ຮອງລັດຖະມົນຕີ ກະຊວງສຶກສາທິການ ລົງຕິດຕາມ ການຮຽນ-ການສອນ ໂຮງຮຽນນານາຊາດ ຮິດຟິວວຽງຈັນ
 |
ທ່ານ ນາງ ຂັນທະລີ ສິຣິພົງພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ.
ໂອກາດນີ້, ທ່ານ ສູນທອນ ພົມມະຈັກ ປະທານໂຮງຮຽນນານາຊາດ ຮິດຟິວວຽງຈັນ ໄດ້ໃຫ້ຮູ້ວ່າ: ໂຮງຮຽນແຫ່ງນີ້, ໄດ້ເລີ່ມດຳເນີນການຮຽນ-ການສອນ ມາແຕ່ເດືອນກັນຍາ 2018 ປະກອບມີ ຊັ້ນລ້ຽງເດັກ ຈົນຮອດຊັ້ນ ປ3 ມີນັກຮຽນ 100 ກວ່າຄົນ, ໂດຍໄດ້ນຳໃຊ້ຫລັກສູນການຮຽນ-ການສອນ ແລະ ອາຈານ ຈາກປະເທດອັງກິດໂດຍກົງ ແລະ ມີຊ່ຽວຊານ ມາຊ່ວຍພັດທະນາທັກສະ ທາງດ້ານການເວົ້າພາ ສາອັງກິດຕື່ມອີກ. ພ້ອມນີ້, ໂຮງຮຽນຍັງໃຫ້ຄວາມສຳຄັນດ້ານສຸຂະອານາໄມ, ຄວາມປອດໄພ ແລະ ຄວາມສະຫງົບ ເພື່ອຮັບປະກັນໃຫ້ນັກຮຽນສາມາດຮຽນຮູ້, ເຮັດກິດຈະກຳ ແລະ ມ່ວນຊື່ນ ໃນສະພາບແວດລ້ອມທີ່ດີໄດ້ຕະຫລອດເວລາ.
ທ່ານ ສູນທອນ ພົມມະຈັກ ແຈ້ງໃຫ້ຮູ້ຕື່ມວ່າ: ໃນຕໍ່ໜ້ານີ້ ໂຮງຮຽນນານາຊາດ ຮິດຟິວວຽງຈັນ, ຈະເປີດສອນຈົນຈົບຫລັກສູດ ຊັ້ນປະຖົມ ແລະ ຊັ້ນມັດທະຍົມສົມບູນ, ໂດຍຈະເນັ້ນໃສ່ພັດທະນາຄຸນນະພາບ ການສຶກສາຢ່າງຕໍ່ເນື່ອງ ໂດຍໃຊ້ພາສາອັງກິດເປັນສື່ກາງໃນທຸກລະດັບຊັ້ນ ໃຫ້ເດັກນ້ອຍແຕ່ເຍົາໄວ ຈົນເຖິງໄວໜຸ່ມ. ໂຮງຮຽນນານາຊາດ ຮິດຟິວວຽງຈັນ, ພ້ອມແລ້ວທີ່ຈະມອບປະສົບການທີ່ດີ ແລະ ການສຶກສາຮູບແບບໃໝ່ ໂດຍເນັ້ນໜັກວິຊາການສິດສອນ ທີ່ມີປະສິດທິຜົນສູງ, ພ້ອມທັງເອົາໃຈໃສ່ດ້ານສິ ລະປະດົນຕີ, ກິລາ ແລະ ວັດທະນະທຳ ເພື່ອສ້າງໃຫ້ນັກຮຽນມີທັກສະຄວາມຮູ້ຮອບດ້ານ ແລະ ກຽມພ້ອມໃຫ້ພວກເຂົາ ກ້າວສູ່ອະນາຄົດໄດ້ຢ່າງສົມບູນ.
（ແຫຼ່ງຂໍ້ມູນ： ຂປລ）