ມອບຫຼຽນກາທີ່ລະນຶກໃຫ້ແກ່ທ່ານ Deborah Paul ເອກອັກຄະລັດຖະທູດການາດາປະຈຳຫວຽດນາມ
ວັນທີ 16 ກຸມພາ ທີ່ຮ່າໂນ້ຍ, ທ່ານນາງ ຫງວຽນເຟືອງງາ ເອກອັກຄະລັດຖະທູດ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ມອບຫຼຽນກາທີ່ລະນຶກ “ເພື່ອສັນຕິພາບ, ມິດຕະພາບລະຫວ່າງບັນດາຊົນຊາດ” ມອບໃຫ້ທ່ານ Deborah Paul ເອກອັກຄະລັດຖະທູດຜູ້ມີອຳນາດເຕັມແຫ່ງການາດາ ປະຈຳຫວຽດນາມ ເນື່ອງໃນໂອກາດທີ່ທ່ານເອກອັກຄະລັດຖະທູດໄດ້ສຳເລັດວາລະການປະຕິບັດໜ້າທີ່ວຽກງານ.
 |
| ທ່ານນາງ ຫງວຽນເຟືອງງາ ເອກອັກຄະລັດຖະທູດ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ ມອບຫຼຽນກາທີ່ລະນຶກໃຫ້ແກ່ທ່ານ Deborah Paul ເອກອັກຄະລັດຖະທູດການາດາ ປະຈຳ ຫວຽດນາມ. ພາບ: vietnamplus |
ນີ້ແມ່ນລາງວັນສູງສຸດຂອງສະຫະພັນບັນດາອົງການມິດຕະພາບຫວຽດນາມ, ຮັບຮອງ ແລະ ສັນລະເສີນການປະກອບສ່ວນຕ່າງໆທີ່ລ້ຳຄ່າຂອງທ່ານເອກອັກຄະລັດຖະທູດໃນການລະດົມ ແລະ ຊຸມຍູ້ຄວາມເຂົ້າໃຈເຊິ່ງກັນ ແລະ ກັນ, ສາຍພົວພັນມິດຕະພາບ, ການພົວພັນແລກປ່ຽນ ແລະ ການຮ່ວມມືລະຫວ່າງປະຊາຊົນສອງຊາດຫວຽດນາມ-ການາດາ.
ທ່ານນາງ ຫງວຽນເຟືອງງາ ໃຫ້ຮູ້ວ່າວາລະສະໄໝຂອງທ່ານເອກອັກຄະລັດຖະທູດ Deborah Paul ປະຈຳທີ່ຫວຽດນາມ ເປັນໄລຍະເວລາທີ່ມີຫຼາຍເຫດການສຳຄັນເກີດຂຶ້ນໃນການພົວພັນລະຫວ່າງຫວຽດນາມ ແລະ ການາດາ, ພິເສດແມ່ນລະນຶກ 45 ປີ ການສ້າງຕັ້ງການພົວພັນການທູດລະຫວ່າງສອງປະເທດໃນປີ 2018, ເປັນຂີດໝາຍແຫ່ງການພັດທະນາທີ່ດີ ແລະ ຍືນຍົງຂອງການພົວພັນຫວຽດນາມ-ການາດາ.
ທ່ານເອກອັກຄະລັດຖະທູດ Deborah Paul ມີບົດບາດສຳຄັນໃນການປະສານງານຈັດແຈງບັນດາການພົບປະຂັ້ນສູງ, ການໂທລະສັບປຶກສາຫາລື, ແລກປ່ຽນໂທລະສານລະຫວ່າງການນຳການາດາ ແລະ ການນຳພັກ, ລັດ ຫວຽດນາມ, ເຄື່ອນໄຫວສະໜັບສະໜູນບົດບາດຂອງຫວຍດນາມໃນບັນດາເວທີພາກພື້ນ ແລະ ສາກົນ, ເປັນຕົ້ນແມ່ນເວລາທີ່ຫວຽດນາມຮັບໜ້າທີ່ຕຳແໜ່ງປະທານອາຊຽນ 2020, ສະມາຊິກທີ່ບໍ່ຖາວອນໃນສະພາຄວາມໝັ້ນຄົງສະຫະປະຊາຊາດ ແລະ ຈຸດຢືນຂອງຫວຽດນາມໃນການແກ້ໄຂຂໍ້ຂັດແຍ່ງໃນທະເລຕາເວັນຢ່າງສັນຕິວິທີ, ບົນພື້ນຖານກົດໝາຍສາກົນ ແລະ ສົນທິສັນຍາຂອງສະຫະປະຊາຊາດກ່ຽວກັບກົດໝາຍທາງທະເລ ປີ 1982.
ທ່ານເອກອັກຄະລັດຖະທູດ Deborah Paul ກໍມີການປະກອບສ່ວນຫຼາຍຢ່າງໃນການຊຸກຍູ້ສາຍພົວພັນຮ່ວມມືລະຫວ່າງຫວຽດນາມ ແລະ ການາດາ ໃນທຸກຂົງເຂດນັບແຕ່ການເມືອງ-ການຕ່າງປະເທດ ຈົນຮອດເສດຖະກິດ, ການຄ້າ, ການປ້ອງກັນຊາດ-ປ້ອງກັນຄວາມສະຫງົບ, ສາທາລະນະສຸກ, ການສຶກສາ-ການບຳລຸງ, ການຊ່ວຍເຫຼືອດ້ານມະນຸດສະທຳ, ການແລກປ່ຽນວັດທະນະທຳ, ການປົບປະປະຊາຊົນ.
ຮອດປັດຈຸບັນ, ສອງປະເທດໄດ້ຜັັນຂະຫຍາຍຢ່າງມີປະສິດທິຜົນໃນສັນຍາຄູ່ຮ່ວມມືຮອບດ້ານ ແລະ ກ້າວຂ້າມຜ່ານທະເລປາຊີຟິກ (CPTPP), ການພົວພັນເສດຖະກິດ-ການຄ້າລະຫວ່າງຫວຽດນາມ ແລະ ການາດາ ທີ່ໄດ້ຖືກຈາລຶກຜົນງານທີ່ໜ້າປະທັບໃຈ.
ຫວຽດນາມປັດຈຸບັນນີ້ ເປັນຄູ່ຮ່ວມມືການຄ້າໃຫຍ່ສຸດຂອງການາດາໃນກຸ່ມອາຊຽນ. ການາດາກໍໄດ້ມີຫຼາຍກິດຈະກຳເຄື່ອນໄຫວຢ່າງແທດຈິງຊ່ວຍເຫຼືອຫວຽດນາມໃນການຕ້ານ, ສະກັດກັ້ນການແຜ່ລະບາດພະຍາດໂຄວິດ-19.
ເພື່ອສະແດງຄວາມຂອບໃຈໃນຄວາມຮັກແພງ, ການຮ່ວມມື, ການຊ່ວຍເຫຼືອອັນລ້ຳຄ່າ ທີ່ທ່ານເອກອັກຄະລັດຖະທູດ Deborah Paul ໄດ້ມອບໃຫ້ແກ່ຫວຽດນາມ, ທ່ານເອກອັກຄະລັດຖະທູດ ຫງວຽນເຟືອງງາ ປາດຖະໜາວ່າ ບໍ່ວ່າຈະຢູ່ຊັ້ນຕຳແໜ່ງວຍກງານໃດ, ທ່ານເອກອັກຄະລັດຖະທູດ Deborah Paul ຈະຍັງສືບຕໍ່ມອບຄວາມເອົາໃຈໃສ່ ແລະ ປະກອບສ່ວນຢ່າງຕັ້ງໜ້າເຂົ້າຕໍ່ກັບການພົວພັນມິດຕະພາບ, ການຮ່ວມມື ລະຫວ່າງປະຊາຊົນຫວຽດນາມ ແລະ ການາດາ, ປະກອບສ່ວນເຮັດໃຫ້ເລິກເຊິ່ງອີກໃນການພົວພັນຄູ່ຮ່ວມມືຮອບດ້ານ ທີ່ກຳລັງຂະຫຍາຕົວຢ່າງງົດງາມລະຫວ່າງ 2 ປະເທດ.
ສະແດງຄວາມດີໃຈທີ່ໄດ້ເຂົ້າຮ່ວມພິທີອັນມີຄວາມໝາຍ ແລະ ໄດ້ຮັບລາງວັນອັນສູງສົ່ງຂອງສະຫະພັນບັນດາອົງການມິດຕະພາບຫວຽດນາມ, ທ່ານເອກອັກຄະລັດຖະທູດ ນາງ Deborah Paul ແບ່ງປັນວ່າທ່ານໄດ້ມີຊ່ວງເວລາທີ່ດີທີ່ສຸດໃນການດຳລົງຊີວິດ ແລະ ເຮັດວຽກຢູ່ຜືນແຜ່ນດິນຫວຽດນາມອັນງົດງາມ.
ທ່ານເອກອັກຄະລັດຖະທູດຢືນຢັນວ່າທ່ານຈະມອບຄວາມຮັກແພງທີ່ດີໃຫ້ແກ່ຫວຽດນາມ, ເພີ່ມພູນມິດຕະພາບລະຫວ່າງສອງຊົນຊາດການາດາ-ຫວຽດນາມ ນັບມື້ນັບຂະຫຍາຍຕົວ.
ວິລະຊົນ