VUFO ພ້ອມແລ້ວທີ່ຈະເປັນຂົວຕໍ່ ໃຫ້ແກ່ການພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ອາຟຼິກາໃຕ້
| ບັນດາຜົນສຳເລັດໃນວຽກງານການທູດປະຊາຊົນ ຂອງ VUFO | |
| ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ໃຫ້ການຕ້ອນຮັບທ່ານ ເອກອັກຄະລັດຖະທູດ ອາຟຼິກາໃຕ້ ປະຈຳ ຫວຽດນາມ |
ນີ້ແມ່ນຄຳຖະແຫຼງຂອງທ່ານ ຟານແອງເຊີນ, ປະທານສະຫະພັນອົງການມິດຕະພາບຫວຽດນາມ (VUFO) ທີ່ການພົບປະກັບທ່ານນາງ Nocawe Mafu, ຮອງລັດຖະມົນຕີກະຊວງກິລາ, ສິລະປະ ແລະ ວັດທະນະທຳ ອາຟຣິກາໃຕ້ ໃນວັນທີ 2/10 ຢູ່ ຮ່າໂນ້ຍ. ການຢ້ຽມຢາມ ແລະເຮັດວຽກຢູ່ຫວຽດນາມ.
ທ່ານ ຟານແອງເຊີນ ໃຫ້ຮູ້ວ່າ: ເກືອບ 70 ປີນັບແຕ່ຄະນະຜູ້ແທນຫວຽດນາມ ແລະ ອາຟຼິກາໃຕ້ໄດ້ພົບປະຄັ້ງທຳອິດຢູ່ກອງປະຊຸມ BanDung (ອິນໂດເນເຊຍ) ເມື່ອປີ 1955 ມາຮອດປະຈຸບັນ, ການພົວພັນລະຫວ່າງສອງປະເທດໄດ້ພັດທະນາໃນຫຼາຍດ້ານນັບແຕ່ດ້ານການເມືອງ, ການເມືອງ, ການທູດ, ວິທະຍາສາດ, ເຕັກໂນໂລຊີ, ການສຶກສາ ...
ເຊື່ອໝັ້ນວ່າ 2 ປະເທດຍັງມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມື, ທ່ານປະທານ VUFO ຖືວ່າ ຕ້ອງມີການກະທຳສະເພາະເພື່ອແນໃສ່ຮັດແໜ້ນການພົວພັນລະຫວ່າງ 2 ປະເທດ.
 |
VUFO ພ້ອມແລ້ວທີ່ຈະເປັນຂົວຕໍ່ ໃຫ້ແກ່ການພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ອາຟຼິກາໃຕ້ |
“ພວກຂ້າພະເຈົ້າ ພ້ອມແລ້ວທີ່ຈະສົມທົບກັບທ່ານຮອງລັດຖະມົນຕີ ແລະ ສະຖານທູດ ອາຟະລິກາໃຕ້ ປະຈຳ ຫວຽດນາມ ເພື່ອແນໃສ່ເພີ່ມທະວີການພົວພັນລະຫວ່າງ 2 ປະເທດ, ພິເສດແມ່ນໃນຂົງເຂດການທູດປະຊາຊົນ. ພວກຂ້າພະເຈົ້າ ກໍ່ປາດຖະໜາວ່າ ຝ່າຍອາຟຼິກາໃຕ້ ຈະໜູນຊ່ວຍ VUFO, ມີຂໍ້ສະເໜີແນະ ເພື່ອຮັດແໜ້ນການພົວພັນລະຫວ່າງປະຊາຊົນສອງປະເທດໃຫ້ເລິກເຊິ່ງ,” ທ່ານຟານແອງເຊີນກ່າວວ່າ.
ທ່ານກ່າວຕື່ມວ່າ, VUFO ແລະ ສະຖານທູດອາຟຼິກາໃຕ້ປະຈຳຫວຽດນາມ ຈະສົມທົບກັນຈັດຕັ້ງການເຄື່ອນໄຫວຕ່າງໆ ເພື່ອສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງສອງປະເທດ.
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງກິລາ, ສິລະປະ ແລະ ວັດທະນະທຳ ອາຟະລິກາໃຕ້ Nocawe Mafu ໃຫ້ຮູ້ວ່າ: ການພົວພັນລະຫວ່າງ ຫວຽດນາມ - ອາຟະລິກາໃຕ້ ໄດ້ຮັບການພັດທະນາແບບຍືນຍົງຜ່ານປະຫວັດສາດ. ການພົວພັນມິດຕະພາບທີ່ເປັນມູນເຊື້ອ ລະຫວ່າງສອງປະເທດຕ້ອງໄດ້ລົງເລິກໃນຫຼາຍຂົງເຂດ, ບໍ່ພຽງແຕ່ດ້ານການເມືອງ.
ພິເສດແມ່ນຕ້ອງຊຸກຍູ້ການພົວພັນມິດຕະພາບລະຫວ່າງບັນດາສະມາຄົມມິດຕະພາບ ແລະ ບັນດາອົງການບໍ່ຂຶ້ນກັບລັດຖະບານ, ຜ່ານນັ້ນ 2 ປະເທດຈະໄດ້ຮັບການເຊື່ອມໂຍງ ແລະ ເຂົ້າໃຈວັດທະນະທຳເຊິ່ງກັນ ແລະ ກັນກ່ວາອີກ.
ຜ່ານການຢ້ຽມຢາມຄັ້ງນີ້, ທ່ານຮອງນາຍົກລັດຖະມົນຕີ Nocawe Mafu ຫວັງວ່າຈະເພີ່ມທະວີການແລກປ່ຽນດ້ານວັດທະນະທຳ, ສິລະປະ, ກິລາ ເພື່ອແນໃສ່ຊຸກຍູ້ການພົວພັນມິດຕະພາບລະຫວ່າງປະຊາຊົນສອງປະເທດ.
ປີ 2023, ຫວຽດນາມ ແລະ ອາຟະລິກາໃຕ້ໄດ້ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ, ອາຟຼິກາໃຕ້ກໍ່ສະເຫຼີມສະຫຼອງວັນມໍລະດົກດ້ວຍບັນດາງານບຸນ ແລະ ບັນດາລາຍການສິລະປະທີ່ດຳເນີນໄປໃນທົ່ວປະເທດ. ສະຖານທູດອາຟຼິກາໃຕ້ ຈະຈັດຕັ້ງບັນດາການເຄື່ອນໄຫວເພື່ອລະນຶກວັນສຳຄັນນີ້ຢູ່ຮ່າໂນ້ຍ.
ຕີລາຄາສູງບົດບາດ ແລະການເຄື່ອນໄຫວຂອງ VUFO, ທ່ານຮອງລັດຖະມົນຕີ Nocawe Mafu ໃຫ້ຮູ້ວ່າ: ຜ່ານການພົວພັນທາງການທູດຂອງປະຊາຊົນ, VUFO ສາມາດເຊື່ອມຕໍ່ຢ່າງສະດວກກວ່າ, ເຂົ້າຫາບັນດາຂົງເຂດ, ບັນດາບັນຫາຢ່າງມີປະສິດທິຜົນກວ່າທາງການທູດຂອງລັດ.
ຄຳຮຸ່ງ