ການາດາ ຖືຫວຽດນາມ ແມ່ນຈຸດໝາຍນຳໜ້າໃນຂົງເຂດການຄ້າສິນຄ້າ
| 93 ປີແຫ່ງການສ້າງຕັ້ງພັກ: ກອງປະຊຸມສຳມະນາກ່ຽວກັບການພົວພັນຮ່ວມມື ລະຫວ່າງ ການາດາ ແລະ ຫວຽດນາມ. | |
| ສະມາຄົມການາດາ - ຫວຽດນາມ ຢືນຢັນບົດບາດສຳຄັນຂອງຫວຽດນາມ ໃນຂະແໜງທຸລະກິດການາດາ |
ກອງປະຊຸມສຳມະນາດ້ວຍຫົວຂໍ້ “ຍາດແຍ່ງໄມ້ງັດ FTA ເພື່ອເຂົ້າ ອາຊຽນ: ໂອກາດ ກ່ຽວກັບອຸດສາຫະກຳ ແລະ ເຕັກໂນໂລຢີໃຫ້ແກ່ບັນດາວິສາຫະກິດ ການາດາ ຢູ່ ຫວຽດນາມ” ຫາກໍ່ດຳເນີນຢູ່ແຂວງ British Columbia (BC). ເຫດການໂດຍຫ້ອງການການຄ້າ ແລະ ຫ້ອງການວິທະຍາສາດ ເຕັກໂນໂລຢີ ສະຖານທູດ ຫວຽດນາມ ປະຈຳ ການາດາ ສົມທົບກັບກົມວຽກເຮັດງານທຳ, ພັດທະນາເສດຖະກິດ ແລະ ນະວັດຕະກຳ BC ແລະ ສະພາດຳເນີນທຸລະກິດ ການາດາ - ອາຊຽນ ຈັດຂຶ້ນ.
ຫວຽດນາມ ຕັ້ງຢູ່ອາຊຽນ, ແມ່ນພາກພື້ນທີ່ມີການເຕີບໂຕເສດຖະກິດໄວທີ່ສຸດໃນໂລກ, ແມ່ນຈຸດໝາຍອັນດັບໜຶ່ງຂອງສິນຄ້າ ແລະ ການບໍລິການຂອງການາດາໃນບັນດາປະເທດອາຊຽນ, ຍ້ອນອັດຕາເຕີບໂຕເສດຖະກິດສະເລ່ຍ 7% ໃນ 30 ປີຜ່ານມາ. ຫວຽດນາມ ພວມໄດ້ຮັບການຕີລາຄາວ່າແມ່ນປະຕູໃຫ້ບັນດາວິສາຫະກິດການາດາ ທີ່ຢາກເຂົ້າເຖິງຕະຫຼາດນີ້ ດ້ວຍຈຳນວນລູກຄ້າ 660 ລ້ານຄົນ.
 |
ທີ່ປຶກສາການຄ້າສະຖານທູດຫວຽດນາມ ເຈີນທູກິວ ກ່າວຄຳເຫັນທີ່ກອງປະຊຸມ. |
ການພົວພັນດ້ານການຄ້າລະຫວ່າງຫວຽດນາມ ແລະ ແຂວງ BC ໄດ້ເລີ່ມຟື້ນຟູຢ່າງຕັ້ງໜ້າ, ໃນປີ 2022, BC ໄດ້ຮັບການເຕີບໂຕ 63%. ອຸດສາຫະກຳປ່າໄມ້ຂອງ BC ພວມໄດ້ຮັບຜົນປະໂຫຍດຈາກການພົວພັນກັບ ຫວຽດນາມ ຜ່ານ CPTPP, ດ້ວຍການສົ່ງອອກໄມ້ອ່ອນເພີ່ມຂຶ້ນເກືອບ 60% ໃນ 5 ປີຜ່ານມາ.
ກ່າວຄຳເຫັນທີ່ກອງປະຊຸມສຳມະນາ, ທ່ານລັດຖະມົນຕີການຄ້າ BC Jagrup Brar, ຖືວ່າ ເລື່ອງ ການາດາ ເພີ່ມທະວີການພົວພັນກັບບັນດາຄູ່ຮ່ວມມືທົ່ວໂລກ ຄື ຫວຽດນາມ ແມ່ນສຳຄັນທີ່ສຸດ. ຫວຽດນາມ ແມ່ນສະມາຊິກຂອງ ອາຊຽນ ແລະ ແມ່ນສະຖານທີ່ນັດພົບແຖວໜ້າສຳລັບສິນຄ້າ, ການບໍລິການຂອງ ການາດາ ໃນຈຳນວນບັນດາປະເທດ ອາຊຽນ.
ສ່ວນທ່ານ ຫງວຽນກວາງຈຸງ ຫົວໜ້າສະຖານກົງສູນໃຫຍ່ ຫວຽດນາມ ປະຈຳ BC ໄດ້ຕີລາຄາວ່າ ໂດຍແມ່ນສະມາຊິກຂອງສົນທິສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມ ປາຊີຟິກ (CPTPP), ບັນດານັກລົງທຶນ ແລະ ສົ່ງອອກຂອງທັງ ຫວຽດນາມ ແລະ ການາດາ ລ້ວນແຕ່ໄດ້ຮັບຜົນປະໂຫຍດຈາກການສຳຜັດກັບຕະຫຼາດເປີດກວ້າງ ແລະ ສະພາບແວດລ້ອມທີ່ໄດ້ຫຼຸດຜ່ອນອາສີອາກອນ ຕາມການກຳນົດ.
ຄຳຮຸ່ງ