ຜູ້ປະສົບໄພທີ່ໄດ້ຮັບການຊ່ວຍເຫຼືອ.
ກຳມະກອນສັນຊາດຫວຽດນາມ ຕິດຢູ່ພື້ນທີ່ປະສົບໄພ , ເຂດສັນເຂື່ອນຊຸ ແມ່ນກຳມະກອນ ຂອງກຸ່ມບໍລິສັດ ຮ່ວາງແອັງຢາລາຍ.
ກ່າວໂອ້ລົມກັບນັກຂ່າວ ມື້ຄືນທີ່ຜ່ານມາ 24 ກໍລະກົດ ທ່ານ ດວ່ານຫງວຽນດຶກ - ທ່ານດຶກ ( ປະທານບໍລິຫານ ກຸ່ມບໍລິສັດ ຮວ່າງແອັງຢາລາຍ) ໃຫ້ຮູ້ວ່າ ເຊົ້າມື້ວັນທີ 25 ກໍລະກົດ ຈະສັ່ງໃຫ້ເຮືອບິນເຮລີຄ໋ອບເຕີ້ ເດີນທາງໄປຍັງ ຟາມ ບ່ອນເຮັດວຽກຂອງ ກຳມະກອນຫວຽດນາມ 24 ຄົນ ທີ່ກຳລັງຕິດຢູ່ເກີດເຫດໄພພິບັດນີ້. ຈາກນັ້ນ ວັນທີ 25 ກໍລະກົດ ກຳມະກອນທັງໜົດດັ່ງກ່າວຈະໄດ້ຖືກສົ່ງກັບມາບ້ານເກີດ ຫວຽດນາມ.
ແຂວງອັດຕະປື ເປັນບ່ອນທີ່ ບໍລິສັດ HAGL ລົງທືນຫຼາຍສິບພັນເຮັກຕາ ປູກຕົ້ນຢາງພາລາ ແລະ ເດີ່ນບິນ ມູນຄ່າ 800 ຕື້ດົ່ງ. ຕາມທ່ານ ດືກ ອານາຄົດ ກຸ່ມບໍລິສັດ ຈະຂື້ນແຜນ-ມາດຕະການ ປະສານສົມທົບ ອົງການອຳນາດການປົກຄອງ ຂອງລາວເຂົ້າຮ່ວມໃນການຊ່ວຍກູ້ໄພເມື່ອມີຄວາມຈຳເປັນ.
ຕອນປະມານ 20ໂມງ, ຂອງວັນທີ 23 ກໍລະກົດ ອ່າງເກັບນ້ຳ ເຂື່ອນເຊປຽນ-ເຊນ້ຳນ້ອຍແຕກ ເຊິ່ງມວນນ້ຳຫຼາຍກ່ວາ 5 ຕື້ແມັດກ້ອນ ໄຫຼລົ້ນລົງສູ່ພື້ນທີ່ຕ່ຳ-ເຂດບ້ານເຮືອນຂອງພໍ່ແມ່ປະຊາຊົນ ປະມານ 6ບ້ານ ຂອງເມືອງສະໜາມໄຊ ແຂວງອັດຕະປື.
ຫ້ອງການ ຄະນະກຳມາທິການ ຄົ້ນຫາ-ກູ້ໄພ ແຫ່ງຊາດ ໄດ້ໃຫ້ຮູ້ວ່າເຫດການດັ່ງກ່າວໄດ້ເຮັດໃຫ້ມີຜູ້ເສຍຊີວິດແລ້ວ 70ຄົນ, ສູນຫາຍອີກກວ່າ 200ຄົນ, ຊັບສິນເຮືອນຊານບ້ານຊ່ອງແມ່ນຖືກຊຸໄປຕາມນ້ຳເປັນຈຳນວນຫຼວງຫຼາຍ. ອຳນາດການປົກຄອງທ້ອງຖິ່ນ ລາວໄດ້ປຸກລະດົມຂົນຂວາຍ ທະຫານຢູ່ ກອງພົນ ແລະ ກອງພັນປະມານ 200ຄົນ ເຂົ້າໃນການຊ່ວຍເຫຼືອໃນຄັ້ງນີ້.
ໃນຄະນະດຽວກັນ ຕາມການລາຍງານຂ່າວຈາກ ສະຖານກົງສຸນຫວຽດນາມ ທີ່ປາກເຊ ໃຫ້ຮູ້ວ່າ: ເຫດການສັນເຂື່ອນເຊປຽນ-ເຊນ້ຳນ້ອຍຊຸຄັ້ງນີ້ຍັງບໍ່ທັນສາມາດທີ່ຈະລະບຸໄດ້ຕົວເລກ-ສະຖິຕິ ຢ່າງຊັດເຈນກ່ຽວກັບຜູ້ເສຍຊີວິດ ແລະ ສູນຫາຍ ແລະຍັງບໍ່ທັນມີລາຍງານວ່າມີຄົນຫວຽດນາມດຳລົງຊີວິດຢູ່ເຂດທີ່ປະສົບໄພ.
(ຫັດທະບູນ)