ປະເທດລາວຕິດອັບດັບ1 ເປັນປະເທດທີ່ມີຄວາມສະຫງົບທີ່ສຸດ ປີ2018 ໃນບັນດາ6ປະເທດອ້ອມຂ້າງ

ປະ​ເທດ​ລາວ ແລະ ບັນ​ດາ​ປະ​ເທດ​ອ້ອມ​ຂ້າງ.

ອີງຕາມຂໍ້ມູນຈາກ ດັດຊະນີສັນຕິພາບໂລກ 2018 (Global Peace Index 2018) ທີ່ຈັດທຳໂດຍ ສະຖາບັນເສດຖະສາດແລະສັນຕິພາບ (Institute for Economics & Peace) ໄດ້ຈັດອັນດັບປະເທດທີ່ມີຄວາມສະຫງົບທີ່ສຸດໃນໂລກ ປີ 2018 ໂດຍມີ 71 ປະເທດ ທີ່ອັນດັບຄວາມສະຫງົບໄດ້ຮັບການປັບປຸງໃຫ້ດີຂຶ້ນ ກວ່າປີ 2017 ແລະມີ 92 ປະເທດທີ່ອັນດັບຄວາມສະງົບຮຸນຮ້າຍລົງກວ່າປີ 2017.

ພໍ່​ແມ່​ປະ​ຊາ​ຊົນ​ຊາວ​ພຸດ​ ໃສ່​ບາດ​ຕອນ​ເຊົ້າ.

ໃນການຈັດອັນດັບທົ່ວໂລກ ໄອຊ໌ແລນດ໌ ຄອງແຊ້ມອັນດັບ 1 ເປັນປະເທດທີ່ມີຄວາມສະຫງົບທີ່ສຸດໃນໂລກ ແລະປະເທດທີ່ຮຸນຮ້າຍສຸດ ແມ່ນປະເທດຊີເຣຍ ຢູ່ອັນດັບທີ 163 ປະເທດລາວຢູ່ອັນດັບທີ 46 ຂອງໂລກ.

ສະ​ຖານ​ທີ່​ທ​່ອງ​ທ່ຽວ​ທີ່​ມີ​ຄວາມ​ເປັນ​ທຳ​ມະ​ຊາດ ແລະ ​ຫຽບສະ​ຫງົບ.

ປະ​ເທດ​ລາວ​ທຽບ​ກັບ​ປະ​ເທດ​ໃນ​ອາ​ຊີ​-ປາ​ຊີ​ຟິກ.

ຕາ​ຕະ​ລາງ​ຈັດ​ອັນ​ດັບ ປະ​ເທດ​ທີ່​ມີ​ຄວາມ​ສະ​ຫງົບ​ໃນ​ໂລກ.

ຖ້າປຽບທຽບກັບບັນດາ 6 ປະເທດທີ່ມີຊາຍແດນຕິດຈອດກັນ ອັນໄດ້ແກ່ ລາວ, ໄທ, ຫວຽດນາມ, ກຳປູເຈຍ, ຈີນ ແລະມຽນມາ ລາວຢູ່ໃນອັນດັບທີ 1:

ລາວຢູ່ໃນອັນດັບທີ (1) [ອັນດັບ 46 ຂອງໂລກ]
ຫວຽດນາມອັນດັບ (2) [ອັນດັບ 60 ຂອງໂລກ]
ກຳປູເຈຍອັນດັບ (3) [ອັນດັບ 96 ຂອງໂລກ]
ຈີນອັນດັບທີ (4) [ອັນດັບ 112 ຂອງໂລກ]
ໄທອັນດັບທີ (5) [ອັນດັບ 113 ຂອງໂລກ]
ແລະມຽນມາອັນດັບ (6) [ອັນດັບ 122 ຂອງໂລກ]

（ຫັດ​ທະ​ບູນ）