ນໍາສາຍພົວພັນມິດຕະພາບ, ການຮ່ວມມືລະຫວ່າງ ສອງແຂວງ ເທື່ອທຽນເຫ້ວ (ຫວຽດນາມ) ແລະ ສາລະວັນ (ລາວ) ຂຶ້ນສູ່ລະດັບສູງໃໝ່.
| ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ) | |
| ສືບຕໍ່ນຳການພົວພັນລະຫວ່າງຊາວໜຸ່ມ ຫວຽດນາມ ແລະ ລາວ ຂຶ້ນສູ່ລະດັບສູງໃໝ່ |
ທີ່ການເຮັດວຽກ, ສະຫາຍເລຂາຄະນະພັກແຂວງ ເລເຈື່ອງລຶວ ແລະ ສະຫາຍເລຂາຄະນະພັກແຂວງສາລະວັນ ໂພໄຊ ໄຊຍະສອນ ໄດ້ປະກາດບັນດາໝາກຜົນທີ່ບັນລຸໄດ້ໃນດ້ານເສດຖະກິດ, ສັງຄົມ, ປ້ອງກັນຄວາມສະຫງົບ, ປ້ອງກັນປະເທດຊາດ, ກໍ່ສ້າງພັກຂອງສອງແຂວງໃນໄລຍະຜ່ານມາ. ຕາມນັ້ນແລ້ວ, ໃນໄລຍະຜ່ານມາ, ການພົວພັນມິດຕະພາບ, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງແຂວງ ເທື່ອທຽນເຫ້ວ (ຫວຽດນາມ) ແລະ ແຂວງສາລະວັນ (ລາວ) ກໍບັນລຸໄດ້ບັນດາໝາກຜົນໃນທຸກຂົງເຂດ ເປັນຕົ້ນແມ່ນການເມືອງ, ການທູດ, ການປ້ອງກັນຄວາມສະຫງົບ, ການປ້ອງກັນປະເທດ, ຊາຍແດນ, ດ່ານຊາຍແດນ, ເສດຖະກິດ, ວັດທະນະທໍາ, ການສຶກສາ, ສາທາລະນະສຸກ ...
 | |
|
ເຖິງວ່າໃນສອງປີຜ່ານມາ, ເນື່ອງຈາກພະຍາດໂຄວິດ-19 ຜັນແປຢ່າງສັບສົນ ແຕ່ສອງຝ່າຍກໍໄດ້ສືບຕໍ່ຮັກສາສາຍພົວພັນມິດຕະພາບທີ່ເປັນມູນເຊື້ອອັນດີງາມດ້ວຍຫຼາຍຮູບແບບຢ່າງມີໄຫວພິບຄ່ອງຕົວ, ຮັກສາການພົວພັນແບ່ງບັນ, ປຸກລະດົມຢ່າງທັນການ ແລະ ຊ່ວຍເຫຼືອເຊິ່ງກັນ ແລະ ກັນ ຜ່ານຜ່າຄວາມຫຍຸ້ງຍາກທີ່ເກີດຈາກໄພທຳມະຊາດ, ໂລກລະບາດ.
ພ້ອມກັນນັ້ນ, ການພົວພັນທາງການເມືອງ, ການທູດກໍສືບຕໍ່ໄດ້ຮັບການເພີ່ມທະວີ ແລະ ພັດທະນາເປັນຢ່າງດີ, ນັບມື້ນັບສະໜິດຕິດແໜ້ນ, ມີຄວາມໄວ້ເນື້ອເຊື່ອມຈໃຈ, ມີປະສິດທິຜົນ ແລະ ແທດຈິງ. ການປ້ອງກັນຊາດຢູ່ຊາຍແດນແຂວງ ກໍໄດ້ປັບປຸງ ແລະ ຮັກສາ, ປະກອບສ່ວນສຳຄັນເຂົ້າໃນການກໍ່ສ້າງເສັ້ນຊາຍແດນ ຫວຽດນາມ-ລາວ ສັນຕິພາບ, ໝັ້ນຄົງ, ມິດຕະພາບ, ການຮ່ວມມື ແລະ ພັດທະນາຮອບດ້ານ.
ພ້ອມກັນນັ້ນ, ການຮ່ວມມືໃນຂົງເຂດການສຶກສາ-ບຳລຸງສ້າງແຫຼ່ງຊັບພະຍາກອນມະນຸດ, ວັດທະນະທຳ, ສາທາລະນະສຸກ... ກໍມີຄວາມຄືບໜ້າດີ, ປະກອບສ່ວນສຳຄັນເຂົ້າໃນການປະຕິບັດບັນດາເປົ້າໝາຍພັດທະນາເສດຖະກິດສັງຄົມ ແລະ ເຊື່ອມໂຍງສາກົນທີ່ທ້ອງຖິ່ນ ກໍຄືປະກອບສ່ວນຢ່າງຕັ້ງໜ້າເຂົ້າໃນການປັບປຸງ ແລະ ເພີ່ມທະວີສາຍພົວພັນສາມັກຄີແບບພິເສດ ຫວຽດນາມ - ລາວ ໃຫ້ນັບມື້ນັບພັດທະນາ ແລະ ເຂົ້າສູ່ລວງເລິກ.
ຢູ່ທີ່ນີ້, ສອງຝ່າຍຍັງໄດ້ປະກາດໝາກຜົນການຮ່ວມມືລະຫວ່າງສອງແຂວງໃນທຸກຂົງເຂດພັດທະນາເສດຖະກິດ, ສັງຄົມ; ການເມືອງ, ການທູດ; ການປ້ອງກັນຄວາມສະຫງົບ, ການປ້ອງກັນຊາດ; ການສຶກສາ, ການບໍລຸງສ້າງແຫຼ່ງຊັບພະຍາກອນມະນຸດ; ບັນດາລາຍການ, ໂຄງການ ພວມໜູນຊ່ວຍແຂວງສາລະວັນ. ພ້ອມທັງຊີ້ໃຫ້ເຫັນເຖິງບັນຫາທີ່ຍັງຄົງຄ້າງ, ມີຄວາມຫຍຸ້ງຍາກ; ສະເໜີທິດທາງການຮ່ວມມືລະຫວ່າງສອງຝ່າຍໃນໄລຍະຈະມາເຖິງ.
 | |
|
ໂດຍຜ່ານການແລກປ່ຽນ, ປຶກສາຫາລື, ສອງຝ່າຍໄດ້ເຫັນດີເປັນເອກະພາບບັນດາເນື້ອໃນການຕົກລົງຮ່ວມມືໄລຍະ 2022 – 2026. ໃນນັ້ນ, ຢືນຢັນວ່າ ສອງຝ່າຍຈະສືບຕໍ່ນໍາສາຍພົວພັນມິດຕະພາບ, ການຮ່ວມມືຂຶ້ນສູ່ລະດັບສູງໃໝ່. ນັ້ນແມ່ນ, ສອງຝ່າຍສືບຕໍ່ເພີ່ມທະວີການຮ່ວມມືດ້ານການເມືອງ, ການທູດ; ການປ້ອງກັນປະເທດ, ການປ້ອງກັນຄວາມສະຫງົບ,ຊາຍແດນ, ດ່ານຊາຍແດນ; ເສດຖະກິດ; ການສຶກສາ ແລະ ບຳລຸງສ້າງ, ຝຶກອົບຮົມພະນັກງານ; ວັດທະນະທຳ, ກິລາ, ການທ່ອງທ່ຽວ, ສາທາລະນະສຸກ ແລະ ບັນດາຂົງເຂດອື່ນໆ…
ຫອມມາລາ