ສະເຫຼີມສະຫຼອງ 132 ປີ ວັນຄ້າຍວັນເກີດ ປະທານ ໂຮ່ຈີມິນ ທີ່ ກຳປູເຈຍ
| ການເຄື່ອນໄຫວສະເຫຼີມສະຫຼອງ 132 ປີແຫ່ງວັນຄ້າຍວັນເກີດປະທານໂຮ່ຈີມິນ ຢູ່ພາຍປະເທດ ແລະ ຕ່າງປະເທດ | |
| ທ່ານປະທານປະເທດ ຫງວຽນຊວັນຟຸກ ອວຍພອນວັນບຸນວິສາຂະບູຊາຢູ່ນະຄອນ ໂຮ່ຈີມິນ |
 |
| ທ່ານເອກອັກຄະລັດຖະທູດ ຫງວຽນຮຸຍຕັງ, ເລຂາຄະນະພັກ ທີ່ ກຳປູເຈຍ ກ່າວຄໍາປາໄສທີ່ພິທີສະເຫຼີມສະຫຼອງ ( ພາບ: VOV) |
ກ່າວຄໍາປາໄສທີ່ພິທີສະເຫຼີມສະຫຼອງ, ທ່ານເອກອັກຄະລັດຖະທູດ ຫງວຽນຮຸຍຕັງ, ເລຂາຄະນະພັກ ທີ່ ກຳປູເຈຍ ໄດ້ສະແດງຄວາມຕື້ນຕັນໃຈ ເມື່ອໄດ້ພ້ອມກັບບັນດາປະຊາຊົນຊາວຫວຽດນາມ ອາໄສຢູ່ຕ່າງປະເທດ, ພະນັກງານສະຖານທູດ ແລະ ບັນດາອົງການຈັດຕັ້ງທີ່ຢູ່ອ້ອມຂ້າງສະຖານທູດ ສະແດງຄວາມເຄົາລົບນັບຖື ແລະ ຫວນຄືນລະນຶກເຖິງທ່ານຜູ້ນຳທີ່ຮັກແພງຂອງປະເທດ ຫວຽດນາມ ໃນໂອກາດທີ່ສໍາຄັນນີ້.
ທ່ານເອກອັກຄະລັດຖະທູດ ຫງວຽນຮຸຍຕັງ ປາດຖະໜາວ່າ ປະຊາຄົມຊາວຫວຽດນາມ ອາໄສຢູ່ ກຳປູເຈຍ ຈະສືບຕໍ່ເສີມຂະຫຍາຍມູນເຊື້ອສາມັກຄີ, ມານະພະຍາຍາມປະຕິບັດສໍາເລັດທຸກໜ້າທີ່ວຽກງານ ໃນປີ 2022 ໃນທຸກຂົງເຂດ.
ຕໍ່ໜ້າດວງວິນຍານຂອງປະທານໂຮ່ຈີມິນ, ຄະນະໝັ້ນໝາຍວ່າພ້ອມກັນຮ່ວມຈິດຮ່ວມໃຈ, ອຸທິດຕົນຢ່າງສຸດຈິດສຸດໃຈເພື່ອປະຕິບັດຄໍາພິໄນກໍາຂອງເພິ່ນ; ສືບຕໍ່ປະຕິບັດວຽກງານການສຶກສາຮໍ່າຮຽນ ແລະ ປະຕິບັດຕາມແນວຄິດ, ຄຸນສົມບັດ, ແບບແຜນການດໍາລົງຊີວິດ ຂອງປະທານໂຮ່ຈີມິນ, ເປັນເຈົ້າການ ແລະ ຕັ້ງໜ້າບືນຂຶ້ນໃນວຽກງານ ແລະ ຊີວິດການເປັນຢູ່ໃຫ້ເປັນຢ່າງດີ, ມີຄວາມສາມັກຄີ, ຮັກແພງຊ່ວຍເຫຼືອເຊິ່ງກັນແລະກັນໃນຊີວິດ, ເປັນຈິດໜຶ່ງໃຈດຽວມຸ່ງໄປເຖິງບ້ານເກີດເມືອງນອນ ແລະ ປະກອບສ່ວນເຂົ້າໃນການຊຸກຍູ້ການພົວພັນ ຫວຽດນາມ - ກຳປູເຈຍ.
ຫອມມາລາ