ອິນເດຍ ມີຫຼາຍນະໂຍບາຍສົ່ງເສີມ ແລະ ດຶງດູດການລົງທຶນຕ່າງປະເທດ, ໃນນັ້ນມີປະຊາຄົມວິສາຫະກິດ ຫວຽດນາມ
| ແຂກທ່ອງທ່ຽວ ອິນເດຍ ມາ ຫວຽດນາມ ເພີ່ມຂຶ້ນຢ່າງແຮງ | |
| ອິນເດຍ ປາດຖະໜາຢາກຊຸກຍູ້ການຮ່ວມມືກັບ ຫວຽດນາມ |
 |
| ຜູ້ຕາງໜ້າ 2 ຝ່າຍລົງນາມໃນບົດບັນທຶກຊ່ວຍຈຳ (ພາບ: TTXVN) |
ນີ້ແມ່ນການຢືນຢັນຂອງ ທ່ານ Madan Mohan Sethi, ຫົວໜ້າສະຖານກົງສູນໃຫຍ່ ອິນເດຍ ຢູ່ນະຄອນໂຮ່ຈີມິນ, ທີ່ກອງປະຊຸມສົ່ງເສີມອຸດສາຫະກຳ, ການຄ້າ ຫວຽດນາມ - ອິນເດຍ ໂດຍສະຫະພັນ ອຸດສາຫະກຳ ແລະ ການຄ້າ ຫວຽດນາມ (VCCI) ຢູ່ນະຄອນໂຮ່ຈີມິນ ແລະ ກົງສູນໃຫຍ່ ອິນເດຍ ປະຈຳ ນະຄອນໂຮ່ຈີມິນ ຈັດຕັ້ງຂຶ້ນຕອນແລງວັນທີ 12 ທັນວາ, ຢູ່ທີ່ນະຄອນໂຮ່ຈີມິນ.
ຫົວໜ້າສະຖານກົງສູນໃຫຍ່ ອິນເດຍ ກໍ່ໃຫ້ຮູ້ວ່າ: ປະຊາຄົມວິສາຫະກິດ, ຜູ້ຜະລິດອຸດສາຫະກຳ ແຖວໜ້າຂຶ້ນກັບສະຫະພັນບັນດາຫ້ອງອຸດສາຫະກຳ ແລະ ການຄ້າຂອງບັນດາລັດຄື Telangana ແລະ Andhra Pradesh ມາຫວຽດນາມ ເພື່ອຊອກຫາກາລະໂອກາດລົງທຶນ, ທຸລະກິດ ແລະ ສຳຫຼວດການຕະຫຼາດ. ບາງວິສາຫະກິດ ອິນເດຍ ຕ້ອງການຊອກຫາກາລະໂອກາດຢູ່ຂົງເຂດອຸດສາຫະກຳ, ກໍ່ສ້າງ, ການຢາ… ຢູ່ຕະຫຼາດນະຄອນໂຮ່ຈີມິນເວົ້າສະເພາະ ແລະ ຢູ່ຫວຽດນາມ ເວົ້າລວມ.
ທ່ານ Madan Mohan Sethi ໃຫ້ຮູ້ວ່າ: ປະຈຸບັນ, ອິນເດຍ ມີຫຼາຍກົນໄກນະໂຍບາຍເພື່ອຊຸກຍູ້ ແລະ ດຶງດູດການລົງທຶນຈາກຕ່າງປະເທດ, ໃນນັ້ນມີປະຊາຄົມວິສາຫະກິດ ຫວຽດນາມ.ສ່ວນບັນດາອົງການການທູດ ແລະ ບັນດາອົງການສົ່ງເສີມການທູດຂອງອິນເດຍ ພວມມານະພະຍາຍາມຢ່າງບໍ່ຢຸດຢັ້ງ ເພື່ອຊຸກຍູ້ບັນດາການເຄື່ອນໄຫວໜູນຊ່ວຍດ້ານການຄ້າ, ລະບຽບການຄົນເຂົ້າເມືອງ, ສະໜອງຂໍ້ມູນຕະຫຼາດ... ໃຫ້ບັນດາວິສາຫະກິດ ແລະ ນັກລົງທຶນຕ່າງປະເທດ.ໃນຂອບເຂດກອງປະຊຸມ, ສະຫະພັນການຄ້າ ແລະ ອຸດສາຫະກຳຫວຽດນາມ ຢູ່ນະຄອນ ໂຮ່ຈີມິນ ແລະ ສະຫະພັນບັນດາສະພາການຄ້າ ແລະ ອຸດສາຫະກຳແຫ່ງລັດ Telangana (FTCCI) ກໍ່ໄດ້ລົງນາມໃນບົດບັນທຶກຊ່ວຍຈຳເພື່ອຮ່ວມມືໜູນຊ່ວຍວິສາຫະກິດ ແລະ ຊຸກຍູ້ການເຄື່ອນໄຫວສົ່ງເສີມການຄ້າລະຫວ່າງສອງຝ່າຍ