ຄະນະກຳມະການສັນຕິພາບນະຄອນຮ່າໂນ້ຍ ຈັດຕັ້ງກອງປະຊຸມໃຫນ່ຜູ້ແທນ ຄັ້ງທີ VII, ອາຍຸການ 2022 – 2027. |
ຮູບແບບກິດຈະກໍາເຄື່ອນໄຫວທີ່ຫຼາຍຮູບຫຼາຍແບບ
ໃນອາຍຸການ 2013-2020, ຄະນະກຳມະການສັນຕິພາບນະຄອນຮ່າໂນ້ຍ ໄດ້ສົມທົບຢ່າງຕັ້ງໜ້າກັບຄະນະກຳມະການສັນຕິພາບຫວຽດນາມ, ຄະນະກຳມະການສັນຕິພາບຂອງບັນດາທ້ອງຖິ່ນຕ່າງໆ ກໍ່ຄືບັນດາອົງການຈັດຕັ້ງ ໃນລະບົບສະຫະພັນບັນດາອົງການຈັດຕັ້ງມິດຕະພາບຫວຽດນາມ ຈັດຕັ້ງບັນດາການເຄື່ອນໄຫວສັນຕິພາບ, ປະກອບສ່ວນຍົກສູງປະສິດທິຜົນວຽກງານການທູດປະຊາຊົນ ຄື: ການປະກວດແຕ້ມຮູບສັນຕິພາບໂດຍມີການເຂົ້າຮ່ວມຂອງເດັກນ້ອຍຢູ່ຮ່າໂນ້ຍ ແລະ ສະຖານທູດຕ່າງໆ; ພິທີສູດສັກອະນິດຈາໃຫ້ແກ່ ຜູ້ຖືກເຄາະຮ້າຍ ແລະ ນັກຮົບທີ່ເສຍຊີວິດໃນເຫດວາງລະເບີດ B52 ຂອງ ຈັກກະພັດ ອາເມລິກາ; ການແຂ່ງຂັນແລ່ນເພື່ອສັນຕິພາບ, ເພື່ອເດັກນ້ອຍ; ໂອ້ລົມສົນທະນາອັບເດດສະພາບສະຖານະການ….
ຄະນະກຳມະການສັນຕິພາບນະຄອນຮ່າໂນ້ຍ ຍາມໃດກໍ່ຕັ້ງໜ້າ ແລະ ສົມທົບກັນຢ່າງແໜ້ນແຟ້ນກັບຄະນະກຳມະການສັນຕິພາບຫວຽດນາມ ໃນການເພີ່ມທະວີການພົວພັນສາມັກຄີ, ມິດຕະພາບລະຫວ່າງປະຊາຊົນຫວຽດນາມ ກັບ ປະຊາຊົນບັນດາປະເທດໃນໂລກ. ພິເສດແມ່ນໃນປີ 2015, ຄະນະກຳມະການສັນຕິພາບນະຄອນຮ່າໂນ້ຍ ໄດ້ລະດົມກ່ວາ 1,1 ລ້ານລາຍເຊັນເພື່ອໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ ແລະ ເພື່ອຫຼຸດຜ່ອນອາວຸດນິວເຄຼຍ.
ພິທີສູດສັກອະນິດຈາໃຫ້ແກ່ ນັກຮົບວິລະຊົນ, ຜູ້ຖືກເຄາະຮ້າຍ ທີ່ເສຍຊີວິດໃນ ການວາງລະເບີດ B52 ຢູ່ຮ່າໂນ້ຍ ແລະ ໃນໄລຍະການແຜ່ລະບາດຂອງ ພະຍາດໂຄວິດ-19 ຢູ່ວັດ ບ່າດ່າ, ຮ່າໂນ້ຍ.
ໃນຂະນະນັ້ນ, ບັນດາການເຄື່ອນໄຫວຂອງຄະນະກຳມະການສັນຕິພາບນະຄອນ ໂຮ່ຈີມິນ ໄດ້ສຸມໃສ່ດຶງດູດຄວາມສົນໃຈຂອງສັງຄົມ ແລະ ຄົນລຸ້ນຕ່າງໆ, ພິເສດແມ່ນຊາວໜຸ່ມໃນການກໍ່ສ້າງວັດທະນະທຳສັນຕິພາບ, ຄວາມຮັບຜິດຊອບໃນການກໍ່ສ້າງ ແລະ ປົກປັກຮັກສາສັນຕິພາບ ຄື: ຈັດຕັ້ງ “ງານປະກວດຮູບແຕ້ມກ່ຽວກັບສັນຕິພາບ"; ຕອບສະໜອງບັນດາການລົງນາມຕ້ານອາວຸດນິວເຄຼຍ, ຕໍ່ສູ້ເພື່ອສັນຕິພາບ, ໜູນຊ່ວຍການຈັດຕັ້ງບັນດາເຫດການ “ພ້ອມກັນສູ້ຊົນເພື່ອສັນຕິພາບ”; ຂໍ້ລິເລີ່ມສີສົ້ມ.
ພິເສດ, ດ້ວຍການສະໜັບສະໜູນຂອງສະຫະພັນບັນດາອົງການຈັດຕັ້ງມິດຕະພາບນະຄອນໂຮ່ຈີມິນ (HUFO), ການປົກປ້ອງຂອງ UNESCO ຫວຽດນາມ ແລະ UNICEF ຫວຽດນາມ, ຄະນະກຳມະການສັນຕິພາບນະຄອນໂຮ່ຈີມິນ ໄດ້ຈັດຕັ້ງວັນວັດທະນະທຳສັນຕິພາບນະຄອນໂຮ່ຈີມິນ ປີ 2018 ດ້ວຍຫົວຂໍ້ “ເພື່ອສັງຄົມບໍ່ໃຊ້ຄວາມຮຸນແຮງ”, ເພື່ອແນໃສ່ສົ່ງສານຄຸນຄ່າກໍານົດ ທິດຕົ້ນຕໍຂອງວັດທະນະທຳສັນຕິພາບຜ່ານການເຄື່ອນໄຫວຂອງ 30 ກວ່າອົງການຈັດຕັ້ງ.
ເຫກການມີການເຂົ້າຮ່ວມຂອງຫົວໜ້າອົງການ UNESCO ຫວຽດນາມ, ຫົວໜ້າສະຖານກົງສູນບັນດາປະເທດຢູ່ນະຄອນ ໂຮ່ຈີມິນ, ບັນດາຜູ້ແທນນະຄອນ ໂຮ່ຈີມິນ ແລະ ບັນດາແຂວງໃກ້ຄຽງ, ກ່ວາ 2.500 ຄົນພວມດຳລົງຊີວິດ ແລະ ເຮັດວຽກຢູ່ນະຄອນ ໂຮ່ຈີມິນ ແລະ ນັກທ່ອງທ່ຽວຕ່າງປະເທດ. ມີຫຼາຍກວ່າ 109.700 ຄົນໄດ້ເຂົ້າເບິ່ງໜ້າເຟສບຸກຂອງກອງທຶນສັນຕິພາບ ແລະ ພັດທະນາໂຮ່ຈີມິນ (HPDF) ດ້ວຍຫຼາຍກວ່າ 2400 ຂໍ້ຄວາມຕອບ. VTV3, VTC10, ໂທລະພາບປະຊາຊົນ, ໂທລະພາບນະຄອນໂຮ່ຈີມິນ ແລະ ຫຼາຍກວ່າ 25 ບົດຂ່າວ ແລະ ໜັງສືພິມອອນໄລຫຼາຍແຫ່ງໄດ້ຂຽນ ແລະ ລາຍງານກ່ອນ, ໃນ ແລະ ຫຼັງເຫດການ.
ຮຽກຮ້ອງການຫັນເປັນສັງຄົມໜູນຊ່ວຍທ້ອງຖິ່ນລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ
ຄະນະກຳມະການສັນຕິພາບນະຄອນ ຫາຍຟ່ອງ ໄດ້ເປັນເຈົ້າການຜັນຂະຫຍາຍບັນດາການເຄື່ອນໄຫວສັນຕິພາບ, ຫັນບັນດາການກຳນົດທິດທາງຂອງສູນກາງເປັນລະອຽດ, ຕິດພັນກັບສະພາບຕົວຈິງຢູ່ທ້ອງຖິ່ນ; ໄດ້ຈັດຕັ້ງການເຄື່ອນໄຫວແທດຈິງຫຼາຍຢ່າງ, ຂົນຂວາຍປະຊາຊົນເຂົ້າຮ່ວມເປັນຈຳນວນຫຼວງຫຼາຍ ແລະ ຕອບສະໜອງເນື່ອງໃນວັນສະເຫຼີມສະຫຼອງ ແລະ ບັນດາເຫດການສາກົນ ຕໍ່ສູ້ເພື່ອສະໜັບສະໜູນສັນຕິພາບໃນທົ່ວປະເທດ ແລະ ຢູ່ບັນດາທ້ອງຖິ່ນ. ຄະນະກຳມະການສັນຕິພາບນະຄອນ ຫາຍຟ່ອງ ສຸມໃສ່ຂົນຂວາຍ, ຮຽກຮ້ອງໃຫ້ສາກົນ, ຫັນເປັນສັງຄົມໜູນຊ່ວຍແຫຼ່ງກຳລັງ, ໜູນຊ່ວຍນະຄອນໃນວຽກງານລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກແບບຍືນຍົງ, ປົກປັກຮັກສາສິ່ງແວດລ້ອມ, ຮັບມືກັບການປ່ຽນແປງຂອງດິນຟ້າອາກາດ, ປົກປ້ອງ ເດັກນ້ອຍ, ໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ...
ໂດຍມຸ່ງໄປເຖິງເປົ້າໝາຍໂຄສະນາເຜີຍແຜ່, ສຶກສາໃຫ້ປະຊາຊົນເຂົ້າຮ່ວມບັນດາຂະບວນການປົກປັກຮັກສາສັນຕິພາບຂອງໂລກ ແລະ ພາກພື້ນ, ປະກອບສ່ວນຊຸກຍູ້ການພັດທະນາເສດຖະກິດ - ສັງຄົມຂອງນະຄອນຕາມທິດຍືນຍົງ, ຄະນະກຳມະການສັນຕິພາບນະຄອນ ຫາຍຟ່ອງ ໄດ້ຂົນຂວາຍ ແລະ ສົມທົບກັບບັນດາອົງການຈັດຕັ້ງສະມາຊິກຈັດຕັ້ງຫຼາຍການເຄື່ອນໄຫວທີ່ແທດຈິງໃນບໍລິເວນ, ເລືອກເຟັ້ນບັນດາບັນຫາຈຸດສຸມ, ລຸລ່ວງໃນວຽກງານສັນຕິພາບ.
ບາງກິດຈະກຳທີ່ພົ້ນເດັ່ນຄື: ເຂົ້າຮ່ວມການປຸກລະດົມບັນດາໂຄງການການກຸສົນເພື່ອໜູນຊ່ວຍຜູ້ປະສົບໄພຈາກໄພນ້ຳຖ້ວມ; ໜູນຊ່ວຍປະຊາຊົນຍີ່ປຸ່ນ ພາຍຫຼັງໄພພິບັດແຜ່ນດິນໄຫວ, ຄື້ນຟອງສຸນາມິ, ການປົນເປື້ອນນິວເຄຼຍ; ໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ, ສະກັດກັ້ນໄພຍໍ້ທໍ້ໃນສັງຄົມ; ເກັບກຳລາຍເຊັນນັບພັນລາຍເຊັນຕ້ານອາວຸດນິວເຄຼຍໃນປີ 2015; ເຂົ້າຮ່ວມໂຄງການປູກ ແລະ ປົກປັກຮັກສາຕົ້ນໄມ້ໃນນະຄອນ ແລະ ປ່າຊາຍເລນ, ປະກອບສ່ວນປົກປັກຮັກສາ ແລະ ອະນຸລັກຮັກສາສິ່ງແວດລ້ອມທາງທະເລ...
ບັນດາຜູ້ແທນເຂົ້າຮ່ວມກອງປະຊຸມປະທານຄະນະກຳມະການສັນຕິພາບຫວຽດນາມ ສະຫຼຸບວຽກງານປີ 2022 |
ທ່ານດຣ ອວງຈູລືວ, ອະດີດກຳມະການສູນກາງພັກ, ອະດີດຮອງປະທານສະພາແຫ່ງຊາດ, ປະທານຄະນະກຳມະການສັນຕິພາບຫວຽດນາມ ກ່າວຄຳເຫັນທີ່ກອງປະຊຸມ. |
ຄະນະກຳມະການສັນຕິພາບນະຄອນ ດ່ານັງ ໄດ້ຕັ້ງໜ້າເຂົ້າຮ່ວມ ແລະ ສົມທົບກັນຢ່າງແໜ້ນແຟ້ນໃນບັນດາການເຄື່ອນໄຫວຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ, ຄະນະກຳມະການສັນຕິພາບ ຫວຽດນາມ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນ, ສະຫະພັນບັນດາອົງການຈັດຕັ້ງມິດຕະພາບນະຄອນ ດ່າໜັງ ແລະ ບັນດາອົງການ, ຫົວໜ່ວຍທີ່ກ່ຽວຂ້ອງຢູ່ນະຄອນຈັດຕັ້ງ; ນຳມາເຊິ່ງໝາກຜົນໃດໜຶ່ງທີ່ແນ່ນອນ, ປະກອບສ່ວນເພີ່ມທະວີຄວາມສາມັກຄີ, ມິດຕະພາບ ແລະ ຄວາມເຂົ້າອົກເຂົ້າໃຈຂອງປະເທດຊາດ ແລະ ບັນດາປະເທດໃນພາກພື້ນທີ່ມີຕໍ່ປະເທດຊາດ, ປະຊາຊົນຫວຽດນາມ ແລະ ປະຊາຊົນນະຄອນ ດ່ານັງ ໃນທ່າອ່ຽງເຊື່ອມໂຍງ ແລະ ຮ່ວມມື, ເປັນພື້ນຖານໃນການກໍ່ສ້າງໂລກແຫ່ງສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງ.
ບູນມີ