ທ່ານພົນເອກ ຫວໍງວຽນຢາບ: ທ່ານພົນເອກໃນດວງໃຈຂອງປະຊາຊົນສອງປະເທດ
ຍສໝ-ຢູ່ໃນຫ້ອງການຂອງຂ້າພະເຈົ້າທີ່ນະຄອນຫຼວງວຽງຈັນ (ລາວ) ໄດ້ຫ້ອຍຮູບຖ່າຍໜຶ່ງທີ່ສະຫງ່າຜ່າເຜີຍເຊິ່ງເປັນຮູບຖ່າຍຂ້າພະເຈົ້າກັບທ່ານພົນເອກ ຫວໍງວຽນຢາບ. ຮູບຖ່າຍອັນລ້ຳຄ່ານີ້ມີຂະໜາດ 25x30 ຊັງຕີແມັດ, ຖືກຕົກສີໜ້ອຍໜຶ່ງ ແລະ ມີອາຍຸ 14 ປີແລ້ວ, ແຕ່ລະມື້ທີ່ເຮັດວຽກ ຂ້າພະເຈົ້າຍັງຫຼຽວເບິ່ງ ແລະ ຮູ້ສຶກເອກອ້າງທະນົງໃຈຫຼາຍ. ວັນທີ່ໄດ້ກັບເມືອບ້ານເກີດ, ວັນເສຍຊີວິດ ແລະ ວັນຄ້າຍວັນເກີດຂອງທ່ານພົນເອກ ຫວໍງວຽນຢາບ, ເບິ່ງຮູບຖ່າຍນີ້ແລ້ວ, ຂ້າພະເຈົ້າພັດຮູ້ສຶກສະເທືອນໃຈ ແລະ ຕື້ນຕັນໃຈຫຼາຍ.
