ສຳນັກຂ່າວຫຼາຍສຳນັກ ລາຍງານຂ່າວກ່ຽວກັບ ສະຖານະການນ້ຳຖ້ວມ ຢູ່ອັດຕະປື

ຕອນບ່າຍມື້ວານນີ້ ທ່ານນາຍົກລັດຖະມົນຕີ ແຫ່ງ ສປປ ລາວ ທອງລຸນ ສີສຸດລິດ ໄດ້ສັ່ງໂຈະ ກອງປະຊຸມລັດຖະບານ ປະຈຳເດືອນກໍລະກົດ 2018 ຢ່າງບໍ່ມີກຳນົດເພື່ອ, ເດີນທາງລົງໄປແຂວງອັດຕະປື, ເພື່ອຮ່ວມແຮງຮ່ວມຈິດເປັນໜື່ງທົ່ວປວງຊົນລາວທັງຊາດ ຊ່ວຍເຫຼືອປະຊາຊົນຍົກຍ້າຍຈາກບ້ານຫີນລາດ, ບ້ານໃໝ່, ບ້ານສະໝອງ, ບ້ານທ່າແສງຈັນ, ບ້ານທ່າຫີນ, ບ້ານໂຄກກ່ອງ ແລະ ບັນດາບ້ານລຽບຕາມສາຍເຊປຽນ ເມືອງສະໜາມໄຊ ແຂວງອັດຕະປື ສປປລາວ.

ທ່ານນາຍົກລັດຖະມົນຕີ ທອງລຸນ ສີສຸລິດ ລົງພື້ນທີ່ຜູ້ປະສົບໄພ.

ຕາມການລາຍງານຂອງພໍ່ແມ່ນປະຊາຊົນເຂດ ປະສົບໄພນຳຖ້ວມໄດ້ລາຍງານວ່າ: ມື້ເຊົ້ານີ້ທ່ານເຈົ້າແຂວງໆ ອັດຕະປືໄດ້ຊີ້ນຳ ແລະ ແບ່ງວຽກງານໃນການກູ້ໄພ ແລະ ໃຫ້ຄວາມຊ່ວຍເຫຼືອຜູ້ປະສົບໄພນ້ຳຖ້ວມແລ້ວ.

ການນຳແຂວງອັດຕະປືຊີ້ນຳ ແລະ ແບ່ງວຽກງານໃນການຊ່ວຍເຫຼືອພໍ່ແມ່ປະຊາຊົນ.

ຕອນຄ່ຳມື້ວານນີ້ ສຳນັກຂ່າວທົ່ວໂລກໄດ້ລາຍງານຂ່າວ ສະຖານນະການນ້ຳຖ້ວມຢ່າງລຽນຕິດ ຄື: ສຳນັກຂ່າວ Thai, Vietnam, CNN, BBC, China Xinhua News, Arirang News.... ພ້ອມນີ້ທຸກສຳນັກຂ່າວກໍ່ສະແດງຄວາມເສຍໃຈ ແລະ ຂໍເປັນກຳລັງໃຈເຖິງຜູ້ປະສົບໄພ ແຂວງອັດຕະປືຢ່າງຫຼວງຫຼາຍ.

ກຳລັງປ້ອງກັນປະເທດຂົນສົ່ງເຄື່ອງອຸປະໂພກ-ບໍລິໂພກເພື່ອແຈກຈ່າຍໃຫ້ຜູ້ປະສົບໄພ.

（ຫັດທະບູນ）