ສະມາຄົມມິດຕະພາບ ຫວຽດນາມ-ລາວ, ສະຖານທູດລາວ ປະຈຳ ຫວຽດນາມ ຖະຫວາຍທູບທຽນອາໄລຫາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດສອງປະເທດ
| ເຮືອນລວມສໍາລັບບັນດາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ | |
| ສະມາຄົມມິດຕະພາບ ມາເລເຊຍ - ຫວຽດນາມ ປະກອບສ່ວນຊຸກຍູ້ການພົວພັນ 2 ຝ່າຍ |
ຕອນເຊົ້າວັນທີ 27 ກັນຍາ, ຢູ່ແຂວງກວາງຈິ, ສະມາຄົມມິດຕະພາບ ຫວຽດນາມ - ລາວ; ສະຖານທູດ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ຫວຽດນາມ; ສະຖານກົງສຸນໃຫຍ່ລາວ ປະຈໍາ ນະຄອນ ດ່າໜັງ ໄດ້ໄປສຸສານເຈື່ອງເຊີນ ເພື່ອຖະຫວາຍທູບທຽນ, ດອກໄມ້ ເພື່ອລະນຶກເຖິງດວງວິນຍານວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ.
ສຸສານນັກຮົບເສຍສະຫຼະຊີວິດເພື່ອຊາດ ເຈື່ອງເຊີນ ແມ່ນບ່ອນເຕົ້າໂຮມ 10.333 ຂຸມຝັງສົບຂອງນັກຮົບຜູ້ເສຍສະຫຼະຊີວິດເພື່ອຊາດ ປົດປ່ອຍຫວຽດນາມໃຕ້ ແລະ ກອງທັບປະຊາຊົນຫວຽດນາມ ບົນເສັ້ນທາງເຈື່ອງເຊີນ - ເອີ້ນອີກຊື່ໜຶ່ງວ່າ ເສັ້ນທາງໂຮ່ຈິມິນ.
 |
| ບັນດາຜູ້ແທນໄປວາງພວງມາລາຢູ່ສຸສານເຈື່ອງເຊີນ (ກວາງຈີ້). |
ກ່ອນໜ້ານັ້ນ, ວັນທີ 26 ກັນຍາ, ຢູ່ສຸສານນັກຮົບເສຍສະຫຼະຊີວິດເພື່ອຊາດ ຫວຽດນາມ - ລາວ (ອານເຊີນ, ແຂວງ ເງ້ອານ), ຄະນະຜູ້ແທນສະມາຄົມມິດຕະພາບ ຫວຽດນາມ - ລາວ; ສະຖານທູດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ປະຈຳຫວຽດນາມ ກໍ່ໄດ້ຖະຫວາຍທູບທຽນ ແລະ ດອກໄມ້ ເພື່ອຈາລຶກບຸນຄຸນຕໍ່ບັນດາວິລະຊົນເສຍສະຫຼະຊີວິດເພື່ອຊາດ 2 ປະເທດ ຫວຽດນາມ - ລາວ.
 |
| ບັນດາຜູ້ແທນໄປວາງພວງມາລາຢູ່ສຸສານເຈື່ອງເຊີນ (ກວາງຈີ້). |
ນະທີ່ນີ້, ທ່ານ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ຫວຽດນາມ ແສງເພັດ ຮຸ່ງບຸນເຍືອງ ເນັ້ນໜັກວ່າ: ໂດຍສ່ວນຕົວລາວ ແລະ ສະຖານທູດ ລາວ ປະຈຳ ຫວຽດນາມ ຈະສືບຕໍ່ຮັກສາ ແລະ ເສີມຂະຫຍາຍສາຍພົວພັນສາມັກຄີແບບພິເສດ, ການຮ່ວມມືຮອບດ້ານລະຫວ່າງ 2 ປະເທດ ຫວຽດນາມ - ລາວ; ພ້ອມກັນນັ້ນ, ກໍເປັນຂົວຕໍ່ເພື່ອໃຫ້ສາຍພົວພັນມິດຕະພາບທີ່ເປັນມູນເຊື້ອຂອງສອງປະເທດແຕກດອກອອກຜົນ, ຂຽວສົດງົດງາມ ແລະ ຍືນຍົງຄົງຕົວຕະຫຼອດການລະນານ.
ຄຳຮຸ່ງ