ຍສໝ - ໃນວັນທີ 25 ທັນວານີ້, ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ ໄດ້ໃຫ້ກຽດຕ້ອນຮັບຄະນະຜູ້ແທນທະຫານອາສາສະໝັກ ແລະ ຊ່ຽວຊານ ຫວຽດນາມ ນຳໂດຍ ສະຫາຍນາງ ຫງວຽນເຝືອງງາ ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ເນື່ອງໃນໂອກາດ ເດີນທາງມາຢ້ຽມຢາມ ແລະ ເຂົ້າຮ່ວມງານສະເຫຼີມສະຫຼອງວັນທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອລາວ ຄົບຮອບ 70 ປີ.
ໃນວັນທີ 25 ຕຸລາ ຜ່ານ ມາ ນີ້, ທີ່ກອງບັນຊາການທະຫານ ແຂວງອັດຕະປື ໄດ້ຈັດກອງປະຊຸມຜ່ານແຜນການປະສານສົມທົບຊອກຫາ, ຂຸດຄົ້ນອັດຖິທະ ຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ແຂວງອັດຕະປືປະຈຳສົກປີ 2019-2020.
ຍສໝ - ກ່າວຄຳເຫັນໃນງານສະເຫຼີມສະຫຼອງ ຄົບຮອບ 40 ປີ ໄຊຊະນະການຕໍ່ສູ້ປ້ອງກັນຊາຍແດນຕາເວັນຕົກສ່ຽງໃຕ້ ຂອງ ຫວຽດນາມ ແລະ ຮ່ວມກັບ ທະຫານ, ປະຊາຊົນກຳປູເຈຍ ໄຊຊະນະ ລະບອບຂ້າລ້າງເຜົ່າພັນ ໄດ້ດຳເນີນໄປໃນຕອນເຊົ້າຂອງວັນທີ 4 ມັງກອນ ຢູ່ ຮ່າໂນ້ຍ, ນາຍົກລັດຖະມົນຕີ ຫງວ໋ຽນ ຊົນຟຸກ ໄດ້ເນັ້ນໜັກວ່າ: “ ພັກ, ລັດ ແລະ ປະຊາຊົນຫວຽດນາມ ຍາມໃດກໍ່ຈະຮູ້ບຸນຄຸນຕໍ່ຄວາມງາມຄວາມດີ ຂອງພະນັກງານ, ນັກຮົບ, ທະຫານອາສາສະໝັກ ແລະ ຊ່ຽວຊານຫວຽດນາມ ທີ່ໄດ້ເສຍສະຫຼະຢ່າງສຸດອົກສຸດໃຈເພື່ອພາລະກິດການປະຕິວັດ ຂອງປະຊາຊົນກຳປູເຈຍ, ຜ່ານຜ່າຄວາມຫຍຸ້ງຍາກລຳບາກອັນລະອັດລະອ້ຽວ, ອຸທິດທັງເລືອດເນື້ອຂອງຕົນ, ຕໍ່ສູ້ ແລະ ເອົາໄຊຊະນະ ໃນການຕໍ່ສູ້ທີ່ມີຄວາມໝາຍເພື່ອປົກປັກຮັກສາ ຊາຍແດນ ພາກຕາເວັນຕົກສ່ຽງໃຕ້ຂອງ ຫວຽດນາມ ແລະ ປະສົບຄວາມສຳເລັດຢ່າງສະຫງ່າງາມ ພາລະກິດສາກົນ ອັນສູງສົ່ງ”.