ນະຄອນໂຮ່ຈີມິນ ວິເຄາະກວດຫາເຊື້ອພະຍາດໂດຍບໍ່ເສຍຄ່າ ສຳລັບຜູ້ຂົນສົ່ງທັງໝົດ

	ນະຄອນໂຮ່ຈີມິນ ນຳຢາ Molnupiravir ເພື່ອປິ່ນປົວ F0 ທີ່ມີອາການບໍ່ຮຸນແຮງ
	ນະຄອນໂຮ່ຈີມິນ ເປີດຕົວທີມ shipper ອາສາສະໝັກ

ພະແນກອຸດສາຫະກຳ ແລະ ການຄ້າຂອງນະຄອນໂຮ່ຈີມິນ ໄດ້ເປີດເຜີຍລາຍຊື່ສຸກສາລາເຄື່ອນທີ່ ຈຳນວນ 400 ແຫ່ງໃນ 312 ຕາແສງ ແລະ ເທດສະບານເມືອງເພື່ອໃຫ້ຜູ້ຂົນສົ່ງ ໄດ້ຮັບການກວດວິເຄາະຢ່າງສະດວກທີ່ສຸດ. ໃນເວລາດຽວກັນ, ກໍ່ສະໜອງເສັ້ນທາງການເຊື່ອມຕໍ່ (link) ໃນຖານຂໍ້ມູນຂອງພະແນກ: http://congthuong.hochiminhcity.gov.vn/tra-cuu-shipper ເພື່ອໃຫ້ຜູ້ຂົນສົ່ງສາມາດກວດສອບໄດ້ວ່າ ພວກເຂົາສາມາດເຄື່ອນໄຫວຂົນສົ່ງໄດ້ຫຼືບໍ່.

ນະຄອນໂຮ່ຈີມິນ ວິເຄາະກວດຫາເຊື້ອພະຍາດໂດຍບໍ່ເສຍຄ່າ ສຳລັບຜູ້ຂົນສົ່ງທັງໝົດ. ພາບປະກອບ

ກໍ່ໃນມື້ດຽວກັນ, ລະບົບຂາຍຍ່ອຍຈຳນວນໜຶ່ງ ຢູ່ນະຄອນໂຮ່ຈີມິນ ໃຫ້ຮູ້ວ່າ ໄດ້ມີແຜນການທີ່ຈະເຮັດວຽກຮ່ວມກັບບໍລິສັດຂົນສົ່ງເຕັກໂນໂລຢີ ເພື່ອຊຸກຍູ້ລະດັບຄວາມຄືບໜ້າການຈັດສົ່ງສິນຄ້າ ໃຫ້ແກ່ປະຊາຊົນ, ແກ້ໄຂການສົ່ງອອກສິນຄ້າຄົງຄ້າງໃນສາງ. ພິຈາລະນາເປີດຊ່ອງທາງການຂາຍອອນໄລຄືນໃໝ່.

ອີງຕາມພະແນກອຸດສາຫະກຳ ແລະ ການຄ້ານະຄອນໂຮ່ຈີມິນ ແລ້ວ, ຜູ້ຂົນສົ່ງປະມານ 17,449 ຄົນ ໄດ້ຮັບການສັກຢາເຂັມທຳອິດຢູ່ໃນ 22 ຕາແສງ ແລະ ເມືອງ Thu Duc ນັບແຕ່ເວລາ 0:00 ໂມງຂອງວັນທີ 28 ສິງຫາ. ຄາດວ່າເມືອງ Thu Duc ຈະສາມາດລະດົມຜູ້ຂົນສົ່ງ 25,000 ຄົນ ເຂົ້າຮ່ວມການຂົນສົ່ງໃນຊ່ວງເວລາແຍກຫ່າງສັງຄົມນີ້.