ຫວຽດນາມ ເຊື່ອໝັ້ນວ່າ ກູບາ ສືບຕໍ່ປົກປັກຮັກສາຜົນປະໂຫຍດຂອງບັນດາປະເທດພວມພັດທະນາ
ທ່ານເອກອັກຄະລັດຖະທູດ ດັ້ງຮວ່າງຢາງ ໃຫ້ຮູ້ວ່າ: ຫວຽດນາມ ຕີລາຄາສູງບົດບາດຂອງ ກູບາ ໃນການຊຸກຍູ້ລັດທິຫຼາຍຝ່າຍ, ເປັນຄັນທຸງນຳພາບັນດາປະເທດພວມພັດທະນາ, ຍາມໃດກໍມານະພະຍາຍາມເພື່ອຄວາມສັນຕິພາບ ແລະ ພັດທະນາ. ທ່ານເອກອັກຄະລັດຖະທູດ ໄດ້ສະແດງຄວາມຊົມເຊີຍ ແລະ ເຊື່ອໝັ້ນວ່າ ກູບາ ຈະດຳລົງຕຳແໜ່ງປະທານ ກູ່ມ G77 ແລະ ຈີນ ຢ່າງສຳເລັດຜົນ, ສືບຕໍ່ປົກປັກຮັກສາຜົນປະໂຫຍດຂອງບັນດາປະເທດພວມພັດທະນາ, ປາດຖະໜາວ່າ 2 ປະເທດ ຈະສືບຕໍ່ຮັກສາການພົວພັນຢ່າງແໜ້ນແຟ້ນ ແລະ ສົມທົບກັນຢ່າງມີປະສິດທິຜົນຢູ່ບັນດາເວທີປາໄສ ສປຊ.
 |
ຫວຽດນາມ ເຊື່ອໝັ້ນວ່າ ກູບາ ຈະສືບຕໍ່ປົກປັກຮັກສາຜົນປະໂຫຍດຂອງບັນດາປະເທດພວມພັດທະນາ. (ພາບ: TTXVN) |
ທ່ານເອກອັກຄະລັດຖະທູດ Pedro Luis Predoso Cuesta, ຫົວໜ້າຄະນະຜູ້ແທນກູບາ ປະຈຳ ສປຊ ຢືນຢັນສາຍພົວພັນມິດຕະພາບທີ່ເປັນມູນເຊື້ອ ແລະ ຄວາມສາມັກຄີພິເສດລະຫວ່າງ ກູບາ ແລະ ຫວຽດນາມ ໃນຕະຫຼອດໄລຍະປະຫວັດສາດ ແລະ ເນັ້ນໜັກວ່າ ສອງປະເທດຈະສືບຕໍ່ສົມທົບ ແລະ ໜູນຊ່ວຍເຊິ່ງກັນ ແລະ ກັນໃນບັນດາບັນຫາທີ່ສອງຝ່າຍມີຄວາມສົນໃຈ.
“G77 ແລະ ຈີນ” ແມ່ນກຸ່ມລວມມີສະມາຊິກ 134 ປະເທດທີ່ພວມພັດທະນາ, ໄດ້ສ້າງຕັ້ງຂຶ້ນໃນປີ 1964 ໂດຍມີເປົ້າໝາຍຊຸກຍູ້ຜົນປະໂຫຍດດ້ານເສດຖະກິດລວມ, ເສີມຂະຫຍາຍຄວາມສາມາດຂອງບັນດາປະເທດສະມາຊິກໃນດ້ານເສດຖະກິດ, ການພັດທະນາແບບຍືນຍົງທີ່ສຳຄັນ ໃນຂອບອົງການ ສປຊ ແລະ ຊຸກຍູ້ການຮ່ວມມື ໃຕ້-ໃຕ້. ຫວຽດນາມ ແມ່ນໜຶ່ງໃນ 77 ສະມາຊິກກໍ່ຕັ້ງຂອງກຸ່ມ.
ຄຳຮຸ່ງ