ການບິນລາວ ກຽມຄວາມພ້ອມເປີດຖ້ຽວບິນພາຍໃນ ເລີ່ມ 22 ພຶດສະພານີ້

ທ່ານ ຄຳ​ຫຼ້າ ພົມ​ມະ​ວັນ ຜູ້­ອຳ­ນວຍ­ການ​ລັດ​ວິ​ສາ​ຫະ​ກິດ​ການ­ບິນ​ລາວ ໃຫ້​ສຳ­ພາດ​ວັນ​ທີ 19 ພຶດ­ສະ­ພາ 2020 ວ່າ: ແຜນ­ການ​ເປີດ​ຖ້ຽວ​ບິນ​ເສັ້ນ­ທາງ​ພາຍ​ໃນ​ປະ­ເທດ​ຄືນ ເລີ່ມ​ຖ້ຽວ​ບິນ​ທຳ​ອິດ​ນັບ​ແຕ່​ວັນ​ທີ 22 ພຶດ­ສະ­ພາ 2020 ເປັນ­ຕົ້ນ​ໄປ ເຊິ່ງ​ບິນ​ເສັ້ນ­ທາງ​ພາຍ​ໃນ​ປະ­ເທດ​ທັງ​ໝົດ​ມີ 6 ເສັ້ນ­ທາງ​ຄື: ເສັ້ນ­ທາງ​ນະ­ຄອນ­ຫຼວງ​ວຽງ​ຈັນ (ນວ)-ຫຼວງ​ພະ​ບາງ-ນວ ບິນ 4 ຖ້ຽວ​ຕໍ່​ອາ­ທິດ (ວັນ​ຈັນ ວັນ​ພຸດ ວັນ​ສຸກ ແລະ ອາ­ທິດ) ເສັ້ນ­ທາງ ນວ-ປາກ​ເຊ-ນວ ບິນ 4 ຖ້ຽວ​ຕໍ່​ອາ­ທິດ (ວັນ​ຈັນ ພຸດ ສຸກ ແລະ ອາ­ທິດ) ນວ-ສະ­ຫວັນ​ນະ​ເຂດ-ນວ ບິນ 3 ຖ້ຽວ​ຕໍ່​ອາ­ທິດ (ວັນ​ຈັນ ວັນ​ພຸດ ວັນ​ສຸກ) ເສັ້ນ­ທາງ ນວ-ຊຽງ​ຂວາງ-ນວ ບິນ 3 ຖ້ຽວ​ຕໍ່​ອາ­ທິດ (ວັນ​ຈັນ ວັນ​ພຸດ ວັນ​ສຸກ) ເສັ້ນ­ທາງ ນວ-ອຸ­ດົມ​ໄຊ-ນວ ບິນ 3 ຖ້ຽວ​ຕໍ່​ອາ­ທິດ (ວັນ​ອັງ­ຄານ ວັນ​ພະ­ຫັດ ວັນ​ເສົາ) ເສັ້ນ­ທາງ ນວ-ຫຼວງ​ນ້ຳ​ທາ-ນວ ບິນ 4 ຖ້ຽວ​ຕໍ່​ອາ­ທິດ (ວັນ​ຈັນ ວັນ​ພຸດ ວັນ​ສຸກ ວັນ​ອາ­ທິດ).