ຮ່າ​ໂນ້ຍ ​ ​ສັກ​ວັກ​ຊີນ​ຕ້ານ​ໂຄ​ວິດ-19 ໃຫ້​ນັກ​ຮຽນ​ຊັ້ນ​ ມ 4 ນັບແຕ່​ວັນ​ທີ 27/11

	ຕຳຫຼວດ​ທະ​ເລ​ໂຄ​ສະ​ນາ​ຕ້ານ​ການ​ຂຸດ​ຄົ້ນ​ສິນ​ທະເລ​ແບບ​ຜິດ​ກົດ​ໝາຍ ໃຫ້​ແກ່​ຊາວ​ປະ​ມົງ ເກາະ​ແບກ​ລອງວີ
	ຈົດ​ຊື່​ 90 ຄົນທີ່​ເສັງ​ໄດ້​ອັນ​ດັບ​ທີ 1 ຢູ່ ວັນ​ມຽ​ວ - ກວັກ​ຕື​ຢາມ ເຂົ້າ​ໃນ​ປຶ້ມ​ຄຳ

ພາບປະກອບ: baotintuc.v

ອີງຕາມຂໍ້ມູນຈາກພະແນກສາທາລະນະສຸກ ແລ້ວ, ໜ່ວຍງານຫາກໍ່ມີການຕົກລົງຈັດສັນວັກຊີນ Pfizer ຈໍານວນ 137.724 ໂດສ ໃຫ້ແກ່ 30 ເມືອງ, ເທດສະບານເມືອງ ເພື່ອສັກເຂັມທີ 1 ໃຫ້ແກ່ເດັກນ້ອຍທີ່ມີອາຍຸ 14 ປີ (ຮຽນ ມ 4) ທີ່ພວມສຶກສາຮໍ່າຮຽນ, ດໍາລົງຊີວິດ ຢູ່ໃນບໍລິເວນ.

ວັກຊີນເຫຼົ່ານີ້ສາມາດນໍາໃຊ້ເພື່ອສັກເຂັມທີ 1 ໃຫ້ແກ່ເດັກອາຍຸລະຫວ່າງ 12-17 ປີ ທີ່ຍັງບໍ່ທັນໄດ້ສັກວັກຊີນຕ້ານພະຍາດໂຄວິດ-19 ຫຼື ເຂັມທີ 2 ໃຫ້ເດັກອາຍຸ 15-17 ປີ ພາຍຫຼັງທີ່ໄດ້ສັກເຂັມທີ 1 ແລ້ວ, ຮັບປະກັນໄລຍະຫ່າງລະຫວ່າງ 2 ເຂັມ ຢ່າງຫນ້ອຍ 3 ອາທິດ.

ປະຈຸບັນຕາມການສະຖິຕິ​ສະ​ແດງ​ໃຫ້​ເຫັນ​ວ່າ ​ແຕ່​ວັນ​ທີ 23 ພະຈິກ​ ຮອດ​ເວລາ 17:30 ​ໂມງ​ຂອງ​ວັນ​ທີ 25 ພະຈິກ​, ຢູ່​ຮ່າ​ໂນ້ຍ​ໄດ້​ປະຕິບັດການ​ສັກວັກ​ຊີນ​ຕ້ານ​ພະຍາດ​ໂຄ​ວິດ-19 ແມ່ນ 235.199 ​ເຂັມ​ໃຫ້​ນັກຮຽນ​ຊັ້ນ​ຮຽນ​ ມ 5, 6 ​ແລະ 7.

ຕາມ​ແຜນການ​ແລ້ວ, ​ໃນ​ໄຕ​ມາດ​ທີ 4 ປີ 2021 ​ແລະ ​ໄຕ​ມາດ​ທີ 1 ປີ 2022, ຮ່າ​ໂນ້ຍ ຈະ​ສັກ​ວັກ​ຊີນ​ໃຫ້​ເດັກ​ອາຍຸ 12-17 ປີ​ໝົດທຸກ​ຄົນ (ລວມທັງ​ເດັກ​ທີ່​ເຂົ້າ​ໂຮງຮຽນ​ຢູ່​ໃນ​ບໍລິເວນນະຄອນ ​ແລະ ເດັກ​ທີ່​ບໍ່​ໄດ້​ໄປ​ໂຮງຮຽນ ຢູ່​ຮ່າ​ໂນ້ຍ) ​ແລະ ສູ້​ຊົນ​ສັກ​ວັກຊີນໃຫ້ 95% ຂອງ​ຈໍານວນເດັກ​ອາຍຸ 12-17 ປີ.