ຫວຽດນາມ, ລາວ, ໄທ ແລະ ກຳປູເຈຍ ເພີ່ມທະວີການຮ່ວມມືໃນຫຼາຍຂົງເຂດ
| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ໄທ | |
| ຫວຽດນາມ ແລະ ກຳປູເຈຍ ພ້ອມກັນຮັກສາ, ເພີ່ມພູນຄູນສ້າງການພົວພັນສອງຝ່າຍອັນດີງາມ |
 |
| ທ່ານລັດຖະມົນຕີກະຊວງການຕ່າງປະເທດ ບຸຍແທັງເຊີນ ໄດ້ມີການພົບປະກັບ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ລາວ ສະເຫຼີມໄຊ ກົມມະສິດ( ພາບ: ງວຽນຮົ່ງ) |
ທີ່ການພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ລາວ ສະເຫຼີມໄຊ ກົມມະສິດ, ທັງສອງຝ່າຍໄດ້ເຫັນດີເປັນເອກະພາບ ຈະສົມທົບກັນຮັບໃຊ້ບັນດາການເຄື່ອນໄຫວແລກປ່ຽນຄະນະຂັ້ນສູງໃຫ້ເປັນຢ່າງດີ, ຜັນຂະຫຍາຍບັນດາຂໍ້ຕົກລົງການຮ່ວມມືຢ່າງມີປະສິດທິຜົນ, ເພີ່ມທະວີການຮ່ວມມືໃນບັນດາຂົງເຂດການປ້ອງກັນຊາດ, ປ້ອງກັນຄວາມສະຫງົບ, ການຄ້າ ແລະ ການລົງທຶນຢ່າງບໍ່ຢຸດຢັ້ງ...
ໂດຍການສົມທົບຢ່າງແໜ້ນແຟ້ນເພື່ອຈັດຕັ້ງບັນດາການເຄື່ອນໄຫວສະເຫຼີມສະຫຼອງ 60 ປີ ແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ, ໃນນັ້ນ ການເຄື່ອນໄຫວສຳຄັນແມ່ນການສະເຫຼີມສະຫຼອງສອງເຫດການສຳຄັນເຊິ່ງຈະຈັດຂຶ້ນຢູ່ນະຄອນຫຼວງຂອງສອງປະເທດໃນວັນທີ 18 ກໍລະກົດ 2022.
ສອງຝ່າຍກໍໄດ້ຕົກລົງເປັນເອກະພາບຈະເພີ່ມທະວີການສົມທົບ, ສະໜັບສະໜູນເຊິ່ງກັນແລະກັນຢູ່ເວທີປາໄສສາກົນ, ພາກພື້ນ ແລະ ອະນຸພາກພື້ນ.
ທີ່ການພົບປະກັບທ່ານຮອງນາຍົກລັດຖະມົນຕີ, ທ່ານລັດຖະມົນຕີການຕ່າງປະເທດ ໄທ ດອນ ປຣາມັດວິໄນ, ທ່ານລັດຖະມົນຕີ ບຸຍແທັງເຊີນ ສະເໜີໃຫ້ສອງຝ່າຍສົມທົບກັນຈັດຕັ້ງບັນດາການເຄື່ອນໄຫວສະເຫຼີມສະຫຼອງ 10 ປີແຫ່ງການສ້າງຕັ້ງການພົວພັນຄູ່ຮ່ວມມືຍຸດທະສາດໃນປີ 2023; ຊຸກຍູ້ການເຕີບໂຕທາງການຄ້າຕາມທິດສົມດູນ, ຕ່າງຝ່າຍຕ່າງມີຜົນປະໂຫຍດ, ບັນລຸເປົ້າໝາຍຂອງການຄ້າສອງຝ່າຍ 25 ຕື້ USD ຢ່າງໂດຍໄວ.
ທັງສອງຝ່າຍໄດ້ເຫັນດີເປັນເອກະພາບຈະຊຸກຍູ້ການແລກປ່ຽນບັນດາການຢ້ຽມຢາມຂັ້ນສູງ ແລະ ຜັນຂະຫຍາຍບັນດາກົນໄກການຮ່ວມມືໃນໄລຍະຈະມາເຖິງ, ໃນນັ້ນມີກອງປະຊຸມ ຄັ້ງທີ 9 ກ່ຽວກັບການທາບທາມທາງການເມືອງ ຫວຽດນາມ - ໄທ; ຟື້ນຟູຖ້ຽວບິນການຄ້າ ແລະ ເປີດເສັ້ນທາງການບິນໃໝ່ໂດຍໄວ ເພື່ອສ້າງເງື່ອນໄຂສະດວກກວ່າອີກໃຫ້ແກ່ການທ່ອງທ່ຽວ ແລະ ການພົວພັນການຄ້າລະຫວ່າງສອງປະເທດ.
ທີ່ການພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ແລະ ການຮ່ວມມືສາກົນ ກຳປູເຈຍ Prak Sokhonn, ທັງສອງຝ່າຍໄດ້ເຫັນດີເປັນເອກະພາບສົມທົບກັນກະກຽມໃຫ້ແກ່ການຢ້ຽມຢາມຂັ້ນສູງໃຫ້ເປັນຢ່າງດີ, ສືບຕໍ່ຮັກສາການພົວພັນຮ່ວມມືຢ່າງອັນດີງາມໃນບັນດາຂົງເຂດການເມືອງ, ການປ້ອງກັນຄວາມສະຫງົບ, ການປ້ອງກັນຊາດ, ເສດຖະກິດ, ການຄ້າ - ການລົງທຶນ, ການສຶກສາ...
ສືບຕໍ່ສົມທົບກັນຈັດຕັ້ງການເຄື່ອນໄຫວສະເຫຼີມສະຫຼອງທີ່ຍັງເຫຼືອໃນຂອບເຂດ “ປີມິດຕະພາບ ຫວຽດນາມ - ກຳປູເຈຍ 2022”. ທັງສອງຝ່າຍກໍໄດ້ແລກປ່ຽນບາງບັນຫາສາກົນ ແລະ ພາກພື້ນທີ່ສອງຝ່າຍມີຄວາມສົນໃຈ.
ຫອມມາລາ