ເປັນເຈົ້າການ, ໄຫວພິບ ແລະ ມີຫົວຄິດປະດິດສ້າງໃນການຈັດຕັ້ງປະຕິບັດການເຄື່ອນໄຫວຂອງສະມາຄົມ ຫວຽດນາມ - ອາເມລິກາ
| ຫວຽດນາມ ໄດ້ສະແດງໃຫ້ເຫັນຄວາມມີໄຫວພິບ, ມີຫົວຄິດປະດິດສ້າງ, ເປັນເຈົ້າການ, ຊັກຈູງອາຊຽນຜ່ານຜ່າຄວາມຫຍຸ້ງຍາກ | |
| ກອງປະຊຸມການທູດ ຄັ້ງທີ 30 ໃນຫົວຂໍ້ "ທູດຫວຽດນາມ ເປັນເຈົ້າການ, ມີຫົວຄິດປະດິດສ້າງ ແລະ ມີປະສິດທິຜົນ" |
ຫວ່າງແລ້ວນີ້, ຢູ່ຮ່າໂນ້ຍ, ສະມາຄົມ ຫວຽດນາມ - ອາເມລິກາ (ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ) ໄດ້ຈັດຕັ້ງກອງປະຊຸມສະຫຼຸບວຽກງານປີ 2022 ແລະ ທິດທາງການເຄື່ອນໄຫວໃນປີ 2023.
ສະມາຄົມ ຫວຽດນາມ - ອາເມລິກາ ຈັດຕັ້ງກອງປະຊຸມສະຫຼຸບວຽກງານປີ 2022 ແລະ ທິດທາງການເຄື່ອນໄຫວໃນປີ 2023. ພາບ: thoidai.com.vn
ນະທີ່ນີ້, ທ່ານເອກອັກຄະລັດຖະທູດ ຟ້າມກວາງວີງ, ປະທານສະມາຄົມ ຫວຽດນາມ - ອາເມລິກາ ສະເໜີວ່າໃນໄລຍະຈະມາເຖິງ, ສູນກາງສະມາຄົມ ແລະ ບັນດາອົງການສະມາຊິກຄວນເພີ່ມທະວີລັກສະນະເປັນເຈົ້າການ, ໄຫວພິບ ແລະ ມີຫົວຄິດປະດິດສ້າງໃນການຈັດຕັ້ງປະຕິບັດບັນດາການເຄື່ອນໄຫວ ເພື່ອສອດຄ່ອງກັບສະຖານະການ ແລະ ແຫຼ່ງກໍາລັງ.
ໃນປີ 2023, ສະມາຄົມ ຫວຽດນາມ - ອາເມລິກາ ຈະສືບຕໍ່ດຳເນີນບັນດາການເຄື່ອນໄຫວແລກປ່ຽນຄະນະຜູ້ແທນ ແລະ ການຮ່ວມມືປະຊາຊົນລະຫວ່າງ ຫວຽດນາມ - ອາເມລິກາ; ຊຸກຍູ້ການລົງນາມໃນບົດບັນທຶກຊ່ວຍຈຳລະຫວ່າງສະມາຄົມ ຫວຽດນາມ - ອາເມລິກາ ແລະສະພາທຸລະກິດ ອາເມລິກາ - ຫວຽດນາມ (UVBC)... ຈັດຕັ້ງການພົບປະກັບສະມາຄົມ ຫວຽດນາມ - ອາເມລິກາ ຢູ່ບັນດາທ້ອງຖິ່ນ ແລະ ເຄືອຂ່າຍສະມາຊິກສະມາຄົມເນື່ອງໃນໂອກາດ ສະເຫຼີມສະຫຼອງ 78 ປີແຫ່ງວັນສ້າງຕັ້ງສະມາຄົມ. ນອກນີ້, ໃນປີໜ້າ, ສະມາຄົມຍັງມີແຜນຈະຂະຫຍາຍສະມາຊິກໃໝ່ 2-3 ສະມາຊິກ.
ທີ່ກອງປະຊຸມ, ບັນດາຜູ້ແທນໄດ້ແລກປ່ຽນ, ປຶກສາຫາລື ແລະ ຍົກອອກຂໍ້ສະເໜີຫຼາຍຂໍ້ເພື່ອແນໃສ່ເພີ່ມເຕີມ ແລະ ປະຕິບັດສໍາເລັດບົດລາຍວຽກງານສະມາຄົມປີ 2022 ແລະ ທິດທາງວຽກງານຂອງສະມາຄົມໃນປີ 2023.
ບູນມີ