 |
| ທ່ານນາງໂຄສົກກະຊວງການຕ່າງປະເທດ ຫວຽດນາມ ເລທິທູຮັ່ງ.(ພາບ: bng) |
ໂດຍກ່ຽວຂ້ອງເຖິງຄໍາຖະແຫຼງຂອງທ່ານລັດຖະມົນຕີການຕ່າງປະເທດ ອາເມລິກາ Mike Pompeo ກ່ຽວກັບຫຼັກໝັ້ນຂອງ ອາເມລິກາ ສໍາລັບບັນດາຄໍາຮຽກທວງສິດຢູ່ທະເລຕາເວັນອອກ, ໃນວັນທີ 15 ກໍລະກົດ, ທ່ານນາງໂຄສົກກະຊວງການຕ່າງປະເທດ ຫວຽດນາມ ເລທິທູຮັ່ງ ຊີ້ແຈ້ງວ່າ: ຫວຽດນາມ ຊົມເຊີຍຫຼັກໝັ້ນຂອງບັນດາປະເທດກ່ຽວກັບບັນຫາທະເລຕາເວັນອອກ ແມ່ນສອດຄ່ອງກັບກົດໝາຍສາກົນ ແລະ ແບ່ງປັນທັດສະນະ, ຄືໄດ້ຍົກອອກໃນຖະແຫຼງການໃນກອງປະຊຸມສຸດຍອດ ອາຊຽນ 36 ວ່າ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 ແມ່ນຂອບເຂດນິຕິກໍາດັດປັບການເຄື່ອນໄຫວທຸກຢ່າງຢູ່ທະເລ ແລະ ມະຫາສະໝຸດ.
ຫວຽດນາມ ປາດຖະໜາວ່າ ບັນດາປະເທດ ຈະມານະພະຍາຍາມປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ, ການຮ່ວມມື ຢູ່ທະເລຕາເວັນອອກ ແລະ ແກ້ໄຂບັນດາການຂັດແຍ້ງກັນ ຜ່ານການເຈລະຈາ ພ້ອມກັບບັນດາມາດຕະການອື່ນໂດຍສັນຕິວິທີ ຕາມກົດໝາຍສາກົນ ເພື່ອຜົນປະໂຫຍດລວມ, ເໝາະສົມກັບຄວາມໄຝ່ຝັນຂອງບັນດາປະເທດໃນພາກພື້ນ ແລະ ປະຊາຄົມສາກົນ.
ໃນວັນທີ 13 ກໍລະກົດ, ກະຊວງການຕ່າງປະເທດອາເມລິກາ ໄດ້ອອກຖະແຫຼງການປະຕິເສດບັນດາຄຳຮຽກສິດອະທິປະໄຕທີ່ຜິດກົດໝາຍຂອງຈີນຢູ່ທະເລຕາເວັນອອກ. ທີ່ພາກພື້ນທະເລຕາເວັນອອກ, ອາເມລິກາຢາກຮັກສາສັນຕິພາບ ແລະ ສະຖຽນລະພາບກໍ່ຄືຄວາມເສລີໃນການເດີນເຮືອໂດຍອີງຕາມກົດໝາຍສາກົນ, ຮັກສາກະແສການຄ້າ ແລະ ຄັດຄ້ານທຸກໆຄວາມມານະພະຍາຍາມໃນການນຳໃຊ້ຄວາມຮຸນແຮງເພື່ອແນໃສ່ແກ້ໄຂຄວາມຂັດແຍ້ງກັນ. ອາເມລິກາຢັ້ງຢືນວ່າຈະພ້ອມກັນແບ່ງປັນບັນດາຄວາມສົນໃຈນີ້ກັບບັນດາສຳພັນທະມິດ ແລະ ບັນດາຄູ່ຮ່ວມມື, ບັນດາປະເທດທີ່ເຄີຍສະໜັບສະໜູນຄວາມເປັນລະບຽບຮຽບຮ້ອຍສາກົນໂດຍອີງໃສ່ກົດໝາຍ.
ກະຊວງການຕ່າງປະເທດອາເມລິກາປະຕິເສດທຸກໆຄຳຮຽກສິດອະທິປະໄຕຂອງ ຈີນຕໍ່ບັນດາເຂດນ່ານນ້ຳທີ່ຢູ່ອ້ອມຂ້າງເຂດທະເລ ບາຍຕືຈິ່ງ ກໍ່ຄືທຸກໆການຮຽກສິດຂອງຈີນຕໍ່ເຂດນ່ານນ້ຳທີ່ຢູ່ນອກ 12 ໄມທະເລ ນັບແຕ່ບັນດາເກາະເຊິ່ງປັກກິ່ງປະກາດອະຕິປະໄຕຢູ່ໝູເກາະ ເຈື່ອງຊາ. ອາເມລິກາປະກາດຢ່າງຈະແຈ້ງວ່າ ທຸກໆການກະທຳຂອງຈີນເພື່ອແນໃສ່ກໍ່ຄວາມວຸ່ນວາຍຕໍ່ການກະທຳຫາປາ ຫຼື ຂຸດຄົ້ນນ້ຳມັນ ອາຍແກັດ ຂອງບັນດາປະເທດຢູ່ເຂດທະເລນີ້, ຫຼືດຳເນີນບັນດາການກະທຳຄືດັ່ງກ່າວແບບພຽງລຳພັງຝ່າຍດຽວ, ລ້ວນແຕ່ແມ່ນຜິດກົດໝາຍ, ໂລກຈະບໍ່ອະນຸດຍາດໃຫ້ ຈີນ ຖືທະເລຕາເວັນອອກແມ່ນເຂດນ່ານທະເລຂອງຕົນ.
 | ອາຊຽນຕັດສິນໃຈສ້າງທະເລຕາເວັນອອກທີ່ມີການຮ່ວມມື ແລະ ຄວາມປອດໄພ ຍສໝ - ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ ບັນດາປະເທດອາຊຽນ ໄດ້ຕັດສິນໃຈຮັກສາ ການໂອ້ລົມສົນທະນາ, ຊຸກຍູ້ການຮ່ວມມືກໍ່ຄືສ້າງກົດລະບຽບ, ຂໍ້ກຳນົດໃນການປະພຶດຢູ່ທະເລຕາເວັນອອກ, ມຸ່ງໄປສູ່ການສ້າງທະເລຕາເວັນອອກກາຍເປັນເຂດທະເລທີ່ມີການຮ່ວມມື, ພັດທະນາ, ມີຄວາມໝັ້ນຄົງ ແລະ ປອດໄພ. |
 | ຫວຽດນາມເປັນປະທານກອງປະຊຸມເຈົ້າໜ້າທີ່ອາວຸໂສກ່ຽວກັບປະຊາຄົມວັດທະນະທຳ - ສັງຄົມ ອາຊຽນຄັ້ງທີ 28 ຍສໝ - ທ່ານ ຫງວຽນແມັ້ງເກືອງ, ຫົວໜ້າກົມຮ່ວມມືສາກົນ, ກະຊວງແຮງງານ - ທະຫານເສຍອົງຄະ ແລະ ສັງຄົມ, ຫົວໜ້າຄະນະເຈົ້າໜ້າທີ່ອາວຸໂສຮັບຜິດຊອບດ້ານວັດທະນະທຳ - ສັງຄົມ ອາຊຽນ (SOCA) ຂອງຫວຽດນາມ, ໃຫ້ຮູ້ວ່າ ປີ ປະທານອາຊຽນ 2020 ຂອງຫວຽດນາມ, ກະຊວງແຮງງານ, ທະຫານເສຍອົງຄະ ແລະ ສັງຄົມ ... |
 | ຫວຽດນາມ ແລະ ສະວິດ: ການໂອ້ລົມສົນທະນາດ້ານວິທະຍາສາດການຫັນເປັນດີຈີຕອນ ແລະ ປ່ຽນແປງໃໝ່ປະດິດຄິດສ້າງໄລຍະຫຼັງ Covid – 19 ຍສໝ - ບັນດານັກຊ່ຽວຊານຂອງ AVIES ຖືວ່າ ໃນຂົງເຂດຫັນເປັນດີຈີຕອນ ແລະ ປ່ຽນແປງໃໝ່ປະດິດຄິດສ້າງ, ຫວຽດນາມ ແລະ ສະວິດມີຄວາມສາມາດບົ່ມຊ້ອນຢ່າງຫຼາງຫຼາຍເພື່ອຊຸກຍູ້ການຮ່ວມມືໃນໄລຍະຈະມາເຖິງ. |
ໄຊພອນ
