ນະຄອນໂຮ່ຈີມິນ ຍູ້ແຮງການຮ່ວມມືພັດທະນາພະລັງງານສີຂຽວ, ສະອາດກັບອາເມລິກາ

	ຊຸກຍູ້ການຮ່ວມມືດ້ານປ້ອງກັນຊາດສອງຝ່າຍຫວຽດນາມ - ສິງກະໂປ
	ຫວຽດນາມ ຍາດເອົາແຊັມໃນງານແຂ່ງຂັນກິລາບານເຕະ U23 ອາຊີຕາເວັນອອກສ່ຽງໃຕ້ 2022

ທ່ານ ຫງວຽນວັນເນັນ ຕີລາຄາສູງບັນດາຄວາມມານະພະຍາຍາມ, ປະກອບສ່ວນຂອງທ່ານ John Kerry ໃນການເພີ່ມທະວີການພົວພັນລະຫວ່າງ ຫວຽດນາມ-ອາເມລິກາ. ທ່ານ ເຊື່ອໝັ້ນວ່າຈະມີການເຄື່ອນໄຫວຮ່ວມມື ລະຫວ່າງສອງປະເທດໃນໄລຍະຈະມາເຖິງຫຼາຍກວ່າອີກ, ໂດຍສະເພາະແມ່ນກັບບັນດາທ້ອງ ຖິ່ນ, ວິສາຫະກິດອາເມລິກາ ເພື່ອພ້ອມກັບນະຄອນ ໂຮ່ຈີມິນ ພັດທະນາພະລັງງານສີຂຽວ, ພະລັງງານທົດແທນ.

ທ່ານ ຫງວຽນວັນເນັນ ເລຂາພັກນະຄອນໂຮ່ຈີມິນຕ້ອນຮັບທ່ານ John Kerry ທູດພິເສດຂອງປະທານາທິບໍດີອາເມລິກາ ກ່ຽວກັບການປ່ຽນແປງຂອງດິນຟ້າອາກາດ. ພາບ: ສໍານັກຂ່າວສານຫວຽດນາມ.

ທ່ານ John Kerry ໃຫ້ຮູ້ວ່າມີຫຼາຍວິສາຫະກິດອາເມລິກາ ທີ່ມີຄວາມສາມາດບົມຊ້ອນຢ່າງພຽງພໍເພື່ອຊ່ວຍນະຄອນໂຮ່ຈີມິນ ກໍ່ຄືບັນດາທ້ອງຖິ່ນຂອງຫວຽດນາມ ຮັບມືກັບການປ່ຽນແປງຂອງດິນຟ້າອາກາດ. ຕີລາຄາສູງຫວຽດນາມ ແມ່ນໜຶ່ງໃນບັນດາປະເທດສໍາຄັນ, ມີຄວາມສາມາດບົ່ມຊ້ອນພັດທະນາກ່ຽວກັບພະລັງງານສີຂຽວ, ພະລັງງານທົດແທນ, ທ່ານຍັງເຊື່ອໝັ້ນວ່າຫວຽດນາມ ອາດສາມາດນໍາໜ້າບັນດາປະເທດໃນພາກພື້ນໃນຂົງເຂດພັດທະນາພະລັງງານໃໝ່.