ຍສໝ - ຕອບສະໜອງຕາມຄຳເຊື້ອເຊີນຂອງ ທ່ານເລມິງຮຶງ, ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ທ່ານRobert Fico, ນາຍົກລັດຖະມົນຕີ ແຫ່ງ ສາທາລະນະລັດ ສະໂລວາກີ ໄດ້ເດີນທາງມາຢ້ຽມຢາມ ສາທາລະນະລັດ ສັງຄົມນິຍົມ ຫວຽດນາມ ຢ່າງເປັນທາງການ ໃນລະຫວ່າງວັນທີ 12 ຫາວັນທີ 14 ເມສາ 2026.
ຍສໝ - ກະຊວງອຸດສາຫະກຳ ແລະ ການຄ້າ ຫວຽດນາມ ແລະ ກະຊວງອຸດສາຫະກຳ ແລະ ການຄ້າ ລາວ ໄດ້ເຫັນດີເປັນເອກະພາບຕໍ່ແຜນການຮ່ວມມືລະອຽດ ໃນບັນດາຂົງເຂດຈຸດສຸມ ເພື່ອແນໃສ່ແກ້ໄຂຄວາມຫຍຸ້ງຍາກ, ຊຸກຍູ້ການເຊື່ອມຕໍ່ພື້ນຖານໂຄງລ່າງ ແລະ ຕັດສິນໃຈເຮັດໃຫ້ມູນຄ່າການຄ້າສອງຝ່າຍບັນລຸໄດ້ບັນດາຕົວເລກສະຖິຕິໃໝ່.
ຍສໝ - ຊຸມຊົນຊາວຫວຽດນາມອາໄສຢູ່ຕ່າງປະເທດ ທີ່ກຳລັງຮຽນ ແລະ ດຳລົງຊີວິດຢູ່ເມືອງ ເມວເບີນ ປະເທດອົດສະຕາລີ ໄດ້ລະດົມແຫຼ່ງທຶນເພື່ອກໍ່ສ້າງໂຮງຮຽນ ຫ້ວຍເມົາ ໃນຕາແສງຈຽງຊິງ ແຂວງດ້ຽນບຽນ ດ້ວຍມູນຄ່າທັງໝົດປະມານ 1 ຕື້ດົ່ງ. ໂຄງການນີ້ປະກອບສ່ວນເຂົ້າໃນການປັບປຸງເງື່ອນໄຂການຮຽນຮູ້ໃຫ້ແກ່ເດັກນ້ອຍໃນເຂດທີ່ມີຄວາມຫຍຸ້ງຍາກ ແລະ ຊຸກຍູ້ການພົວພັນທາງການທູດລະຫວ່າງປະຊາຊົນຫວຽດນາມ ແລະ ອົດສະຕາລີ.
ຍສໝ - ບຸນປີໃໝ່ປະເພນີ ກຳປູເຈຍ - ລາວ - ໄທ ຢູ່ນະຄອນ ໂຮ່ຈີມິນ ບໍ່ພຽງແຕ່ໄດ້ຈຳລອງບັນດາຈຸດພິເສດທາງດ້ານວັດທະນະທຳຂອງພາກພື້ນເທົ່ານັ້ນ, ແຕ່ຍັງກາຍເປັນຂົວຕໍ່ແຫ່ງຄວາມສາມັກຄີຂອງຊຸມຊົນ, ປະກອບສ່ວນຮັດແໜ້ນສາຍພົວພັນມິດຕະພາບ, ເພີ່ມທະວີຄວາມເຂົ້າອົກເຂົ້າໃຈ ແລະ ການຮ່ວມມືລະຫວ່າງ ຫວຽດນາມ ກັບບັນດາປະເທດໃກ້ຄຽງ.
ຍສໝ - ໃນສານອວຍພອນບຸນປີໃໝ່ລາວ ພສ 2569, ທ່ານ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ ທອງລຸນ ສີສຸລິດ ໄດ້ຮຽກຮ້ອງໃຫ້ເພີ່ມທະວີຄວາມສາມັກຄີປວງຊົນທັງຊາດ, ຮ່ວມແຮງຮ່ວມໃຈກັນຊຸກຍູ້ການພັດທະນາແບບຍືນຍົງ.
ທ່ານເລຂາທິການໃຫຍ່, ປະທານປະເທດ ໂຕເລິມ ສະເໜີໃຫ້ທະຫານເຂດ 1 ສືບຕໍ່ຊາບຊຶມແນວທາງ, ທັດສະນະຂອງພັກກ່ຽວກັບການທະຫານ, ການປ້ອງກັນຊາດ, ປົກປັກຮັກສາປະເທດຊາດໃນສະພາບການໃໝ່
ຍສໝ - ວັນທີ 11 ເມສາ, ທີ່ນະຄອນ ໂຮ່ຈິມິນ, ສະຫະພັນບັນດາອົງການຈັດຕັ້ງມິດຕະພາບນະຄອນ ໂຮ່ຈິມິນ ໄດ້ປະສານງານຈັດງານບຸນປີໃໝ່ປະຈຳຊາດ ກຳປູເຈຍ, ລາວ, ແລະ ໄທ, ເຊິ່ງໄດ້ສະທ້ອນໃຫ້ເຫັນເຖິງບັນດາພິທີກຳພື້ນເມືອງຢ່າງມີຊີວິດຊີວາ, ປະກອບສ່ວນເຂົ້າໃນການເພີ່ມທະວີການແລກປ່ຽນວັດທະນະທຳ ແລະ ຮັດແໜ້ນສາຍພົວພັນມິດຕະພາບລະຫວ່າງປະຊາຊົນບັນດາປະເທດໃນພາກພື້ນ.
ຍສໝ - ໃນຕອນເຊົ້າວັນທີ 12 ເມສາ, ທ່ານຫງວຽນມິງເຕິມ, ເອກອັກຄະລັດຖະທູດ ຫວຽດນາມ ປະຈຳລາວ ພ້ອມດ້ວຍຄະນະປະຕິບັດງານ, ຊາວຫວຽດນາມ ອາໄສຢູ່ລາວ ພ້ອມກັບຄະນະຜູ້ແທນສະຖານກົງສູນໃຫຍ່ ຫວຽດນາມ ປະຈຳ ຫຼວງພະບາງ ແລະ ຜູ້ນຳແຂວງ ຊຽງຂວາງ ໄດ້ເຂົ້າວາງພວງມາລາ ແລະ ໄປຖະຫວາຍທູບທຽນ ເພື່ອອາໄລຫາບັນດາວິລະຊົນນັກຮົບເສຍສະຫຼະຊີວິດເພື່ອຊາດ ຫວຽດນາມ ແລະ ລາວ ຢູ່ອະນຸສາວະລີພັນທະພາບສູ້ຮົບຮ່ວມສຳພັນ ລາວ - ຫວຽດນາມ.
ຍສໝ - ໃນລະຫວ່າງວັນທີ 10-11 ເມສາ ຢູ່ ນະຄອນ ໂຮ່ຈີມິນ, ຄະນະປະຕິບັດງານຂອງກະຊວງການຕ່າງປະເທດ ໂດຍແມ່ນທ່ານນາງ ເລທິທູຮັ່ງ, ຮອງລັດຖະມົນຕີ ເປັນຫົວໜ້ານຳພາ ໄດ້ເຮັດວຽກຮ່ວມກັບຜູ້ນຳນະຄອນ ເພື່ອຊຸກຍູ້ວຽກງານຮອບດ້ານຕໍ່ກັບຊາວ ຫວຽດນາມ ຢູ່ຕ່າງປະເທດ, ຜ່ານນັ້ນກໍ່ເພື່ອເສີມຂະຫຍາຍແຫຼ່ງພະລັງຂອງພໍ່ແມ່ພີ່ນ້ອງຊາວ ຫວຽດນາມ ຢູ່ຕ່າງປະເທດ ເຂົ້າໃນການຮັບໃຊ້ການພັດທະນາປະເທດຊາດ.
ຍສໝ - ຕາມນັກຂ່າວສຳນັກຂ່າວສານ ຫວຽດນາມ (TTXVN) ປະຈຳລາວໃຫ້ຮູ້ວ່າ: ໃນຄ່ຳຄືນວັນທີ 11 ເມສາ, ຢູ່ເຂດຫໍບູຊາວິລະຊົນນັກຮົບເສຍສະຫຼະຊີວິດເພື່ອຊາດ ລາວ - ຫວຽດນາມ ທີ່ທົ່ງໄຫຫີນ, ແຂວງ ຊຽງຂວາງ, ພາກເໜືອຂອງລາວ, ໄດ້ຈັດພິທີບຸນມະຫາສາມັກຄີຮູ້ບຸນຄຸນ ແລະ ອາໄລຫາບັນດາວິລະຊົນນັກຮົບເສຍສະຫຼະຊີວິດເພື່ອຊາດ ລາວ - ຫວຽດນາມ.
ຍສໝ - ເນື່ອງໃນໂອກາດບຸນປີໃໝ່ລາວ ພ.ສ 2569 (ບຸນປີໃໝ່ ປະເທດລາວ ປີ 2026), ໃນຕອນບ່າຍວັນທີ 12 ເມສາ, ຄະນະຊາວໜຸ່ມແຂວງ ຊອນລາ ສົມທົບກັບ ມະຫາວິທະຍາໄລ ໄຕບັກ ຈັດຕັ້ງແຜນງານພົບປະສ້າງສັນ “ນ້ຳໃຈມິດຕະພາບອັນດູດດື່ມ ແລະ ຄວາມສາມັກຄີພິເສດ ຫວຽດນາມ - ລາວ”.
ຍສໝ - ໃນວັນທີ 12 ເມສາ, ງານຕະຫຼາດນັດການທ່ອງທ່ຽວສາກົນ ຫວຽດນາມ - VITM 2026 ໄດ້ອັດລົງຢ່າງເປັນທາງການ. ພາຍຫຼັງການຈັດຕັ້ງມາເປັນເວລາ 4 ວັນ (9-12/4/2026), ຄາດຄະເນວ່າມີນັກທ່ອງທ່ຽວຫຼາຍກວ່າ 90 ພັນເທື່ອຄົນ ໄດ້ເຂົ້າມາທ່ຽວຊົມ, ທົດລອງປະສົບການ ແລະ ຊື້ເຄື່ອງຢູ່ພາຍໃນງານ. ຕາມການສຳຫຼວດແບບໄວ ຈາກບັນດາຫົວໜ່ວຍທີ່ເຂົ້າຮ່ວມງານຕະຫຼາດນັດ, ລາຍຮັບຈາກການຂາຍຜະລິດຕະພັນການທ່ອງທ່ຽວ ບັນລຸໄດ້ຫຼາຍກວ່າ 195 ຕື້ດົ່ງ; 95% ຂອງບັນດາວິສາຫະກິດ ບັນລຸໄດ້ຕາມເປົ້າໝາຍທີ່ວາງໄວ້ໃນການເຂົ້າຮ່ວມງານ, ໃນນັ້ນມີ 8,2% ແມ່ນບັນລຸເກີນຄາດໝາຍ; ແລະ ຫຼາຍກວ່າ 92% ມີຄວາມເພິ່ງພໍໃຈຕໍ່ກັບບັນດາກິດຈະກຳຕ່າງໆພາຍໃນງານຕະຫຼາດນັດຄັ້ງນີ້.
ຍສໝ - ວັນທີ 10 ເມສານີ້, ເນື່ອງໃນໂອກາດບຸນປີໃໝ່ປະຈຳຊາດຕາມພຸດທະສັກກະຫຼາດ “ບຸນປີໃໝ່” ຂອງ ລາວ ແລະ “Chol Chnam Thmey” ຂອງ ກຳປູເຈຍ, ທ່ານເອກອັກຄະລັດຖະທູດ ໂດ໋ຮຸ່ງວຽດ, ຫົວໜ້າຄະນະຜູ້ແທນ ຫວຽດນາມ ປະຈຳສະຫະປະຊາຊາດ (ສປຊ) ໄດ້ນຳໜ້າບັນດາຄະນະຜູ້ແທນຫວຽດນາມ ຢູ່ນິວຢອກ (ອາເມລິກາ) ມາອວຍພອນບັນດາຄະນະຜູ້ແທນຖາວອນຂອງ ລາວ ແລະ ລາຊະອານາ ຈັກກຳປູເຈຍ.
ຍສໝ - ສະຖານທູດ ຫວຽດນາມ ປະຈຳ ປາກິດສະຖານ ຫາກໍ່ເປີດຮ້ານສົ່ງເສີມການຄ້າ ແລະ ການທ່ອງທ່ຽວ ຫວຽດນາມ ໃນຂອບເຂດງານຕະຫຼາດນັດການທ່ອງທ່ຽວສາກົນ ຢູ່ ອີລາມາບາດ, ເພື່ອແນໃສ່ສ້າງກາລະໂອກາດຮ່ວມມືດ້ານເສດຖະກິດ, ຊຸກຍູ້ການພົບປະແລກປ່ຽນວັດທະນະທຳ, ດຶງດູດຄວາມສົນໃຈຂອງເພື່ອນມິດສາກົນ ແລະ ປະຊາຊົນທ້ອງຖິ່ນ.
ຍສໝ - ວັນທີ 10 ເມສາ, ທ່ານເອກອັກຄະລັດຖະທູດ ມາຍຟານຢຸ່ງ, ຫົວໜ້າຄະນະຜູ້ແທນ ຫວຽດນາມ ຢູ່ຂ້າງອົງການການຄ້າໂລກ (WTO) ໄດ້ມີການພົບປະກັບທ່ານນາງ Ngozi Okonjo-Iweala, ຜູ້ອຳນວຍການໃຫຍ່ WTO.
ຍສໝ - ໃນວັນທີ 9 ເມສາ ນີ້, ຢູ່ຮ່າໂນ້ຍ, ສະມາຄົມການທ່ອງທ່ຽວ ຫວຽດນາມ ໄດ້ຈັດພິທີໄຂແຜນງານ ເຊື່ອມຕໍ່ການຄ້າ ລະຫວ່າງ ວິສາຫະກິດທ່ອງທ່ຽວ ຫວຽດນາມ ແລະ ສາກົນ (B2B). ນີ້ແມ່ນເຫດການທີ່ສຳຄັນ ໃນບັນດາກິດຈະກຳຂອງ ງານຕະຫຼາດນັດການທ່ອງທ່ຽວສາກົນ VITM 2026 - ງານຕະຫຼາດນັດການທ່ອງທ່ຽວສາກົນ ຄັ້ງທີ 15 ໂດຍແມ່ນ ສະມາຄົມການທ່ອງທ່ຽວ ຫວຽດນາມ ເປັນຜູ້ຈັດຕັ້ງຂຶ້ນ.
ຍສໝ - ໃນວັນທີ 10 ເມສາ ນີ້, ໃນຂອບເຂດງານຕະຫຼາດນັດການທ່ອງທ່ຽວສາກົນ ຫວຽດນາມ ປີ 2026 (VITM 2026), ສະມາຄົມການທ່ອງທ່ຽວເຂດທົ່ງພຽງແມ່ນ້ຳຂອງ ສົມທົບກັບ ພະແນກວັດທະນະທຳ, ກິລາ ແລະ ທ່ອງທ່ຽວ ແຂວງຫວີງລອງ ຈັດກອງປະຊຸມຊຸກຍູ້ ແລະ ໂຄສະນາການທ່ອງທ່ຽວເຂດທົ່ງພຽງແມ່ນ້ຳຂອງ.
ຍສໝ - ຮຶງອຽນ – ນິງບິ່ງ – ກ່າເມົາ ແມ່ນບັນດາແຂວງທີ່ມີທ່າແຮງ ແລະ ຂໍ້ໄດ້ປຽບທີ່ອຸດົມສົມບູນ ທາງດ້ານຊັບພະຍາກອນການທ່ອງທ່ຽວ ດ້ວຍປູຊະນີຍະສະຖານທາງດ້ານປະຫວັດສາດ – ວັດທະນະທຳ ແລະ ສະຖານທີ່ທ່ອງທ່ຽວທຳມະຊາດທີ່ມີຊື່ສຽງຫຼາຍແຫ່ງ. ສະຖານທີ່ເຫຼົ່ານີ້ ແມ່ນບ່ອນລວມຕົວຂອງຫຼາຍຮູບແບບການທ່ອງທ່ຽວທີ່ດຶງດູດໃຈ ເຊັ່ນ: ການທ່ອງທ່ຽວທາງດ້ານວັດທະນະທຳ – ປະຫວັດສາດ, ການທ່ອງທ່ຽວທາງດ້ານຈິດວິນຍານ, ການທ່ອງທ່ຽວແບບອະນຸລັກທຳມະຊາດ, ການທ່ອງທ່ຽວແບບທົດລອງ ແລະ ຄົ້ນຫາທຳມະຊາດ, ສ້າງເປັນຜະລິດຕະພັນການທ່ອງທ່ຽວທີ່ເປັນເອກະລັກສະເພາະ, ປະກອບສ່ວນເຂົ້າໃນການດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດຢ່າງຫຼວງຫຼາຍ.
ຍສໝ - ໃນວັນທີ 10 ເມສາ ນີ້, ຢູ່ທີ່ນະຄອນຫຼວງວຽງຈັນ, ສປປ ລາວ ໄດ້ຈັດກອງປະຊຸມຮ່ວມມືດ້ານຄວາມໝັ້ນຄົງ ຫວຽດນາມ - ລາວ ຄັ້ງທີ XVI. ໂດຍການເປັນປະທານຮ່ວມຂອງ ສະຫາຍ ພົນໂທ ຟ້າມເຖຕຸ່ງ, ລັດຖະມົນຕີ ກະຊວງປ້ອງກັນຄວາມສະຫງົບ ຫວຽດນາມ ແລະ ສະຫາຍ ພົນຕີ ແອນ ອຸ່ນອະນົງນຸດ, ລັດຖະມົນຕີ ທັງເປັນຫົວໜ້າກົມໃຫຍ່ສັນຕິບານ, ກະຊວງປ້ອງກັນຄວາມສະຫງົບ ລາວ.
ຍສໝ - ຕອນເຊົ້າວັນທີ 9 ເມສາ, ທີ່ສຳນັກງານກອງບັນຊາການກຳລັງປ້ອງກັນຝັ່ງທະເລເຂດ 4, ເຂດພິເສດຟູ໋ກວກ, ແຂວງອານຢາງ, ຄະນະຊີ້ນຳກອງບັນຊາການກຳລັງປ້ອງກັນຝັ່ງທະເລຫວຽດນາມກ່ຽວກັບການຫາປາ IUU ໄດ້ຈັດກອງປະຊຸມເພື່ອທົບທວນບົດຮຽນທີ່ຖອດຖອນໄດ້ຈາກການໂຄສະນາຢ່າງເຂັ້ມງວດເພື່ອຕ້ານ ແລະ ສະກັດກັ້ນການຫາປາທີ່ຜິດກົດໝາຍ, ບໍ່ໄດ້ລາຍງານ ແລະ ບໍ່ໄດ້ຄວບຄຸມ (IUU) ໂດຍເຮືອຫາປາ, ພ້ອມທັງການປະສານງານເພື່ອສະໜັບສະໜູນການຢ້ຽມຢາມຄັ້ງທີ 5 ຂອງຄະນະຜູ້ແທນກວດກາ EC ມາຫວຽດນາມ.