ກະຊວງກະສິກຳ ແລະ ປ່າໄມ້ແຈ້ງໃຫ້ບັນດາແຂວງພາກເໜືອເຝົ້າລະວັງການລະບາດຂອງພະຍາດຫູກ່ຳໝູ

ກະຊວງກະສິກຳ ແລະ ປ່າໄມ້ໄດ້ອອກແຈ້ງການກ່ຽວກັບມາດຕະການກັນ ແລະ ສະກັດກັ້ນພະຍາດຫູກຳ່ໝູ ເລກທີ 0324/ກປລ, ລົງວັນທີ 08 ກຸມພາ 2019 ເພື່ອບໍ່ໃຫ້ພະຍາດດັ່ງກ່າວ ແຜ່ລະບາດອອກເປັນວົງກ້ວາງໄປສູ່ເຂດ ຫຼື ແຂວງອື່ນ ຈຶ່ງມີຄວາມຈຳເປັນຕ້ອງມີມາດຕະການກັນ, ຄວບຄຸມ ແລະ ກຳຈັດພະຍາດໂດຍໄວ ແລະ ເຂັ້ມງວດ. ພະຍາດນີ້ໄດ້ເກີດລະບາດຂຶ້ນຢູ່ນະຄອນຫຼວງວຽງຈັນເປັນຄັ້ງທຳອິດໃນເດືອນ ມິຸຖນາ 2010, ເຮັດໃຫ້ໝູເຈັບ ແລະ ຕາຍຫຼາຍພັນໂຕ ໄດ້ສ້າງຜົນກະທົບທາງລົບຕໍ່ການລ້ຽງໝູຂອງປະຊາຊົນຢ່າງຮ້າຍແຮງ.