ຄາດຄະເນເລີ່ມລົງມືກໍ່ສ້າງທາງລົດໄຟລາວ - ຫວຽດນາມເຊື່ອມຕໍ່ ທ່າກຳປັ່ນ ຫວຸງອ໋າງ
ຍສໝ - ລັດຖະບານຂອງສອງປະເທດ ໄດ້ກຳນົດເສັ້ນທາງລົດໄຟ ວຽງຈັນ - ຫວຸງອ໋າງ ແລະ ທາງດ່ວນເຊື່ອມຕໍ່ນະຄອນຫຼວງຮ່າໂນ້ຍ ແລະ ນະຄອນຫຼວງວຽງຈັນ ແມ່ນສອງໂຄງການເຊື່ອມຕໍ່ຍຸດທະສາດ ທີ່ຕ້ອງໄດ້ລົງທຶນ ແລະ ກໍ່ສ້າງໃນອະນາຄົດອັນໃກ້ນີ້ ເພື່ອຊ່ວຍຕອບສະໜອງ ຄວາມຮຽກຮ້ອງຕ້ອງການໃນການເພີ່ມທະວີການຄ້າສອງຝ່າຍ ແລະ ສ້າງສະຖານທີ່ຢ່າງປະຖົມປັດໄຈ ໃຫ້ປະເທດລາວກາຍເປັນສູນກາງໃນການຂົນສົ່ງສິນຄ້າ.