ຍສໝ - ກ່ອນຈະເຂົ້າຮ່ວມກອງປະຊຸມສຸດຍອດຄັ້ງທີ 2 ລະຫວ່າງ ອາເມລິກາ - ສປປ ເກົາຫລີ, ປະທານາທິບໍດີ Donald Trump ໄດ້ເນັ້ນຫນັກວ່າ, ອາເມລິກາມີຄວາມມຸ່ງຫວັງໃຫ້ຝ່າຍ ສປປ ເກົາຫລີ ຈະຢຸດການທົດສອບອາວຸດນິວເຫຼຍ ແລະ ລູກສອນໄຟ.
ຍສໝ-ນັບຕັ້ງແຕ່ຫຼັງຈາກກອງປະຊຸມສຸດຍອດສະຫະລັດອາເມລິກາ - ສປປ ເກົາຫລີຄັ້ງທໍາອິດ ລະຫວ່າງ ທ່ານ Donald Trump ປະທານາທິບໍດີສະຫະລັດອາເມລິກາ ແລະ ປະທານ ສປປ ເກົາຫຼີ Kim Jong-un ທີ່ໄດ້ໄຂຂຶ້ນໃນເດືອນມິຖຸນາ 2018 ຢູ່ສິງກະໂປ, ສອງປະເທດໄດ້ສັນຍາສ້າງສາຍພົວພັນເພື່ອສັນຕິພາບ, ຄວາມຈະເລີນຮຸ່ງເຮືອງ ດ້ວຍຄວາມພະຍາຍາມທີ່ຈະສ້າງຄວາມສັນຕິພາບ ແລະ ສະຖຽນລະພາບຢູ່ແຫຼມເກົາຫຼີ.