ຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໄດ້ມີການພົບປະສອງຝ່າຍກັບຫົວໜ້າຄະນະຂອງປະເທດ ກຳປູເຈຍ ແລະ ສິງກະໂປ
| ທ່ານນາຍົກລັດຖະມົນຕີ ຟ້າມມິງຈິ໊ງ ອວຍພອນບຸນປີໃໝ່ຂອງລາວ ແລະ ກຳປູເຈຍ | |
| ການນຳຂັ້ນສູງຫວຽດນາມ ອວຍພອນບຸນປີໃໝ່ຂອງລາວ ແລະ ກຳປູເຈຍ |
 |
| ທ່ານພົນໂທ ຮ່ວາງຊວນຈ໋ຽນ ແລະ ທ່ານພົນເອກ Nem Sowat, ຫົວໜ້າກົມໃຫຍ່ນະໂຍບາຍ ແລະ ການຕ່າງປະເທດ, ກະຊວງປ້ອງກັນປະເທດ ລາຊະອານາຈັກ ກຳປູເຈຍ (ພາບ: VOV) |
ທີ່ການພົບປະກັບພົນເອກ Nem Sowat, ຫົວໜ້າກົມໃຫຍ່ນະໂຍບາຍ ແລະ ການຕ່າງປະເທດ, ກະຊວງປ້ອງກັນປະເທດ ລາຊະອານາຈັກ ກຳປູເຈຍ, ສອງຝ່າຍໄດ້ເຫັນດີເປັນເອກະພາບຈະສົມທົບກັນຢ່າງແໜ້ນແຟ້ນ, ຜັນຂະຫຍາຍບັນດາເນື້ອໃນຂອງແຜນການຮ່ວມມືດ້ານປ້ອງກັນປະເທດ ປີ 2022 ລະຫວ່າງສອງປະເທດຢ່າງມີປະສິດທິຜົນ, ໂດຍສະເພາະແມ່ນບັນດາເນື້ອໃນທີ່ລັດຖະມົນຕີ 2 ທ່ານ ໄດ້ພົບປະເຈລະຈາ ແລະ ເຫັນດີເປັນເອກະພາບໃນການພົບປະແລກປ່ຽນມິດຕະພາບປ້ອງກັນຊາຍແດນຄັ້ງທຳອິດເມື່ອບໍ່ດົນມານີ້. ທ່ານພົນໂທ ຮ່ວາງຊວນຈ໋ຽນ ຢືນຢັນວ່າ ກະຊວງປ້ອງກັນປະເທດຫວຽດນາມ ຈະສົມທົບກັນຢ່າງແໜ້ນແຟ້ນເພື່ອໃຫ້ກຳປູເຈຍດໍາລົງຕຳແໜ່ງເປັນປະທານອາຊຽນໃນປີ 2022 ຢ່າງສຳເລັດຜົນ.
ທີ່ການພົບປະກັບ ທ່ານ Chan Heng Kee, ເລຂາປະຈໍາກະຊວງປ້ອງກັນປະເທດ ສິງກະໂປ, ທັງສອງຝ່າຍໄດ້ຕີລາຄາສູງຕໍ່ການພົວພັນມິດຕະພາບອັນດີງາມລະຫວ່າງກະຊວງປ້ອງກັນປະເທດສອງປະເທດ ຫວຽດນາມ ແລະ ສິງກະໂປ, ໂດຍສະເພາະແມ່ນໃນສະພາບການທີ່ລັດຖະມົນຕີ 2 ທ່ານຂອງກະຊວງປ້ອງກັນປະເທດໄດ້ເຊັນສັນຍາກ່ຽວກັບການຮ່ວມມືດ້ານປ້ອງກັນປະເທດສອງຝ່າຍ ໃນເດືອນກຸມພາ ປີ 2022. ກໍທີ່ການພົບປະ, ທ່ານພົນໂທ ຮ່ວາງຊວນຈ໋ຽນ ສະເໜີວ່າ 2 ຝ່າຍສືບຕໍ່ຮັກສາການປຶກສາຫາລືກັນ, ສະໜັບສະໜູນເຊິ່ງກັນ ແລະກັນ ທີ່ບັນດາເວທີປາໄສຫຼາຍຝ່າຍ ເຊິ່ງ 2 ຝ່າຍເປັນສະມາຊິກ.
ຫອມມາລາ