ທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ພ້ອມຄະນະໄດ້ໄປຢ້ຽມຢາມ ແລະ ເຮັດວຽກຢູ່ເມືອງນອງ ແຂວງສະຫວັນນະເຂດ ເມື່ອວັນທີ 17 ມິຖຸນາ 2019 ຜ່ານມາ ໂດຍໃຫ້ກຽດຕ້ອນຮັບຈາກທ່ານ ໂພໄຊ ໄຊຍະສອນ ກໍາມະການສໍາຮອງສູນກາງພັກ ຮອງເລຂາພັກແຂວງ ຮອງເຈົ້າແຂວງໆສະຫວັນນະເຂດ, ມີຄະນະພັກ, ຄະນະນຳຂອງເມືອງ, ບັນດາຫ້ອງການອ້ອມຂ້າງແຂວງ, ພະນັກງານ, ທະຫານ, ຕໍາຫຼວດ ພ້ອມດ້ວຍປະຊາຊົນໃຫ້ການຕ້ອນຮັບ.
ວັນທີ 24 ເມສາ 2019 ນີ້, ທ່ານ ປອ ໄຊສົມພອນ ພົມວິຫານ ກຳມະການກົມການ ເມືອງສູນກາງພັກ ປະທານ ສູນກາງ ແນວລາວສ້າງຊາດ, ພ້ອມດ້ວຍທ່ານ ສັນຕິພາບ ພົມວິຫານ ກຳມະການສູນ ກາງພັກ ເລຂາພັກແຂວງ ເຈົ້າ ແຂວງສະຫວັນນະເຂດ, ມີບັນ ດາທ່ານການນຳຂັ້ນສູນກາງ, ທ່ານປະທານແນວລາວສ້າງ ຊາດແຂວງໄດ້ລົງເຄື່ອນໄຫວ ພົບປະໂອ້ລົມກັບຄະນະພັກອຳ ນາດການປົກຄອງ, ພະນັກ ງານສະມາຊິກພັກ ແລະອົງ ການຈັດຕັ້ງມະຫາຊົນໃນ 2 ເມືອງຄືເມືອງວິລະບູລີ ແລະ ເມືອງນອງ.
ໃນຕອນບ່າຍຂອງວັນທີ 24 ເມສາ 2019 ຢູ່ທີ່ສະໂມສອນຂອງເມືອງໄດ້ຈັດພິທີຕ້ອນຮັບ ທ່ານ ປອ ໄຊສົມພອນ ພົມວິຫານ ກຳມະການກົມການເມືອງ ສູນກາງພັກ ປະທານສູນກາງແນວລາວສ້າງຊາດ ພ້ອມທິມງານ, ທ່ານ ສັນ ຕິພາບ ພົມວິຫານ ກຳມະການສູນກາງພັກ ເຈົ້າແຂວງສະຫວັນນະເຂດ ລົງມາຢ້ຽມຢາມ ປະຊາຊົນ ແລະ ພະນັກງານຫຼັກແຫຼ່ງພາຍໃນເມືອງນອງ ໂດຍໃຫ້ກຽດຕ້ອນຮັບຈາກ ທ່ານ ປອ ສຸພາພອນ ນັນທະນາວອນ ກຳມະການພັກແຂວງ ເລຂາພັກເມືອງ ເຈົ້າເມືອງໆນອງພ້ອມດ້ວຍພໍ່ແມ່ປະຊາຊົນຊາວເມືອງນອງເຂົ້າຮ່ວມດ້ວຍໃບໜ້າຍິ້ມແຍ້ມແຈ່ມໃສ ແລະດີອົກດີໃຈ.
