 |
ພິທີລົງນາມບົດບັນທຶກການຮ່ວມມື ການສະໜອງຂໍ້ມູນຄວາມຕ້ອງການ ແລະ ການສະໜອງແຮງງານ
ຈຸດປະສົງເພື່ອຈັດຕັ້ງປະຕິບັດກົນໄກການສະໜອງຂໍ້ມູນຄວາມຕ້ອງການນຳໃຊ້ແຮງງານຂອງຫົວໜ່ວຍແຮງງານ ຜູ້ປະກອບການໃນລະບົບຂໍ້ມູນຂ່າວສານຕະຫຼາດແຮງງານ ໂດຍຝ່າຍສູນບໍລິການຈັດຫາງານ ຕິດຕາມການລົງທະບຽນ ຄວາມຕ້ອງການນຳໃຊ້ແຮງງານ ພາຍໃຕ້ເຄືອຄ່າຍບໍລິສັດຮ້ອຍແປດພັນເກົ້າກຼຸບຈຳກັດ ໃນລະບົບເວບໄຊ ເປັນຂໍ້ມູນຂ່າວສານຕະຫຼາດແຮງງານຢ່າງເປັນປົກກະຕິ ຈັດສົ່ງຜູ້ຊອກວຽກພາຍໃຕ້ລະບົບຂໍ້ມູນຂ່າວສານຕະ ຫຼາດແຮງງານ ເຂົ້າສຳພາດວຽກຕາມຕຳແໜ່ງຫວ່າງທີ່ປະກາດ ຊ່ວຍຊຸກຍູ້ບໍລິສັດຮ້ອຍແປດພັນເກົ້າກຼຸບຈຳກັດ ຈັດຕັ້ງປະຕິບັດກົນໄກຂໍ້ມູນຂ່າວສານຕະຫຼາດ ໃຫ້ສອດຄ່ອງກັບຄວາມຕ້ອງການຂອງສັງຄົມ ສ່ວນບໍລິສັດຮ້ອຍແປດພັນເກົ້າກຼຸບຈຳກັດ ຈະຊອກຫາຂໍ້ມູນຄວາມຕ້ອງການນຳໃຊ້ແຮງງານໃນຕະຫຼາດແຮງງານລາວ ສະໜອງຂໍ້ມູນຕຳ ແໜ່ງງານເຂົ້າສູ່ລະບົບຂໍ້ມູນຂ່າວສານຕະຫຼາດແຮງງານ ແນະນຳໃຫ້ຜູ້ປະກອບການລາຍງານການບັນຈຸງານຕໍ່ ລະບົບຂໍ້ມູນຂ່າວສານຕະຫຼາດແຮງງານ ຮ່ວມກັບສູນບໍລິການຈັດຫາງານ ປັບປຸງລະບົບຂໍ້ມູນຂ່າວສານຕະຫຼາດແຮງງານໃຫ້ມີຄວາມທັນສະໄໝ ແລະ ສະດວກສະບາຍໃນການນຳໃຊ້ ແລະ ແນະນຳໂຄສະນາເຜີຍແຜ່ໃນລະບົບຂໍ້ມູນຂ່າວສານຕະຫຼາດແຮງງານໃຫ້ສັງຄົມຮັບຊາບ.
ເພື່ອຕອບສະໜອງຄວາມຕ້ອງການຂອງຕະຫຼາດແຮງງານໃນປັດຈຸບັນ ແລະ ອະນາຄົດ ກ່ຽວກັບການສະໜອງແຮງງານໃຫ້ໄດ້ 143.230 ຄົນຕໍ່ປີ ຈາກຄວາມພະຍາຍາມໃນການປະສານສົມທົບທັງພາກລັດ ແລະ ເອກະຊົນ ໃນການສະໜອງແຮງງານເຂົ້າໃນຫົວໜ່ວຍງານ ແລະ ໂຄງການຕ່າງໆ ທຽບໃສ່ຄວາມຕ້ອງການຂອງຕະຫຼາດ ຍັງບໍ່ທັນຄ່ອງຕົວເທົ່າທີ່ຄວນ ພາຍຫຼັງການຮ່ວມມືຄັ້ງນີ້ຈະຊ່ວຍໃຫ້ວຽກງານດັ່ງກ່າວ ໄດ້ຮັບການແກ້ໄຂດີຂຶ້ນ.
（ແຫຼ່ງຂໍ້ມູນ： vientianemai.net）
