ນັກຊ່ຽວຊານຕີລາຄາສູງໝາກຜົນການຢ້ຽມຢາມ ສິງກະໂປ ຂອງທ່ານນາຍົກລັດຖະມົນຕີ ຟ້າມມິນຈິງ
| ສື່ມວນຊົນ ເຢຍລະມັນ ລົງຂ່າວເປັນຈຳນວນຫຼາຍກ່ຽວກັບການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ເຢຍລະມັນ Olaf Scholz | |
| ທ່ານນາຍົກລັດຖະມົນຕີ ຟ້າມມິນຈິງ ຕ້ອນຮັບປະທານກຸ່ມບໍລິສັດ Adidas |
 |
| ທ່ານນາຍົກລັດຖະມົນຕີ ຟ້າມມິງຈິງ (ພາບ: TTXVN) |
ທ່ານນາຍົກລັດຖະມົນຕີ ຟ້າມມິນຈິງ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງ ຫວຽດນາມ ຫາກໍ່ສິ້ນສຸດການຢ້ຽມຢາມ ສິງກະໂປ ແຕ່ວັນທີ 08-10 ກຸມພາ ຢ່າງເປັນທາງການ. ເມື່ອຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ, ທ່ານຮອງສາດສະດາຈານ ຫວູມິງເຄືອງ, ຫົວໜ້ານັກຊ່ຽວຊານໂຮງຮຽນ ຫຼີກຸງຢູ່ ຂຶ້ນກັບມະຫາວິທະຍາໄລແຫ່ງຊາດ ສິງກະໂປ, ຕີລາຄາໝາກຜົນບຸກທະລຸຂອງການຢ້ຽມຢາມຄັ້ງນີ້ວ່າ ໄດ້ສ້າງຄວາມໄວ້ເນື້ອເຊື່ອໃຈຢ່າງໃຫຍ່ຫຼວງໃຫ້ແກ່ບັນດາວິສາຫະກິດ ສິງກະໂປ. ມີວິສາຫະກິດຫຼາຍແຫ່ງ, ກຸ່ມບໍລິສັດໃຫຍ່ຂອງ ສິງກະໂປ ສະແດງຄວາມສົນໃຈເຖິງການລົງທຶນເຂົ້າ ຫວຽດນາມ. ຕາມທ່ານ ຫວູມິງເຄືອງ ແລ້ວ, ການຢ້ຽມຢາມນີ້ແມ່ນການສະຫຼຸບຜົນງານຂອງການຮ່ວມມືລະຫວ່າງ 2 ປະເທດໃນໄລຍະ 50 ປີຜ່ານມາ, ຍາມໃດ 2 ຝ່າຍກໍ່ມີຄວາມໄວ້ເນື້ອເຊື່ອໃຈເຊິ່ງກັນແລະກັນ, ມີຄວາມຕັດສິນໃຈດ້ານການເມືອງສູງ ແລະ ຄວາມສາມາດບົ່ມຊ້ອນຮ່ວມມືຢ່າງໃຫຍ່ຫຼວງ.
ທ່ານຮອງສາດສະດາຈານຖືວ່າ ສິງກະໂປມີຄວາມປະທັບໃຈຕໍ່ຍຸດທະສາດຂອງຫວຽດນາມ ກ່ຽວກັບພະລັງງານສີຂຽວ ແລະ ຮັບປະກັນຄວາມໝັ້ນຄົງດ້ານພະລັງງານກໍ່ຄືເປົ້າໝາຍຫຼຸດການປ່ອຍທາດພິດລົງ 0 ໃນປີ 2050. ທ່ານກໍ່ໃຫ້ຂໍ້ສັງເກດວ່າ ບັນຫາພັດທະນາແບບຍືນຍົງ, ການລົງທຶນເຂົ້າຂະແໜງພະລັງງານສະອາດລະຫວ່າງ ຫວຽດນາມ ແລະ ສິງກະໂປຈະບັນລຸບາດກ້າວສຳຄັນ.