ການນຳພັກ, ລັດຫວຽດນາມສົ່ງສານອວຍພອນເນື່ອງໃນໂອກາດວັນຊາດຈີນ

	ການນຳພັກ, ລັດ ວາງພວງມະລາ ເນື່ອງໃນໂອກາດ ສະຫລອງວັນສ້າງຕັ້ງພັກ ຄົບຮອບ 66 ປີ
	ການນຳພັກ, ລັດ ຫວຽດນາມ ອວຍພອນການນຳພັກ, ລັດລາວ ເນື່ອງໃນໂອກາດບຸນປີໃໝ່ລາວ

ການນຳພັກ, ລັດຫວຽດນາມສົ່ງສານອວຍພອນເນື່ອງໃນໂອກາດວັນຊາດຈີນ. (ພາບ: TTXVN)

ໃນສານອວຍພອນ, ບັນດາການນຳພັກ, ລັດ ຫວຽດນາມ ໄດ້ສະແດງຄວາມປິຕິຊົມຊື່ນຕໍ່ບັນດາຜົນງານທີ່ປະເທດ ຈີນ ບັນລຸໄດ້ໃນໄລຍະ 72 ປີຜ່ານມາ; ພ້ອມທັງເຊື່ອໝັ້ນວ່າ ພາຍໃຕ້ການນຳພາຂອງພັກກອມມູນິດ ຈີນ, ປະຊາຊົນ ຈີນ ຈະປະຕິບັດບັນດາເປົ້າໝາຍ, ໜ້າທີ່ຍຸດທະສາດໂດຍກອງປະຊຸມໃຫຍ່ຊຸດທີ XIX ຂອງ ພັກກອມມູນິດ ຈີນ ວາງອອກຢ່າງມີໄຊ, ກ້າວໄປສູ່ເສັ້ນທາງອັນໜັກແໜ້ນ ເພື່ອບັນລຸເປົ້າໝາຍ 100 ປີ ເທື່ອທີສອງ - ສ້າງສາປະເທດຈີນໃຫ້ເປັນປະເທດສັງຄົມນິຍົມທີ່ທັນສະໄໝ, ຈະເລີນຮຸ່ງເຮືອງ, ປະຊາທິປະໄຕ, ສີວິໄລ, ກົມກຽວ ແລະ ສວຍງາມ.

ບັນດາການນຳພັກ, ລັດ ຫວຽດນາມ ກໍຢັ້ງຢືນວ່າ ພັກ, ລັດ ແລະ ປະຊາຊົນ ຫວຽດນາມ ຍາມໃດກໍຖືເປັນສຳຄັນການນຳສາຍພົວພັນລະຫວ່າງ ຫວຽດນາມ - ຈີນ ພັດທະນາຢ່າງປອດໃສ, ມີສະຖຽນລະພາບ; ພ້ອມແລ້ວທີ່ຈະພ້ອມກັບ ຈີນ ເພີ່ມທະວີການຮ່ວມມືຢ່າງຍຸຕິທຳ, ຕ່າງຝ່າຍຕ່າງມີຜົນປະໂຫຍດ; ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃຫ້ພັດທະນາຢ່າງມີສະຖຽນລະພາບ ແລະ ຍືນຍົງ; ປະກອບສ່ວນເຂົ້າໃນການສ້າງສັນຕິພາບ, ສະຖຽນລະພາບ ແລະ ພັດທະນາຂອງພາກພື້ນ ແລະ ໃນໂລກ.

ເນື່ອງໃນໂອກາດນີ້, ລັດຖະມົນຕີການຕ່າງປະເທດ ຫວຽດນາມ ກໍ່ໄດ້ສົ່ງສານອວຍພອນເຖິງທ່ານລັດຖະມົນຕີການຕ່າງປະເທດຈີນ ຫວາງອີ.