ສປປ.ລາວ ສົ່ງເສີມການຜະລິດພາຍໃນ, ຫຼຸດຜ່ອນການນໍາເຂົ້າ
| ເວທີສົນທະນາອອນໄລ ກ່ຽວກັບການນໍາເຂົ້າ ແລະ ສົ່ງອອກຜະລິດຕະພັນກະເສດໄປຕະຫຼາດຈີນ | |
| ການນໍາເຂົ້າ ແລະສົ່ງອອກ ຂອງຫວຽດນາມກັບຈີນ ບັນລຸ 100 ຕື້ USD |
ທ່ານນາງ ຈັນສຸກ ແສງພະຈັນ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າລາວ ກ່າວວ່າ: ກະຊວງໄດ້ສົມທົບກັບກະຊວງແຜນການ ແລະ ການລົງທຶນຂອງລາວ ເພື່ອຊຸກຍູ້ໃຫ້ບັນດາວິສາຫະກິດລາວ ຫັນມາການຈຳໜ່າຍຜະລິດຕະພັນທີ່ຜະລິດພາຍໃນປະເທດ ແທນທີ່ຈະເປັນສິນຄ້ານຳເຂົ້າ.
ຕາມນັ້ນແລ້ວ, ກະຊວງອຸດສາຫະກຳ ແລະ ການຄ້າຂອງລາວ ຈະຮ່ວມມືກັບກະຊວງກະສິກຳ ແລະ ປ່າໄມ້ຂອງລາວ ເພື່ອຄວບຄຸມການນຳເຂົ້າສິນຄ້າທີ່ລາວສາມາດຜະລິດໄດ້. ສອງກະຊວງຍັງໄດ້ເຫັນດີເປັນເອກະພາບກັນຫຼຸດຜ່ອນການສົ່ງອອກວັດຖຸດິບ ແລະ ແບ່ງປັນການສະໜອງໃຫ້ບັນດາອຸດສາຫະກຳພາຍໃນປະເທດ ເພື່ອໜູນຊ່ວຍການສົ່ງອອກບັນດາລາຍການວິນຄ້າທີ່ມີມູນຄ່າສູງ.
 |
ນອກນີ້, ບັນດາກະຊວງ, ຂະແໜງການພ້ອມກັບອຳນາດການປົກຄອງທ້ອງຖິ່ນຂອງລາວ ຈະຂຶ້ນແຜນຈັດຕັ້ງງານຕະຫຼາດນັດສົ່ງເສີມຜະລິດຕະພັນກະເສດ, ໃຫ້ຄຳໝັ້ນສັນຍາສ້າງແຜນການເຄື່ອນໄຫວລວມ.
ທ່ານນາງ ຈັນສຸກ ກ່າວອີກວ່າ: ເພື່ອສະໜັບສະໜູນວິສາຫະກິດຂະໜາດນ້ອຍ, ຂະໜາດກາງ (MSMEs), ກະຊວງອຸດສາຫະກຳ ແລະ ການຄ້າລາວ ຈະສະໜອງບ້ວງເງິນກູ້ຢຶມບຸລິມະສິດ ດ້ວຍອັດຕາດອກເບັ້ຍຕໍ່າ ແລະ ຊ່ວຍເຫຼືອດ້ານເຕັກນິກ ເພື່ອຊ່ວຍໃຫ້ MSMEs ປັບປຸງການຜະລິດໃຫ້ມີຄຸນນະພາບສູງ. ນີ້ຈະເຮັດໃຫ້ວິສາຫະກິດພາຍໃນປະເທດ ມີຄວາມສາມາດແກ່ງແຍ່ງທັງໃນຕະຫຼາດພາຍໃນ ແລະ ສາກົນ.
ກະຊວງອຸດສາຫະກຳ ແລະ ການຄ້າລາວ ຈະເພີ່ມທະວີການຮ່ວມມືກັບທະນາຄານແຫ່ງລັດລາວ ເພື່ອຈົດທະບຽນວິສາຫະກິດນຳເຂົ້າ ແລະ ສົ່ງອອກທຸກແຫ່ງພາຍໃນ 6 ເດືອນຈະມາເຖິງ ແລະ ພັດທະນາຖານຂໍ້ມູນສັງລວມ ເພື່ອໃຫ້ສາມາດດັດປັບການຄ້າສອງຝ່າຍໃນທົ່ວປະເທດໃຫ້ດີກວ່າໃນໄລຍະຈະມາເຖິງ.
ຄຳຮຸ່ງ