ປະທານ ຫງວຽນເຟືອງງາ ສົ່ງຈົດໝາຍອວຍພອນ ເນື່ອງໃນໂອກາດສະເຫຼີມສະຫຼອງ 72 ວັນມູນເຊື້ອ VUFO
 |
| ທ່ານນາງ ຫງວຽນເຟືອງງາ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ. |
ຮຽນບັນດາສະຫາຍ,
ໃນຕະຫຼອດ 72 ປີຜ່ານມາ, ພາຍໃຕ້ການນຳພາອັນຖືກຕ້ອງ ແລະ ສະຫຼາດ ສ່ອງໄສຂອງພັກ, ດ້ວຍຄວາມສາມັກຄີ, ເປັນເອກະພາບ, ຄວາມມານະພະຍາຍາມຢ່າງໝັ້ນແກ່ນ, ການປະກອບສ່ວນຢ່າງຕັ້ງໜ້າຂອງການນຳ, ພະນັກງານ, ລັດຖະກອນ ແລະ ຜູ້ອອກແຮງງານຮຸ້ນຕ່າງໆຂອງຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ ແລະ ບັນດາອົງການສະມາຊິກຂອງຕົນ, ດ້ວຍການສະໜັບສະໜູນ, ຮ່ວມມືຢ່າງມີປະສິດທິຜົນຂອງບັນດາອົງ ການເຈົ້າໜ້າທີ່ຢູ່ສູນກາງ ແລະ ທ້ອງຖິ່ນ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ເຕີບໃຫຍ່ເຂັ້ມແຂງເປັນແຕ່ລະກ້າວ, ຍາດໄດ້ຜົນງານຫລາຍຢ່າງ, ເສີມຂະຫຍາຍມູນເຊື້ອອັນດີງາມ, ເສີມຂະຫຍາຍບົດບາດ ແລະຖານະທີ່ຕັ້ງຂອງການທູດປະຊາຊົນ, ປະກອບສ່ວນສຳຄັນເຂົ້າໃນບັນດາຜົນສຳເລັດຂອງວຽກງານພົວພັນຕ່າງປະເທດລວມຂອງປະເທດ.
ດ້ວຍຄວາມເອກອ້າງທະນົງໃຈສືບຕໍ່ປະຫວັດສາດແຫ່ງ 72 ປີແຫ່ງການສ້າງສາ ແລະ ພັດທະນາ, ຂ້າພະເຈົ້າເຊື່ອໝັ້ນຢ່າງເລິກເຊິ່ງວ່າ ພະນັກງານ, ລັດຖະກອນ ແລະ ຜູ້ອອກແຮງງານຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ ແລະ ບັນດາອົງການສະມາຊິກທຸກຖ້ວນໜ້າ ຈະສືບຕໍ່ເສີມຂະຫຍາຍມູນເຊື້ອອັນດີງາມ, ສາມັກຄີ, ເປັນຈິດໜຶ່ງໃຈດຽວ, ແກ້ໄຂຄວາມຫຍຸ້ງຍາກ, ຝຶກຝົນຫຼໍ່ຫຼອມຄຸນທາດ, ຍົກສູງກໍາລັງຄວາມສາມາດ, ຕັ້ງໜ້າປ່ຽນແປງໃໝ່ເນື້ອໃນ, ວິທີການ ແລະ ຍົກສູງປະສິດທິຜົນການເຄື່ອນໄຫວຕາມທິດນຳ “ເປັນເຈົ້າການ, ມີໄຫວພິບ, ມີຫົວຄິດປະດິດສ້າງ ແລະ ມີປະສິດທິຜົນ”, ບັນລຸໄດ້ບັນດາຜົນງານໃໝ່ໃຫຍ່ຫຼວງກວ່າອີກໃນການປະຕິບັດພາລະໜ້າທີ່ທີ່ໄດ້ຮັບມອບໝາຍ. ສົມເປັນກຳລັງຫຼັກແຫຼ່ງໃນວຽກງານການທູດປະຊາຊົນ - ແມ່ນໜຶ່ງໃນ 3 ເສົາຄ້ຳຂອງພື້ນຖານການທູດຫວຽດນາມຢ່າງຮອບດ້ານ ແລະ ທັນສະໄໝ, ປະກອບສ່ວນແທດຈິງເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດຫວຽດນາມ ທີ່ໝັ້ນຄົງ ເຂັ້ມແຂງ, ວັດທະນາຖາວອນ ແລະ ມີຄວາມຜາສຸກ; ເພີ່ມພູນຄູນສ້າງສັນຕິພາບ ແລະ ມິດຕະພາບລະຫວ່າງຊາດຕ່າງໆໃນໂລກ.
ຂໍອວຍພອນໃຫ້ບັນດາສະຫາຍ ແລະ ຄອບຄົວຂອງທ່ານມີສຸຂະພາບແຂງແຮງ, ມີຄວາມຜາສຸກ ແລະ ປະສົບຜົນສໍາເລັດ!
ດ້ວຍຄວາມນັບຖື!
ບູນມີ