ປະຊາຊົນຢີປຸ່ນທີ່ປະສົບກັບອາກາດຮ້ອນ ແດດກ້າ ໃນເວລາໄປການ.
ສະພາບອາກາດທີ່ຮ້ອນອົບເອົ້າໄດ້ແກ່ຍາວ ແລະ ແຜ່ລາມໄປທົ່ວປະເທດ ຢີປຸ່ນ. ຕາມອົງການ ອຸຕຸນິຍົມ ຢີປຸ່ນ, ອຸນນະພູມທີ່ວັດແທກໄດ້ໃນວັນທີ 23 ກໍລະກົດ ຢູ່ເມືອງ Kumagaya ແຂວງ Saitama ໄດ້ກັບ ນະຄອນຫຼວງ ໂຕກຽວ ອາກາດປະຈຸບັນຢຽບ 41,1 ອົງສາເຊ. ໃນຄະນະທີ່ ຢູ່ນະຄອນ Ome, ພາກຕາເວັນຕົກຂອງ ນະຄອນຫຼວງໂຕກຽວ ກໍ່ເພີ່ມຂື້ນ 40,3 ອົງສາເຊ.
ເຄື່ອງວັດແທກອຸນນະພູມ.
ອຸນນະພູມທີ່ສູງເປັນປະຫວັດຕິການ ໄດ້ຮັບການຢັ້ນຢືນຈາກ ສະຖານນີຕິດຕາມສະພາບອາກາດ 13 ແຫ່ງທົ່ວປະເທດ ມີອຸນນະພູມສະເລ່ຍຂອງ 10 ນະຄອນ ແລະ ເມືອງຢູ່ ທີ່ 40 ອົງສາເຊ.
ພະນັກງານຂອງອົງການ ອຸຕະນິຍົມ ຂອງແຂວງ Takekawa Motoaki ໄດ້ກ່າວຕໍ່ນັກຂ່າວວ່າ: ສະພາບອາກາດທີ່ຮ້ອນອົບເອົ້າ ອາດຈະແກ່ຍາວໄປຮອດເດືອນສິງ.
ອົງການ ອຸຕຸນິຍົມ ຢີປຸ່ນ ແນະນຳໃຫ້ປະຊາຊົນຢູ່ໃນພື້ນທີ່ -ທີ່ມີອຸນນະພູມສະເລ່ຍປະມານ 35 ອົງສາເຊ ຂື້ນໄປແມ່ນຕ້ອງໄດ້ເຝົ້າລະວັງທີ່ສຸດ ຫຼີກລ້ຽງຈາກສະພາບເມົາແດດ. ເຖິງວ່າອຸນນະພູມອາດຈະຕ່ຳກວ່າ 35 ອົງສາເຊ ກໍ່ຕາມ, ແດດຮ້ອນອາດຈະເປັນອັນຕະລາຍຕໍ່ເດັກນ້ອຍ ແລະ ຄົນຊະລາໄດ້.
ເຈົ້າໜ້າທີ່-ອຳນາດການປົກຄອງ ຢີປຸ່ນ ຮຽກຮ້ອງມາຍັງພໍ່ແມ່ປະຊາຊົນ ຕ້ອງໄດ້ລະມັດລະວັງເປັນພິເສດ ຍ້ອນມີຫຼາຍຄົນມີອາການໝົດແຮງ ພາຍຫຼັງທີ່ສະພາບອາກາດຮ້ອນອົບເອົ້າແກ່ຍາວເປັນເວລາຍາວນານ.
ຜູ້ຄົນຕ້ອງໄດ້ໃຊ້ຄັນຮົ່ມເພື່ອກັນແດດຈ້າຕອນກາງເວັນ.
ເຫດການແດດຮ້ອນອົບເອົ້ານີ້ ເຮັດໃຫ້ຄົນຢີປຸ່ນ ກໍ່ຄືອຳນາດການປົກຄອງທຸກຂັ້ນຂອງປະເທດບໍ່ທັນຕັ້ງໂຕ, ພ້ອມກັນນັ້ນກໍ່ເຮັດໃຫ້ເກີດມີຄວາມກັງວົນ ແລະ ຢ້ານກ່ຽວກັບການເປັນເຈົ້າພາບ ງານມະຫະກຳກິລາ ໂອລີມປິກ ລະດູຮ້ອນ 2020 ທີ່ຄາດວ່າຈະດຳເນີນໄປ ໃນເດືອນ ກໍລະກົດ ຫາ ສິງຫາ ປີ 2020 ຢູ່ໂຕກຽວ ຈະເປັນແນວໃດຖ້າສະພາບອາກາດເປັນແນວນີ້.
(ຫັດທະບູນ)