 |
ທະຫານຊາຍແດນ ຫວຽດນາມ ຮ່ວມລາດຕະເວນຮ່ວມສອງຝ່າຍ ກັບ ທະຫານປ້ອງກັນຊາຍແດນ ລາວ.(ພາບ: qdnd.vn)
ໃນການລາດຕະເວນແບບສອງຝ່າຍນີ້, ທັງສອງຝ່າຍໄດ້ຈັດຕັ້ງການກວດກາຮ່ວມ ໃນຂອບເຂດຊາຍແດນຈາກ ຫຼັກຫມາຍຊາຍແດນ ເລກທີ 376 ເຖິງ ຫຼັກຫມາຍຊາຍແດນ 377. ທັງສອງຝ່າຍໄດ້ປະຕິບັດຫຼັກການ, ພິທີການ ແລະ ລະບຽບການ ໃນການດໍາເນີນການພົວພັນຕ່າງປະເທດ ດ້ານປ້ອງກັນຊາຍແດນ ຢ່າງເຄັ່ງຄັດ.
ນີ້ແມ່ນການເຄື່ອນໄຫວປະຈຳ ເພື່ອຊອກຫາການລະເມີດລະບຽບດ້ານຊາຍແດນ ແລະ ເພື່ອແກ້ໄຂເຫດການທີ່ເກີດຂຶ້ນໃນຂອບເຂດ ຢ່າງວ່ອງໄວ; ປະສານສົມທົບປ້ອງກັນເສັ້ນຊາຍແດນຮ່ວມ, ຮັກສາສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍໃນສັງຄົມລຽບຕາມແນວຊາຍແດນ.
ໃນຕອນທ້າຍ ຂອງການລາດຕະເວນ, ທັງສອງຝ່າຍໄດ້ຈັດຕັ້ງການຖອດຖອນບົດຮຽນ, ເຊັນບົດບັນທຶກຜົນການຂອງການຄຸ້ມຄອງ, ປ້ອງກັນຊາຍແດນໃນໄລຍະຜ່ານມາ, ວາງແນວທາງ, ວິທີການແກ້ໄຂ ແລະ ເປັນເອກກະພາບດ້ານເວລາ, ຈຳນວນພົນໃນການລາດຕະເວນກວດກາຄັ້ງຕໍ່ໄປ.
（ຫັດທະບູນ）
