ບຸກຄະລາກອນ ຕ້ອງມີວິໄສທັດການຈັດຕັ້ງປະຕິບັດວຽກງານ ໃນຍຸກດີຈີຕອນ

ການພັດທະນາຊັບພະຍາກອນມະນຸດ, ບຸກຄະລາກອນ ຫລື ການກໍ່ສ້າງບຳລຸງພະນັກ ງານ ແມ່ນມີຄວາມຈຳເປັນ ແລະ ສຳຄັນຫລາຍ ບໍ່ວ່າຈະເປັນພະນັກງານການນຳ, ພະນັກງານຄຸ້ມຄອງ, ພະນັກງານວິຊາການ ລວມທັງ ຊາວຜູ້ອອກ ແຮງງານ ຖ້າບໍ່ໄດ້ຮັບການ ກໍ່ສ້າງບຳລຸງ ແມ່ນນັບມື້ຈະຫລ້າຫລັງ. ສະນັ້ນການພັດທະນາ ແລະ ການກໍ່ສ້າງບຸກຄະລາກອນ ໃນຂະແໜງຕ່າງໆ ຕ້ອງໃຫ້ມີຄວາມເຂັ້ມແຂງ, ສ້າງພະນັກງານໃຫ້ມີປະສິດທິພາບ ແລະ ປະສິດທິຜົນສູງ, ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ກ່າວໃນໂອກາດເປີດຝຶກອົບຮົມ ແລະ ເຜີຍແຜ່ດຳລັດ ວ່າດ້ວຍການປະເມີນຜົນການຈັດຕັ້ງ ປະຕິບັດວຽກງານຂອງພະນັກງານລັດຖະກອນ ໃນວັນທີ 17 ກໍລະກົດ 2019 ທີ່ ຫໍວັດທະນະທຳ ແຫ່ງຊາດ ນະຄອນຫລວງວຽງຈັນ.