ. ສໍາລັບຂ້າພະເຈົ້າສ່ວນບຸກຄົນ, Ehon ໄດ້ເປີດໂລກໃຫມ່ ແລະ ທີ່ໜ້າຈັບໃຈ, ສະນັ້ນຂ້າພະເຈົ້າມີຄວາມຮູ້ບຸນຄຸນຫຼາຍຢ່າງສໍາລັບຄຸນຄ່າທີ່ Ehon ນໍາມາ. ປະຈຸບັນນີ້, ຂ້າພະເຈົ້າຢາກແບ່ງປັນສິ່ງເຫຼົ່ານັ້ນ ໃຫ້ແກ່ເດັກນ້ອຍຫວຽດນາມ,” ທ່ານນາງ Kamitani Naoko ກ່າວວ່າ.
ງານວາງສະແດງປຶ້ມ Ehon 100 ຫົວທີ່ມີອາຍຸຕ່າງກັນ ຄາດວ່າຈະຊ່ວຍໃຫ້ຜູ້ອ່ານມີການປຽບທຽບທີ່ຊັດເຈນ ແລະ ມີທັດສະນະຕໍ່ໂລກຂອງປຶ້ມເດັກນ້ອຍຫຼາຍຂຶ້ນ, ທັງເປັນການຊຸກຍູ້ໃຫ້ເດັກນ້ອຍຮັກປຶ້ມຫຼາຍຂຶ້ນ. ອ່ານປຶ້ມໃຫ້ລູກທຸກມື້.
ຄຳຮຸ່ງ