ການຄ້າ ຫວຽດນາມ - ອິນເດຍ ອາດຈະບັນລຸເປົ້າໝາຍ 15 ຕື້ USD ໃນປີ 2022

	ຍີ່ປຸ່ນ ໜູນຊ່ວຍ ຫວຽດນາມ 5,7 ລ້ານ USD ເພື່ອປົກປ້ອງເດັກນ້ອຍ ຕໍ່ການປ່ຽນແປງຂອງດິນຟ້າອາກາດ
	ທິມບານເຕະແຫ່ງຊາດ U23 ຫວຽດນາມ ສາມາດເຂົ້າແຂ່ງຂັນຮອບຊີງຊະນະເລີດກິລາບານເຕະອາຊີ 2022

ທ່ານຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ຫວຽດນາມ ໂດທັງຫາຍ. ພາບ: doanhnghiepvn.vn

ເຫດການນີ້ໄດ້ດຳເນີນກົງກັບຈຸດເວລາທີ່ ທ່ານປະທານສະພາແຫ່ງຊາດ ຫວຽດນາມ ເວືອງດິງເຫ້ວ ກຳລັງຈະມີການຢ້ຽມຢາມ ອິນເດຍ ຢ່າງເປັນທາງການ.

ກ່າວຄຳເຫັນນະທີ່ນີ້, ທ່ານຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ຫວຽດນາມ ໂດທັງຫາຍ ໃຫ້ຮູ້ວ່າ ອິນເດຍ ແມ່ນ 1 ໃນ 10 ຄູ່ຮ່ວມມືການຄ້າແຖວໜ້າຂອງ ຫວຽດນາມ, ໃນຂະນະທີ່ ຫວຽດນາມ ແມ່ນຄູ່ຮ່ວມມືການຄ້າໃຫຍ່ທີ 17 ຂອງ ອິນເດຍ ໃນໂລກ.

ມູນຄ່າການຄ້າ 2 ຝ່າຍລະຫວ່າງ 2 ປະເທດເພີ່ມຂື້ນເກືອບ 3 ເທົ່າໃນ 10 ປີຜ່ານມາ, ຈາກລະດັບ 2,7 ຕື້ USD ປີ 2010 ຂື້ນຮອດລະດັບ 10 ຕື້ USD ໃນປີ 2020. ທ່ານຮອງລັດຖະມົນຕີ ກໍ່ຫວັງວ່າການຄ້າ 2 ຝ່າຍຈະບັນລຸເປົ້າໝາຍ 15 ຕື້ USD ໃນປີ 2022 ເມື່ອ 2 ປະເທດສະເຫຼີມສະຫຼອງວັນສ້າງຕັ້ງການພົວພັນການທູດຄົບຮອບ 50 ປີ.